Jeremiah 23:15 - De Beebaa Dabu

¹⁵ Deenei ai, e hagadaba Tagi o denga hagabuulinga hebagi i dagodo o denga pelaabisi: “Tilo, au e hai naa gilaadeu gi gaina mee mmala ma de hagaunu gilaadeu i vai hagammau, i hiidinga denga pelaabisi o Jerusalem gu hai gi laumalie baubau i honga de henua alodahi.”

Jeremiah 23:15 Iomraidhean Croise

Psalm 69:21

Gilaadeu ne gaavange mee hagammau gi lodo agu gai, ma de hagaunu au i denga mee mmala.

Jeremiah 14:15

Deenei ai, e hagadaba Tagi Maolunga i dagodo o denga pelaabisi e hadu muna i dono ingoo: E dee go au donu ne haia gilaadeu gi loadu, aagai gilaadeu e hagataba, ‘E deai naa donu se gadilaasa be se onge e dae mai gi de henua nei.’ Denga pelaabisi naa e maakau naa i de gadilaasa ma de onge.

Jeremiah 8:14

⌊Dangada e hagataba,⌋ “Gu aha gidaadeu gu nnoho ai naa donu huu? Gidaadeu ga hagabuni! Gidaadeu ga saavini e mmuni i lodo aduhale buibui ga maakau ai i kilaa! Go hiidinga Tagi Maolunga taadeu Maadua gu baba ange e daa gidaadeu gi maakau ma de gaamai vai hagammau gidaadeu gi unumia, i hiidinga gidaadeu gu haisala ange gi de ia.

Jeremiah 9:14

Aagai gilaadeu ne hagamakaga olaadeu lodo ga daudali ange i denga Baal, bei mee a olaadeu dubuna ne agoago ange ai gilaadeu.”

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.

Lamentations 3:15

Ia ne haangai mai au i mee mmala ma de hai gi bosu au i mee mmala.

Lamentations 3:19

Au e manadua dogu duasala ma dogu silivaahea saele, de mee mmala ma de hagammau!

Lamentations 3:5

Ia gu duuli au ma de haoli au i de hai ngadaa ma de hagaduasala;

Zechariah 13:2

E hagadaba Tagi o denga hagabuulinga hebagi: De laangi laa gai au e aau naa ingoo o denga diinonga mai i de henua, gi dee aahe ange ai dangada gi manadua. Gai au e hai naa hogi gi hulo gee mai i honga de henua denga pelaabisi ma hagasaalunga hakino gee.

Matthew 27:34

gai gilaadeu ga gaavange hanu uvaini gu hilo ma mee mmala ia gi unumia. Gai ga mamia ange huu e ia mee laa, gai ia tee lodo e unu.

Deuteronomy 29:18

Gai goodou dagidiiloo gi deai se daane be se hine, be se huaabodu, aabe se aamuli e daahuli gee i Tagi Maolunga doodou Maadua ailaa nei, ga daumaha ange gi diinonga o denga huaahenua. Gai kana ange diiloo gi deai se goodou e bei dagodo o de manu somo, iai aga e hhua mai ai denga hua hagammau, ma de mmala i oodou magavaa.

Revelation 8:11

Gai de ingoo o de heduu laa go de Mmala. Gai dahi diba i diba e dolu o denga vai gu mmala, gai gu soa dangada ne maakau i hiidinga o denga vai mmala laa.