Jeremiah 23:6 - De Beebaa Dabu

⁶ Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Jeremiah 23:6 Iomraidhean Croise

1 Kings 4:25

Gai Judah ma Israel gu nnoho paba, mai i Dan ga dae ai gi Beersheba; dangada alodahi gu nnoho paba, dahi ma dahi gu noho danuaa i lalo dana grapevine aama lalo dana fig i de masavaa o Solomon e mouli ai.

Psalm 45:5

Dao o dau mee hholu e kangi i de tili gi ulu gi lodo o oo hagadaumee, e de hodooligi; gai denga huaahenua gu nnoho i oo lalo.

Exodus 9:26

Go Goshen donu huu, de mommee o de gau Israel e nnoho ai laa, teai duudangaa haisi ne too iho aagena.

Isaiah 2:4

Ia e hagamodu naa muna o denga huaahenua, ma de hagaheloongoi magavaa o denga huaadangada soa. Gilaadeu e dugidugi naa alaadeu gadilaasa ga hai gi ni mee hagabalabala, gai e hai alaadeu dao gi ni naivi e velevele ai manu ssomo. Gai denga huaahenua e dee aahe ange naa donu e hebagi aabe e agoago ange gi de hebagi.

Isaiah 32:1

Tilo, dahi hodooligi e dagi naa i de heohi, gai dagi o de henua e dagi naa i de hagamodu heohi.

Isaiah 32:18

Ogu dangada e nnoho paba naa i olaadeu mommee, gai e dee manavasaa olaadeu lodo.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.

Isaiah 35:9

E deai naa hogi laiono i kilaa, be ni manu alasala e loage gi ono elunga; mee nei alodahi e dee gidee naa donu i kilaa. Aagai gilaadeu donu huu gu hagaola e seesee i kilaa,

Isaiah 42:6

“Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 29:11

Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.

Jeremiah 30:10

Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.

Jeremiah 31:23

Gai e hagadaba Tagi o denga hagabuulinga hebagi, de Maadua o Israel: “De masavaa naa huu aagu e hagaahe ange ai delaadeu manuuia, gai dangada i de henua o Judah ma ono aduhale e aahe ange naa ga tala muna nei: ‘De mommee nei, Tagi Maolunga e hagamanuuia goe, de mommee nnoho iai de heohi, ma tuuduu dabu!’

Jeremiah 32:37

Tilo, au e hagabuni mai naa gilaadeu i denga henua aagu gu kave gilaadeu gi nnoho ai i hiidinga de kona dogu lili ma dogu bole. Au e hagaahe mai naa gilaadeu gi de mommee nei, ga hai gilaadeu gi noho paba.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Jeremiah 33:16

Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Ezekiel 21:27

Gu maoha, gu maoha, au e oha naa gi maoha! Gai e dee ahe ange naa donu e hagaduu age ange, ga dae ai gi de humai o de ia gu hili, gai au ga gaavange gi de ia.’

Ezekiel 28:26

Gai gilaadeu e nnoho paba naa i kilaa, ga hagatuu olaadeu hale, ma de hai alaadeu veelengaa grape. Gilaadeu e nnoho paba naa, gai au e hagaduasala naa dangada alodahi e paa ange gi gilaadeu, go dangada ne hagangadi mee ina laa gilaadeu. Gai gi iloo ai e gilaadeu bolo go au donu go Iahweh delaadeu Maadua.”

Ezekiel 38:14

Deenei ai, tama a tangada, basa pelaabisi ma gi hai ange gi a Gog, ‘E hagadaba de Ia Aamua go Iahweh: De laangi naa huu o ogu dangada go de gau Israel e nnoho paba ai, gai e aha, koe e dee iloo naa?

Ezekiel 48:35

Gai de looloa o de buibui i luu baasi de aduhale laa se 18,000 sugilima. Gai de ingoo o de aduhale mai i de masavaa laa ga hano ai go: Iahweh i Kilaa.”

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.

Hosea 1:11

Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel e hai naa ga se laangi maolunga.

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Hosea 2:18

De laangi laa, gai au e hai naa dahi hagatoo donu hagaheloongoi ange gi gilaadeu madali denga manu dolodolo o lodo henua ma manu llele, ma manu e tolo i honga de gelegele. Au e hai naa gi deai mee hholu, ma gadilaasa, ma hebagi i honga de henua, gai dangada alodahi e nnoho paba ma tee maatagu.

Obadiah 1:17

Aagai dangada e ola naa i honga de mounga go Zion, gai de mounga laa e dabu naa; gai dangada o Jacob e kave naa delaadeu henua ga henua ai.

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Zephaniah 3:13

Gai dangada o Israel e doe e dee hai naa donu de mee dee heohi; gilaadeu e dee tala naa donu denga muna hhadu, gai e deai naa hogi se muna hagasenga alaadeu e tala. Gilaadeu e gaimee naa ma de daakodo iho i de baba, gu deai dangada e haia gilaadeu gi maatagu.”

Zechariah 10:6

“Au e hai naa gi mmahi dangada o Judah, gai au e hagaola naa dangada o Joseph. Au e hagaahe mai naa gilaadeu go hiidinga au e lodo aloha ange gi gilaadeu. Gai e dagodo naa be au tee tili donu gilaadeu, go hiidinga go au Tagi Maolunga, delaadeu Maadua; gai au e basa ange naa gi alaadeu dalodalo.

Zechariah 3:10

E hagadaba Tagi o denga hagabuulinga hebagi: De laangi laa gai dahi ma dahi e gauna ange naa dono soa gi noho madali ia i lalo dana grapevine ma dana fig.”

Romans 3:22

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,