Jeremiah 24:6 - De Beebaa Dabu

⁶ Gai au e dagitilo naa e hai ange tanuaa gi gilaadeu, ma de hagaahe mai gilaadeu gi de henua nei. Au e hagatuu age naa gilaadeu, e dee oha iho gilaadeu. Au e doo naa gilaadeu, e dee unuunusi age.

Jeremiah 24:6 Iomraidhean Croise

Genesis 44:21

Gai koe ne hai mai gi gimaadeu, oo dangada hai hegau, ‘Gaamai ia gi ogu daha gi gidee ai donu au ia.’

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

Nehemiah 5:19

Dogu Maadua, koe gi manadua mai au i doo abodonu, i agu mee alodahi gu hai ange gi de huaadangada nei.

Psalm 34:15

Tagi Maolunga e dagitilo gilaadeu e heohi, gai luoono dalinga e hagallongo alaadeu dangidangi.

Psalm 44:2

Koe ne hai gi hulo gee denga huaahenua, gai ne hai gi nnoho paba omaadeu dubuna madagidagi; koe ne hagaduasala denga huaadangada gai ne hai omaadeu dubuna gi hagadagadaga age.

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Jeremiah 12:15

Aagai dua dagu aau gee gilaadeu mai i olaadeu henua, gai au e ahe ange naa ga lodo aloha ange gi gilaadeu, ga hagaahe mai dahi ma dahi gi dono boolonga aama dono henua donu.

Jeremiah 16:15

aagai gilaadeu e hagataba naa, ‘Gimaadeu e hagatoo donu i de mouli o Tagi Maolunga, ne hagassao ina mai laa de gau Israel i de henua i ngaiho, aama mai i henua alodahi aana ne alualu gilaadeu gi hulo aagena.’ Gai au e hagaahe ange naa gi gilaadeu de henua aagu ne gaavange laa gi olaadeu dubuna.

Jeremiah 21:10

Au gu baba ange donu e hai ange de baubau gi de aduhale nei, e dee tanuaa, go Tagi Maolunga e hagadaba. De aduhale nei e dugu ange naa gi de hodooligi o Babylon gi hagadee kii ina, gai ia e dudu naa de aduhale i de ahi.’

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Jeremiah 29:10

Gai e hagadaba Tagi Maolunga: De masavaa naa huu e odi ange ai de madahidu ngadau, gai au ga hanadu gi oodou daha, ga hagassula mee danuaa alodahi aagu gu hagatoo donu adu ai gi goodou, ga hagaahe mai goodou gi de mommee nei.

Jeremiah 31:28

Bei dagu hai ne tilo ai laa ga unuunusi age ma de oha gilaadeu, ma de hagadee kii, ma de daa ga maakau, ma de hagaduasala gilaadeu, gai au e tilo naa hogi ga hagatuu age ma de doo gilaadeu, go Tagi Maolunga e hagadaba.

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Jeremiah 32:37

Tilo, au e hagabuni mai naa gilaadeu i denga henua aagu gu kave gilaadeu gi nnoho ai i hiidinga de kona dogu lili ma dogu bole. Au e hagaahe mai naa gilaadeu gi de mommee nei, ga hai gilaadeu gi noho paba.

Jeremiah 32:41

Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

Jeremiah 33:7

Au e hagaahe ange naa de manuuia o Judah ma Israel, ma de hagatuu age gilaau gi bei olaau dagodo i mua.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Jeremiah 39:12

“Gaavee ia diiloo ange; koe e dee vaivai hai ia, aagai haia gi bei mee alodahi aana e lodo koe gi haia.”

Jeremiah 42:10

‘Noo goodou e nnoho i de henua nei, gai au e hagatuu age naa goodou, e dee oha goodou; au e doo naa goodou, e dee unuunusi age goodou; go hiidinga au gu daemaha ogu lodo i dagu gaamai de hai ngadaa ga hagaduasala ai goodou.

Ezekiel 36:24

Au e hagaahe mai naa goodou i daho denga huaahenua; au e hagabuni mai naa goodou i denga henua alodahi, ga hagaahe mai gi doodou henua.

Amos 9:14

Au e hagaahe ange naa de manuuia o ogu dangada go de gau Israel. Gai gilaadeu e aahe ange naa ga hagatuu age denga aduhale gu maoha laa ga nnoho ai. Gilaadeu e doo naa denga veelengaa grape ga unu uvaini e hai ai, gilaadeu e doo naa alaadeu veelenga ga gai hua iai.

Deuteronomy 11:12

gai se henua nii Tagi Maolunga doodou Maadua e tilo danuaa ange; gai Tagi Maolunga doodou Maadua e daumada i masavaa alodahi, mai i taamada o de ngadau ga dae ai gi de hagaodi.

1 Peter 3:12

Go hiidinga Tagi Maolunga e daumada gilaadeu e heohi, gai luoono dalinga e hagallongo alaadeu dalodalo; aagai luu mada o Tagi Maolunga e hai baasi ange gi dangada e haia de baubau.”