Jeremiah 21:14 - De Beebaa Dabu

¹⁴ Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 21:14 Iomraidhean Croise

2 Chronicles 36:19

Gai gilaadeu ne dudu de hale o de Maadua, ma de oha de buibui o Jerusalem; gilaadeu e dudu naa denga hale danuaa alodahi ma de oha denga goloa hagamogomogo alodahi i kilaa.

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Proverbs 12:14

Muna a tangada e hagadanuaa naa ia i mee danuaa; hegau a tangada e hagadanuaa naa donu huu ia.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 24:21

De laangi laa gai Tagi Maolunga e hagaduasala naa denga dagi maolunga o lo te langi i lunga ma denga hodooligi o henua i lalo.

Isaiah 37:24

Koe ne hai oo dangada hai hegau gi hagadogaa ina de Ia Aamua. Gai koe ne hagadaba, ‘Au ne hanage i ogu hada hebagi lagolago gi ulu denga mounga, ga hano gi de lodo henua mmao o Lebanon. Au gu sele iho denga cedar lloa ma cypress danuaa i kilaa; au ne hano ga dae gi ono mommee maolunga hugadoo, ma de mommee muimui hugadoo i lodo henua.

Jeremiah 11:16

Tagi Maolunga ne hagaingoo adu goe go de olive lau kohu; oo hua e tilo danuaa. Aagai ia e dudu naa goe i de ahi i de ssau mai o de madangi mmahi, gai ono laa e hadihadi naa.

Jeremiah 11:22

deenei ai, e hagadaba Tagi o denga hagabuulinga hebagi: Tilo, au e hagaduasala naa gilaadeu. Alaadeu dama daane e daia naa i de gadilaasa, alaadeu gauligi daane ma gauligi haahine e maakau naa i de onge.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Jeremiah 17:27

Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 22:1

Gai Tagi Maolunga ga hai mai, “Hannoo gi de hale o de hodooligi o Judah mage daalaa ange gi de ia muna nei:

Jeremiah 22:7

Au e hai naa gi loomai dangada gi oohaa ina goe, dahi ma dahi e humai naa ma ono goloa hebagi, gai gilaadeu e sele iho naa oodou cedar danuaa hugadoo, ga maga ange gi lo te ahi.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Jeremiah 46:23

Gilaadeu e sele iho naa denga manu i lodo henua, go Tagi Maolunga e hagadaba, e dee galemu donu e kona de muimui de lodo henua laa, go hiidinga gilaadeu e soa ange i denga itebuubuu lagolago, gai e dee maua i de dau gi iloo daelodo.

Jeremiah 50:32

De ia hagamaolunga e baguu naa ga dagodo i honga de gelegele, gai e deai naa donu se dangada e hagahidi age ia; au e haula naa dahi ahi i lodo ono aduhale, e dudu ai mee alodahi i luu baasi de henua laa.”

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Jeremiah 6:29

Denga mee ili ahi, e hai ga mmahi de ahi e dudu ai gi deai lead, aagai e deai haigamaiana de duudagi de hagadanuaa mee nei; go hiidinga de gau baubau e dee maua donu i de hai gi gilimalali.

Jeremiah 9:25

Tilo, e tae mai naa laangi, go Tagi Maolunga e hagadaba, aagu e hagaduasala ai dangada e tuu dagaholiage laa donu huu olaadeu angaanga, gai e dee tuu dagaholiage olaadeu lodo —

Lamentations 2:3

Ia ne hai gi deai mahi o Israel i hiidinga de kona dono lili. Ia ne aau dono lima sauaa e buibui ai laa gilaadeu, i de masavaa o olaadeu hagadaumee ne loomai ai. Ia ne hai baasi ange gi Jacob bei dagodo o de ahi, ga hagallilo mee alodahi i kilaa.

Ezekiel 21:3

hai ange gi de henua laa, ‘E hagadaba Tagi Maolunga: Tilo, au e hai baasi adu donu gi de goe. Au e dada mai naa dagu gadilaasa i lo tono hale e daa ai gi maakau dangada heohi ma de gau baubau alodahi i oo daha.

Micah 7:13

Henua i lalo e hai naa ga ngadi dagodo, i hiidinga o dangada e nnoho ai; mee nei ne hai i hiidinga o alaadeu hegau baubau.

Zechariah 11:1

Lebanon, huugea oo haitoga, gai de ahi ga dudu ai oo cedar!