Jeremiah 2:32 - De Beebaa Dabu

³² E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Jeremiah 2:32 Iomraidhean Croise

Genesis 24:22

Gai ga odi huu i dana hagaunu denga gamelo laa, gai taane laa ga dada age dahi hakai usu goolo, taemaha o de hakai laa se dahi beka, ma e lua mee gubu lima goolo, taemaha o luu mee laa se madaangahulu shekel.

Genesis 24:30

De masavaa aana ne gidee ai de hakai usu, ma mee gubu lima i luu lima o dono daina hahine, ma de langona muna a taane laa gu tala ange gi dono daina hahine go Rebekah, gai ia ga hano e hedae ange gi taane laa; gai ia gu gidee ia e duu madali ana gamelo i gaogao de vai.

Genesis 24:53

Gai ia ga dada age mee dau e hai i selevaa ma goolo, aama malo ga gaavange gi Rebekah, gai ia ne gaavange hogi hanu goloa hagamogomogo gi taina daane o Rebekah aama dono dinana.

2 Samuel 1:24

Denga haahine o Israel, goodou tangi i hiidinga o Saul; ia ne hakahu goodou i malo mmea mahamaha, ma de hagadanuaa goodou i denga hakai goolo.

Psalm 106:21

Gai gilaadeu ne ngalo de Maadua, delaadeu Ia Hagaola, go de ia ne haia denga hegau maolunga i Egypt,

Psalm 9:17

Tangada baubau e ahe ange gi de mommee o de gau maakau, madali denga huaahenua ne ngalo laa de Maadua.

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Jeremiah 13:10

De hagabuulingaa dangada baubau nei tee llodo e hagallongo mai gi de au, gai ne hagamakaga olaadeu lodo, gai ne hulo ga daudali ange i denga diinonga ma de daumaha ange gi gilaadeu, e bei donu dagodo o de mee nnoa ungaalodo nei — gilaadeu gu deai donu olaadeu haigamaiana!

Jeremiah 13:25

Deenei doodou duuhanga, go tuuhanga aagu gu hagamodu adu gi de goe, go Tagi Maolunga e hagadaba, go hiidinga koe gu ngalo au gai koe gu tali hagalodolodo ange gi denga ngadi diinonga.

Jeremiah 18:15

Aagai ogu dangada gu ngalo au, gilaadeu e dudu mee maanongi ange gi denga ngadi diinonga, gai denga diinonga gu hai gilaadeu gi dee maua i de seesee i de haiava madagidagi. Denga diinonga laa gu hai gilaadeu gi hulo i denga dao haiava gee, aama honga haiava tigi bae.

Jeremiah 2:11

Gu dahi laa huaahenua ne suuia olaadeu diinonga? (Olaadeu diinonga e dee ni diinonga abodonu.) Aagai ogu dangada gu hagahesuihagi de mahamaha o delaadeu Maadua i denga diinonga e deai olaadeu haigamaiana.

Jeremiah 2:33

Koe e kona de heiangi i de ssala oo bodu! Denga haahine baubau hugadoo gu agoago i au dahulinga baubau.

Jeremiah 23:27

Gilaadeu e maanadu de hai ogu dangada gi ngalo dogu ingoo i alaadeu midi e hagadau tala, bei de hai a olaadeu dubuna madagidagi ne hagangalo ai dogu ingoo gai ga daumaha ange gi Baal.

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.

Ezekiel 22:12

Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Judges 8:34

Gai de gau Israel gu ngalo e gilaadeu Tagi Maolunga delaadeu Maadua, ne hagaola ina laa gilaadeu mai i lalo olaadeu hagadaumee, i luu baasi delaadeu henua;