Jeremiah 20:11 - De Beebaa Dabu

¹¹ Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Jeremiah 20:11 Iomraidhean Croise

Psalm 129:2

Gilaadeu ne hagaduasala donu au mai i dogu gauligi, aagai gilaadeu tee maua gi kii i de au.

Psalm 35:26

Hagadookaa ina ma de hai gi ssenga ange gilaadeu alodahi e malangilangi i dogu hai ngadaa! Haia gi dookaa ma de ssenga ange gilaadeu e hagamaolunga i de au!

Psalm 40:14

Haia gi dookaa ma de ssenga ange gilaadeu e saalaa de hai e daa ai au gi magau. Haia gi aahe dua ma de dookaa dangada alodahi e llodo e hai mai de baubau gi de au.

Psalm 47:2

Go hiidinga Tagi Maolunga, de Ia Maolunga Mmao laa, e hagamadagu mmao, go ia de hodooligi maolunga o henua i lalo alodahi.

Psalm 6:10

Ogu hagadaumee alodahi e odi naa i de dookaa ma de maatagu, gilaadeu e saavini naa ga hulo gee i delaadeu dookaa.

Psalm 65:5

De Maadua, demaadeu Ia Hagaola, koe ne basa mai gi amaadeu dalodalo i au hegau hagalele mouli, go koe de tali hagalodolodo o henua i lalo alodahi ma mommee mmao i honga tai.

Psalm 66:5

Loomai diiloo mee a de Maadua gu hai: ana hegau i daho dangada e hagamaatagu mmao.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 45:16

Alodahi e haia denga diinonga e dookaa naa, ma de hagangadi mee ina; gilaadeu alodahi e ssenga ange naa.

Jeremiah 1:18

Tilo, ailaa nei gai au gu hai goe gi bei dahi aduhale buibui makaga, gai se duludulu iron, gai se buibui bronze, e hai baasi ange ai gi de henua alodahi — gi denga hodooligi o Judah, ma dagi o de henua, ma ono dangada haimeedabu, aama dangada o de henua.

Jeremiah 1:19

Gilaadeu e hebagi adu naa gi de goe, aagai gilaadeu e dee kii naa donu, go hiidinga au madali goe ma de hagaola goe,” go Tagi Maolunga e hagadaba.

Jeremiah 1:8

Aude madagu donu i gilaadeu, go hiidinga au madali goe ma de hagaola goe,” go Tagi Maolunga e hagadaba.

Jeremiah 15:15

Tagi Maolunga, koe e iloo mee alodahi, manadua mai au ma de bale mai au, suuia ange hegau a dangada ne hagaduasala ina dogu mouli. Koe e golomagi mmao oo lodo — koe gi dee gaavee gee au; manadua dogu hagangadi mee ina i hiidinga o doo ingoo.

Jeremiah 15:20

Au e hai naa goe gi bei de bae makaga ange gi de huaadangada nei, gai se bae bronze makaga; gilaadeu e hebagi adu naa gi de goe aagai gilaadeu e dee maua gi kii i de goe, go hiidinga au madali goe e buibui ma de hagaola goe, go Tagi Maolunga e hagadaba.

Jeremiah 17:18

Haia gi dookaa dangada e vaivai haia nei au, aagai haia gi deai sogu hagadogaa ina; haia gi manavasaa olaadeu lodo, aagai haia gi dee manavasaa ogu lodo. Haia gi dae mai de hai ngadaa gi gilaadeu, gai haia gi lua hano e kona ai dau hagaduasala gilaadeu!

Jeremiah 22:22

De madangi e ili ga kave gee oo dangada hagaloosi, gai dangada e balea adu goe i de hebagi e gaavee gee naa. Gai koe e hagadogaa ina naa ma de hagangadi mee ina i hiidinga o au hegau baubau alodahi.

Jeremiah 23:40

Au e hai naa gi hagangadi mee ina ma de hagadookaa ina goodou ga hano ai, gai e dee maua naa donu gi ngalo.”

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.