Jeremiah 24:5 - De Beebaa Dabu

⁵ “E hagadaba Tagi Maolunga, de Maadua o Israel: Gai e bei denga fig danuaa nei, au e hagabinga bolo dangada gu gaavee gee laa i Judah e danuaa, go gilaadeu aagu gu hai gi hulo gee mai i de mommee nei, gi de henua o de gau Babylon.

Jeremiah 24:5 Iomraidhean Croise

Psalm 119:67

I mua dogu hagaduasala gai au ne haisala; iainei gai au gu daohi au muna.

Psalm 119:71

Gai ne haigamaiana donu dogu hagaduasala, gai au ga agoago ai i au hainga gu hagasauaa.

Jeremiah 24:4

Gai Tagi Maolunga ne hagaago mai ana muna, ga hai mai,

Jeremiah 29:11

Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.

Jeremiah 29:20

Deenei ai, goodou hagalaangona muna a Tagi Maolunga, goodou alodahi ne gaavee gee laa i Jerusalem ga kave gi Babylon.

Jeremiah 29:4

“E hagadaba Tagi o denga hagabuulinga hebagi, de Maadua o Israel, ange gi dangada alodahi aagu ne hai gi hulo gee mai i Jerusalem gi hulo gi Babylon:

Ezekiel 11:17

Deenei ai, hai ange gi gilaadeu, ‘E hagadaba de Ia Aamua go Iahweh: Au e hagabuni mai naa goodou mai i daho denga huaadangada, ma de hagaahe mai goodou i denga henua oodou gu mavaevae saele ai, gai au e hagaahe adu naa gi goodou de henua go Israel.’

Ezekiel 11:20

Gai gilaadeu ga daudali naa i agu muna gu hagasauaa, ma de daohi agu hainga ga hai hegau ai. Gai gilaadeu e hai naa go ogu dangada, gai au go delaadeu Maadua.

Leviticus 26:44

Aagai e dee galemu naa donu delaadeu hai mee nei alodahi, gai de masavaa naa huu olaadeu e nnoho ai i de henua o olaadeu hagadaumee, gai au e dee tili donu i gilaadeu, be e kino i gilaadeu, aabe daa gilaadeu gi odi i de maakau, ga oha ai dagu hagatoo donu hagaheloongoi ne hai madali gilaadeu. Go au donu go Iahweh delaadeu Maadua.

Nahum 1:7

Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Matthew 25:12

Aagai tangada aamua laa ga hai ange gi gilaadeu, ‘Ni muna abodonu, au e dee iloo donu goodou.’

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

1 Corinthians 8:3

Gai tangada e aloha i de Maadua, se dangada hogi nii de Maadua e iloo.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.