Jeremiah 20:8 - De Beebaa Dabu

⁸ Masavaa alodahi oogu e basa ai, gai au e basa i dagodo o de alasala ma de oha. Gai muna a Tagi Maolunga ne hagadogaa donu au ma de hai au gi se mee hagadogaa, ma de hakadanga i taiao ga boo ai.

Jeremiah 20:8 Iomraidhean Croise

2 Kings 2:23

Gai Elisha ne hano gee i kilaa ga hano gi Bethel. De masavaa oona e seesee ai ma e hano i honga de haiava, gai hanu gauligi daane ne loomai i de aduhale ga doo mee i de ia, ga hai ange, “Taane sula tumuagi, hannoo donu! Taane sula tumuagi, hannoo donu!”

2 Chronicles 36:16

Aagai dangada ne hagadookaa dangada e daalaa muna a de Maadua, ma de hagangadi mee ana muna, ga hakadanga i ono pelaabisi, ga dae ai gi de dae mai de lili o Tagi Maolunga gi ono dangada, gai gu dee maua i de hagaieiangi gilaadeu.

Isaiah 57:4

Goai oodou e hakadanga ai naa? Gai goai oodou e hagangadi mee naa ma de hagassomo ange oodou alelo aagena? E aha, e dee go goodou dama a de gau hagamaanege, ma hagadiilinga a de gau hadu muna?

Jeremiah 15:10

Gu hagaaloha ogu dagodo, dogu dinana, mee naa koe tee haanau donu au, au se daane e hai baasi ma de hagadaumee ange de henua aagena! Au tee gaavange sseene e sui aabe gu kave sseene e sui, gai dangada alodahi e pasa baubau i de au.

Jeremiah 15:15

Tagi Maolunga, koe e iloo mee alodahi, manadua mai au ma de bale mai au, suuia ange hegau a dangada ne hagaduasala ina dogu mouli. Koe e golomagi mmao oo lodo — koe gi dee gaavee gee au; manadua dogu hagangadi mee ina i hiidinga o doo ingoo.

Jeremiah 17:27

Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 20:7

Tagi Maolunga, koe gu daahanga donu au, gai au gu senga hogi; koe e mmahi ange i de au, gai koe gu kii i de au. Dangada e kada i de au i laangi alodahi; gilaadeu alodahi e doo mee i de au.

Jeremiah 28:8

Denga pelaabisi gu loomai laa i mua, i denga masavaa gu hulo ne tala bolo denga hebagi, ma onge, ma mee hagamaakau e hai ange naa gi henua lagolago aama denga nohoanga hodooligi maolunga.

Jeremiah 5:1

“Goodou saavini saele naa i honga denga haiava o Jerusalem, ma de ssala naa i lo te aduhale be e gidee dahi dangada. Noo goodou e gidee dahi dangada daudahi e hai hegau i de heohi ma de ssala de muna abodonu, gai au ga degi ange gi de aduhale nei.

Jeremiah 5:6

Deenei ai, dahi laiono mai i lodo mee muimui e daa naa gilaadeu ga maakau, dahi wolf e hangahanga naa gilaadeu, dahi leopard e dagitilo naa i gaogao olaadeu aduhale e hangahanga dangada alodahi e ssao mai i kilaa, i hiidinga gilaadeu gu kona de hagamaanege gai ne lagolago olaadeu hanonga ne aahe dua ai.

Jeremiah 6:10

Goai aagu e basa ange aagena ma de hagakana ange? Gai goai naa e hagalangona agu muna? Tilo, olaadeu dalinga gu pono, gai gilaadeu gu dee maua i de hagallongo. Tilo, muna a Tagi Maolunga gu ni mee hakadanga i olaadeu daha; gilaadeu e dee malangilangi ai donu.

Jeremiah 7:9

E aha, goodou e gaiaa laa ma de daa dangada, ma de dagodo haisala, ma de hagatoo donu i denga diinonga, ma de dudu mee maanongi ange gi Baal, aama de daumaha ange gi denga diinonga oodou e tee iloo i mua,

Habakkuk 1:3

Gu aha gu hai ai naa goe gi gidee e au hegau baubau? Gu aha gu noho ai naa donu huu goe e tilo denga hegau dee heohi? Au e gidee de oha ma de vaivai haia o dangada i masavaa alodahi; dangada gu hagadau hebagi ma de hagadaumee.

Luke 11:45

Dahi dangada agoago o de hainga ne hai ange hogi gi de ia, “Tangada Agoago, koe e hagadookaa donu hogi gimaadeu i au muna!”

Hebrews 11:26

Ia ne hagadaba bolo de hagangadi mee ina i hiidinga o Klisdo, e hagamogomogo ange i de lava o Egypt, go hiidinga ia ne galo ange gi de hagaoanga i muli mai.

Hebrews 13:13

Deenei ai, gidaadeu ga ssao e hulo gi ono daha i tua de mommee nnoho gaainga, ma de kave de hagadogaa aana ne hagauda laa.

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.