Jeremiah 20:16 - De Beebaa Dabu

¹⁶ Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Jeremiah 20:16 Iomraidhean Croise

Jeremiah 18:22

Haia gi langona delaadeu oo ga tangi i lodo olaadeu hale, i de moolau de tae mai o de gau hebagi ga hebagi ange gi gilaadeu, go hiidinga gilaadeu gu geli dahi geelinga moogu, ma de dugu ssele e dada ai luoogu vae.

Jeremiah 18:8

gai noo de huaahenua aagu e hagakana ange laa e daahuli gee i olaadeu baubau, gai au ga sui dagu hagatau; au e dee hai gi humai de hai ngadaa aagu gu baba ange laa e hai.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Jeremiah 26:13

Deenei ai, goodou suuia oodou dahulinga ma oodou hegau, ma gi daudali i muna a Tagi Maolunga doodou Maadua, gi suuia ai e Tagi Maolunga dana hagatau, gai ia gu dee hai gi humai de hai ngadaa, aana gu tala laa bolo e hai baasi adu ai gi goodou.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Ezekiel 21:22

Gai dono lima madau e hagassula naa mee gu hagamodu ange gi Jerusalem, gai ia e hagatuu age naa mee e oha ai de buibui, ma de hagailoo taamada o de hebagi, ma de hagatuu mee e oha ai denga haitoga o de aduhale, ma de hagabudubudu age gelegele e oha ai de buibui, ma de hagatuu mee e oha ai de buibui.

Hosea 10:14

deenei ai, de hagalongaa o de hebagi e dae mai naa gi oo dangada, gai oo mommee buibui makaga alodahi e oha naa — bei de hai a Shalman ne oha ai laa Beth Arbel i de masavaa o de hebagi, ma de masavaa o denga dinana ma alaadeu dama ne dagadagahia ai gi lo te gelegele.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Amos 1:14

Au e haula naa dahi ahi i lo te buibui o Rabbah, e dudu ai gi deai ono mommee buibui makaga, gai dangada e hevaalogi naa i de laangi o de hebagi, madali de madangi mmahi i de laangi e ssau ai de madangi.

Amos 2:2

Deenei ai, au e gaamai naa de ahi gi duungia Moab, gai e dudu naa donu gi deai mommee buibui makaga o Kerioth. Dangada i Moab e maakau naa i de masavaa o de hebagi, ma de masavaa o dangada e hevaalogi ai aama de ili ai o de hanga manu.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Jonah 3:4

Gai Jonah ne daamada de hagadaga i lo te aduhale laa i de hagadahi laangi, gai ia ga oo ga hagadaba, “E madahaa ange laangi gai Nineveh gu oha!”

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Zephaniah 1:16

se laangi e ili ai de hanga manu ma de hagailoo ai de hai de hebagi, e hai baasi ange ai gi denga aduhale buibui ma denga hale dagitilo maolunga.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Luke 17:29

aagai de laangi huu o Lot ne hano gee mai ai i Sodom, gai de ahi ma denga maga ahi ga too iho i de langi ga daa gu maakau gilaadeu alodahi.

Deuteronomy 29:22

Gai hagadiilinga a oodou dama e loomai i oodou dua, ma de gau henua gee mai i denga henua mmao, e gidee naa denga mee hagamaakau, ma hagadaagangaa magi a Tagi Maolunga e hagaduasala ai de henua.

Deuteronomy 29:23

De henua alodahi e daakodo ai naa denga soolo ma lehu — gu deai manu e ssomo ai, e deai hogi manu e matili age ai, gai gu deai manu e maua gi ssomo ai. Gai e oha naa bei dagodo o Sodom ma Gomorrah, ma Admah ma Zeboiim, go mommee a Tagi Maolunga ne oha i dono lili ma dono bole.

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.