Jeremiah 22:6 - De Beebaa Dabu

⁶ Gai e hagadaba Tagi Maolunga i dagodo o de hale o de hodooligi o Judah: “E dee galemu donu koe e bei Gilead mai gi de au, ma de ulu o Lebanon, gai au e hai naa goe gi bei de vao, ma denga aduhale e deai dangada e nnoho ai.

Jeremiah 22:6 Iomraidhean Croise

Genesis 37:25

De masavaa olaadeu ne nnoho ange ai e gaimee, gai gilaadeu gu gidee adu dahi hagabuulingaa dangada, mai i de aamuli o Ishmael e loomai i Gilead. Alaadeu gamelo e hagauda mai denga mee maanongi, ma balm aama myrrh. Gilaadeu e kave alaadeu mee maanongi e hulo ai gi Egypt.

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Song of Songs 4:1

Dogu dau soa, ga dae laa doo mahamaha! Tilo, koe e mahamaha mmao! Luoo ganomada e bei e lua manu kono i lalo de malo haoli. Oo ngaangaaulu e bei de hagabuulingaa guudi e lellele ma e loiho ai i de mounga go Gilead.

Song of Songs 5:15

Luoono vae e bei denga duludulu marble e hagatuu laa i honga denga dagelo goolo. Dono angaanga alodahi e bei de mounga go Lebanon, ma ono cedar danuaa hugadoo.

Isaiah 27:10

De aduhale buibui gu ngadi dagodo, gu deai e nnoho ai, bei dagodo o de vao; gai damaa a denga kaau e gaimee i kilaa, ma de daakodo ai ga hagammabu, ma de gai ga deai lau o ono laa.

Isaiah 37:24

Koe ne hai oo dangada hai hegau gi hagadogaa ina de Ia Aamua. Gai koe ne hagadaba, ‘Au ne hanage i ogu hada hebagi lagolago gi ulu denga mounga, ga hano gi de lodo henua mmao o Lebanon. Au gu sele iho denga cedar lloa ma cypress danuaa i kilaa; au ne hano ga dae gi ono mommee maolunga hugadoo, ma de mommee muimui hugadoo i lodo henua.

Isaiah 6:11

Gai au ne ssili ange, “De Ia Aamua, dee hee maa taulooloa de hai mee nei?” Ia ne hai mai: “Mee nei e hai ga dae ai gi de odi aduhale alodahi i de oha gai gu deai dangada e nnoho ai, ga dae ai gi teai dangada e doe i denga hale i kilaa, gai de henua gu ngadi dagodo;

Jeremiah 21:11

“Gai koe hai ange hogi gi de huaabodu o de hodooligi o Judah, ‘Goodou hagalaangona muna a Tagi Maolunga,

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Jeremiah 4:20

Gu lagolago mmao mee ne oha ga maoha, de henua alodahi gu maoha ma gu ngadi dagodo ai. Gai ne daa hagalele donu de maoha ogu hale malo, ma malo e buibui ai luu baasi.

Jeremiah 4:7

Dahi laiono gu sao mai i lodo mee muimui; gai de ia e oohaa denga huaahenua gu sao e humai. Ia gu dugu dono mommee gai ia ga oha ai gi maoha doo henua. Oo aduhale e ngadi daakodo naa, gu deai dangada e nnoho ai.

Jeremiah 50:12

deelaa ai, doodou dinana e kona naa de dogaa; gai de ia ne hanaua goodou e hagangadi mee ina naa. Ia e hai naa ga maolalo ange i denga huaahenua, gai se vao, se henua e deai vai iai, gai se lodo henua.

Jeremiah 7:34

Gai au e hai naa gi dee langona leo o de hine ma taane gu dai hagahai bodu e llodo danuaa ai, aabe e malangilangi ai i lodo aduhale o Judah, aama honga haiava o Jerusalem, gai de henua e ngadi dagodo naa.”

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Zechariah 11:1

Lebanon, huugea oo haitoga, gai de ahi ga dudu ai oo cedar!

Numbers 32:1

Gai de aamuli o Reuben ma de aamuli o Gad gu lagolago mmao alaadeu manu haangai; gai gilaadeu ne gidee bolo luu mommee go Jazer ma Gilead, ni mommee danuaa ange gi denga manu.

Deuteronomy 3:25

Dugua mai au gi hano gi dae gi de baasi dai o Jordan, e tilo ai de henua danuaa laa — go de henua iai denga mounga danuaa aama Lebanon.”