Jeremiah 24:10 - De Beebaa Dabu

¹⁰ Gai au e hai naa de gadilaasa, ma de onge, aama de mee hagamaakau, gi hebagi ange gi gilaadeu ga dae ai gi de odi gilaadeu i de maakau i de henua aagu gu gaavange gi gilaadeu ma olaadeu dubuna madagidagi.”

Jeremiah 24:10 Iomraidhean Croise

1 Kings 14:15

Tagi Maolunga e hagaduasala naa Israel, gai e bei dagodo o de madila e baabaagia saele laa i lo te vai. Ia e aau gee naa Israel i de henua danuaa aana gu gaavange laa gi olaadeu dubuna madagidagi, ga kave gilaadeu gi nnoho gaainga i de baasi laa ssaalingaa vai go Euphrates, i hiidinga gilaadeu ne hai ga lili Tagi Maolunga i delaadeu hagatuu age denga duludulu laagau o Asherah.

Isaiah 51:19

E lua mee hai ngadaa gu hai adu gi de goe — gai goai naa e hagaaneane ina goe? Koe gu oohaa ma gu ngadi dagodo, i de onge ma de gadilaasa — gai goai naa donu e hagaaneane ina goe?

Jeremiah 14:12

Gai ga hagahiikai naa donu gilaadeu, aagai au e dee hagallongo donu alaadeu dalodalo. Gai e dee galemu naa donu delaadeu hai denga sigidaumaha dudu ma sigidaumaha o grain, aagai au e dee malangilangi donu i mee nei. Aagai au e daa gilaadeu gi maakau i de gadilaasa, ma de onge aama de mee hagamaakau.”

Jeremiah 15:2

Gai noo gilaadeu e ssili adu, ‘Go hee omaadeu e hulo aagena?’ gai koe ga hai ange, ‘E hagadaba Tagi Maolunga: Gilaadeu gu hagababa ange e maakau, e maakau; gilaadeu gu hagababa ange gi de gadilaasa, e daia i de gadilaasa; gilaadeu gu hagababa ange gi de onge, e maakau i de onge; gilaadeu gu hagababa e kave gi dahi henua gee, e gaavee gi dahi henua gee.’

Jeremiah 16:4

Gilaadeu e mmagi naa ga maakau. Gai e deai naa donu dangada e tangi aabe danumia gilaadeu, aagai gilaadeu e bei naa denga duudae e daakodo saele laa i honga de gelegele. Gilaadeu e maakau i de gadilaasa ma de onge, gai olaadeu angaanga e gaina naa e denga manu llele ma manu dolodolo o de henua.”

Jeremiah 19:7

Gai au e hai naa gi deai haigamaiana hagatau a Judah ma Jerusalem i de mommee nei. Gai au e hai naa olaadeu hagadaumee gi daia gilaadeu gi maakau i de gadilaasa, ma dangada e saalaa gilaadeu e daia gi maakau. Gai au e gaavange naa olaadeu angaanga gi denga manu llele ma manu dolodolo gi gaina.

Jeremiah 21:9

Tangada e noho i de aduhale nei e daia naa ga magau, i de gadilaasa ma de onge aama de mee hagamaakau. Gai tangada e hano laa ga dau ange gi de gau Babylon, go dangada gu loomai nei ma e duuli luu baasi de aduhale e mouli naa; ia e hagaola naa donu huu dono mouli.

Jeremiah 27:8

Gai noo dahi huaahenua be se nohoanga hodooligi e dee hai hegau ange gi Nebuchadnezzar, de hodooligi o Babylon, aabe e dee nnoho i lalo dono sauaa, gai au e hagaduasala naa de huaahenua laa i de gadilaasa, ma de onge, aama de mee hagamaakau, go Tagi Maolunga e hagadaba, ga dae ai gi dagu hai ia gi oohaa de huaahenua laa alodahi.

Jeremiah 29:17

aanei muna a Tagi o denga hagabuulinga hebagi adu gi goodou: Au e gaamai naa de gadilaasa, ma de onge aama de mee hagamaakau e hai baasi ange ai gi gilaadeu. Au e hai naa gilaadeu bei hua o de fig gu hakino gee laa ma gu dee maua i de gai.

Jeremiah 29:18

Au e doolohi naa gilaadeu i de gadilaasa, ma de onge aama de mee hagamaakau, ma de hai gilaadeu gi se mee hagamaatagu ange gi denga nohoanga hodooligi alodahi o henua i lalo, gai gi se mee hagamalaia, aama de mee hagamaatagu, ma de llele ai mouli o dangada, ma de hagangadi mee ina i daho denga huaahenua aagu e hai gilaadeu gi hulo aagena.

Jeremiah 32:24

Tilo, gu hagabudubudu age denga gelegele e hagadee kii ai de aduhale, gai de aduhale e hagadee kii ina naa i de gau Babylon e hebagi ange laa aagena, i hiidinga o de gadilaasa, ma de onge, aama de mee hagamaakau. Gai au muna ne tala gu hagassula donu, bei dau hai gu gidee ai naa.

Jeremiah 32:25

Gai koe, dogu Ia Aamua go Iahweh, ne hai mai gi de au, ‘Hagao ina de alahenua i sseene, ma de hagahi de gau hagadonu’ — e dee galemu donu de aduhale e gaavange naa gi de gau Babylon.”

Jeremiah 34:17

Deenei ai, e hagadaba Tagi Maolunga: Goodou tee hagallongo mai gi de au; dahi ma dahi tee dugu gi hulo oodou dangada. Deenei ai, au e dugu ange naa goodou gi de gadilaasa, ma de mee hagamaakau, aama de onge, go Tagi Maolunga e hagadaba. Au e hai naa goodou gi se mee hagamaatagu ange gi denga nohoanga hodooligi o henua i lalo alodahi.

Jeremiah 42:17

Gai dangada alodahi ne hagammahi laa e hulo gi Egypt e nnoho ai e daia naa ga maakau i de gadilaasa, ma de onge, ma de mee hagamaakau. Gai e deai naa donu se gilaadeu e ola aabe doe i de dae mai o de hai ngadaa aagu e gaavange gi gilaadeu.

Jeremiah 42:22

Deelaa ai, goodou gi iloo de mee nei: goodou e daa naa donu ga maakau i de gadilaasa, ma de onge, ma de mee hagamaakau i de mommee oodou e llodo naa e hulo e nnoho ai.”

Jeremiah 5:12

Gilaadeu tee tala de muna abodonu i dagodo o Tagi Maolunga, gilaadeu ne hagataba, “E deai naa donu ana mee e hai! E deai ange naa donu se hai ngadaa e duu mai gi gimaadeu; gimaadeu e dee gidee naa donu de gadilaasa aabe go de onge.

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.

Jeremiah 9:16

Au e hai naa gilaadeu gi mavaevae saele gi nnoho i denga huaahenua alaadeu ma olaadeu dubuna tigi iloo laa. Au e doolohi naa gilaadeu ma dagu gadilaasa, ga dae ai gi dagu daa gilaadeu gi odi i de maakau.”

Ezekiel 33:27

Gai koe hai ange gi gilaadeu: ‘E hagadaba de Ia Aamua go Iahweh: Au e hagatoo donu i dogu mouli, dangada e nnoho laa i denga aduhale gu maoha laa e daia naa donu ga maakau i de gadilaasa, gai au e hai naa denga manu lodo henua gi gaina kano o dangada e nnoho i de mommee iai veelenga, gai dangada e nnoho i lodo mommee dagitilo ma denga haonga i lodo mounga e maakau naa i de mee hagamaakau.

Ezekiel 6:11

E hagadaba de Ia Aamua go Iahweh: Hagadau dugidugia luoo lima, ma de daakai luoo vae aama de hagadaba, “Gu vakaa loo gilaadeu!” go hiidinga o denga hegau baubau ma dahulinga hakino gee alodahi a dangada o Israel. Gilaadeu e daia naa ga maakau i de gadilaasa, ma de onge aama de mee hagamaakau.

Ezekiel 7:15

De gadilaasa i tua de aduhale, gai de mee hagamaakau ma de onge i lo te aduhale; tangada i tua de aduhale e daia naa ga magau i de gadilaasa, gai tangada i lo te aduhale e magau naa i hiidinga o de onge ma de mee hagamaakau.

Deuteronomy 28:21

Tagi Maolunga e hai naa denga mee hagamaakau gi loomai gi de goe, ga dae ai gi dana hai gi dee noho goe, i honga de henua aau gu dai kave naa e henua ai.

Revelation 6:8

Gai au ne galo age, ga gidee dahi hoosa mada tea, gai de ia e gage i ono elunga e hagaingoo ange go de Magau, gai Hades e daudali ange i de ia. Gai gu gaavange gi gilaau ssauaa e daa ai gi maakau e dahi diba i diba e haa o dangada i henua i lalo, i de gadilaasa, ma de onge, ma denga mee hagamaakau, aama denga manu alasala i honga de henua.