Jeremiah 20:12 - De Beebaa Dabu

¹² Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Jeremiah 20:12 Iomraidhean Croise

2 Chronicles 24:22

Gai Joash ne ngalo donu e ia de abodonu ange o Jehoiada, tamana o Zechariah gi de ia, gai ia ne daa dana dama daane ga magau. De masavaa o Zechariah gu dai magau ai, gai ia ga hai ange, “Tagi Maolunga gi diiloo gi suuia adu au hegau!”

Psalm 11:5

Tagi Maolunga e tilo dagodo o dangada heohi, aagai ia e kino i de gau baubau, ma gilaadeu e vaivai haia dangada.

Psalm 139:23

De Maadua, koe diiloo gi iloo ogu dagodo ma ogu lodo; hagataalea ogu dagodo gi iloo ai dagodo o agu maanadu.

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Psalm 54:7

Go hiidinga ia gu hagaola mai au i ogu hai ngadaa, gai au gu gidee tee kii o ogu hagadaumee.

Psalm 58:10

Tangada heohi e malangilangi naa i dana gide de hagaduasala o de gau baubau; gai ia e hhui naa luoono vae i olaadeu dodo.

Psalm 59:10

Dogu Maadua e hedae mai naa gi de au i hiidinga dono abodonu; ia e hai naa gi gidee e au de hagadee kii o ogu hagadaumee.

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

Psalm 86:4

Haia gi malangilangi doo dangada hai hegau, i hiidinga au e dalodalo adu gi de goe, de Ia Aamua.

Isaiah 37:14

Gai Hezekiah ne kave de leda mai i daho de gau hagailoo laa ga dau. Gai ia ga hano gi de hale o Tagi Maolunga, ga doha de leda laa i mada luu mada o Tagi Maolunga.

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Jeremiah 12:8

Dogu boolonga gu bei dagodo o de laiono i lodo henua. Ia e goo mai gi de au; deenei ai, au gu kino ai.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Jeremiah 17:18

Haia gi dookaa dangada e vaivai haia nei au, aagai haia gi deai sogu hagadogaa ina; haia gi manavasaa olaadeu lodo, aagai haia gi dee manavasaa ogu lodo. Haia gi dae mai de hai ngadaa gi gilaadeu, gai haia gi lua hano e kona ai dau hagaduasala gilaadeu!

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

1 Peter 4:19

Deenei ai, gilaadeu e hagaduasala ina laa bei dagodo de hagatau a de Maadua, gi haia de mee heohi ma de dugu ange olaadeu hagasaalunga gi de ia ne haia gilaadeu, ia e hai hegau i de mee heohi.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”

1 Samuel 1:15

Gai Hannah ga hai ange, “Dogu dangada aamua, au se hine e daemaha ogu lodo; au tigi ai donu agu uvaini aabe ni mee mmahi ne unu, aagai au ne tala ange gi Tagi Maolunga ogu mee e daemaha ai.