Jeremiah 22:8 - De Beebaa Dabu

⁸ Gai dangada o denga huaadangada soa e loomai naa laa gaogao de aduhale nei, ga hagadau ssili ga hagataba, ‘Gu aha Tagi Maolunga gu hai ai nei de aduhale laumalie nei bee nei?’

Jeremiah 22:8 Iomraidhean Croise

Jeremiah 16:10

Gai de masavaa naa huu aau e tala ange ai muna nei gi dangada, gai gilaadeu ga ssili adu, ‘Gu aha Tagi Maolunga gu hagasula ai naa dahi hai ngadaa laumalie e hai baasi mai ai gi gimaadeu? Gai se baubau aha amaadeu gu hai? Gai se haisala aha amaadeu gu hai ange gi Tagi Maolunga demaadeu Maadua?’

Jeremiah 40:2

Gai tagi o de gau hagaloosi ne kave Jeremiah, ga hai ange gi de ia, “Tagi Maolunga doo Maadua gu hagatoo donu bolo de mommee nei e duu ange naa donu gi de hai ngadaa.

Jeremiah 40:3

Anailaa nei gai Tagi Maolunga gu hagassula ana muna, bei dana hai gu hagatoo donu ai laa. De mee nei gu hai adu donu gi goodou go hiidinga goodou gu haisala ange gi Tagi Maolunga, goodou tee hagallongo ange gi de ia.

Lamentations 4:12

Denga hodooligi o henua i lalo tee hagadonusia, dangada e nnoho i henua i lalo tee hagadonusia hogi, bolo denga hagadaumee ma dangada e kino i Jerusalem e maua i de ulu i ono haitoga.

Ezekiel 12:16

Aagai au e hagaola naa hanu gilaadeu mai i de gadilaasa, ma de onge aama de mee hagamaakau, gai gilaadeu ga tala ange ai alaadeu dahulinga hakino gee gi dangada i denga huaahenua alodahi olaadeu e hulo aagena. Gai gi iloo ai e gilaadeu bolo go au donu go Iahweh.”

Ezekiel 14:23

Gai gilaadeu e hagaaneane naa oo lodo, i de masavaa aau e gidee ai alaadeu dahulinga ma alaadeu hegau, gai goodou e iloo naa bolo au tee ngadi hai donu huu mee laa, go de Ia Aamua go Iahweh e hagadaba.”

Ezekiel 39:23

Gai denga huaahenua e iloo naa bolo de gau Israel ne gaavee gi denga henua gee i hiidinga olaadeu baubau, go hiidinga gilaadeu tee hai hegau mai gi de au i de muna abodonu. Gai au ne huli gee luoogu mada i gilaadeu ma de dugu ange gilaadeu gi olaadeu hagadaumee, gai gilaadeu alodahi ne daia ga maakau i de gadilaasa.

Ezekiel 5:15

Koe e hagangadi mee ina naa ma de tala hakadanga i daho dangada, gai se mee hagamaatagu ange gi denga huaahenua e paa adu gi de goe, i de masavaa aagu e hagaduasala ai goe i dogu lili ma de bole aama de kona dagu hagasee goe — go au donu go Iahweh e hagadaba —

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.