Jeremiah 2:27 - De Beebaa Dabu

²⁷ Gilaadeu e hai ange gi de manu somo, ‘Go koe dogu damana,’ ma de hai ange gi dahi hadu, ‘Go koe ne hanaua au.’ Gilaadeu gu huuhuli mai olaadeu dua gi de au, e dee huuhuli mai olaadeu mada; gai de masavaa huu olaadeu e hai ngadaa ai, gai gilaadeu ga hagataba, ‘Hidi age hagaola ina gimaadeu!’

Jeremiah 2:27 Iomraidhean Croise

2 Chronicles 29:6

Odaadeu dubuna madagidagi tee hai hegau i de muna abodonu; gilaadeu ne hai de baubau i mada luu mada o Tagi Maolunga, taadeu Maadua ma de tili ia. Gai gilaadeu ne daahuli gee i de mommee o Tagi Maolunga e noho ai, ga huuhuli ange olaadeu dua gi de ia.

Isaiah 26:16

Tagi Maolunga, gilaadeu ne ssala goe i delaadeu duasala; dau masavaa ne haele ai gilaadeu, gai gilaadeu ne dalodalo adu gi de goe.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

Jeremiah 18:17

Au e hai naa gilaadeu gi mavaevae saele i mada i mua olaadeu hagadaumee, bei hegau a de madangi mmahi mai i dua. Au e huli ange naa dogu dua gi gilaadeu, e dee go luoogu mada, i de laangi olaadeu e hai ngadaa ai.”

Jeremiah 2:24

koe se donkey aada e abo ange gi de vao, ma de hagadungu lo te moana i de masavaa oona gu lodo ai i dahi donkey daane — goai e maua i de daohi ia i dono iho ange? Gai denga donkey daane e moolau donu delaadeu ssala ga gidee ia, i de masavaa olaadeu e llodo ai i de ia.

Jeremiah 22:23

Tangada e noho i Lebanon, ma de noho i lodo hale e hai i cedar, koe e gonogono naa donu ma de mmae, koe e mmae naa bei de hine gu hai ono hagalangona!

Jeremiah 3:9

Go hiidinga ia ne hagangadi mee donu dono dagodo haisala, gai ia ne hai ga hakino gee de henua alodahi i ana hegau haisala, i dono daumaha ange gi denga hadu ma laagau.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Jeremiah 32:33

Gilaadeu gu huuhuli mai olaadeu dua gi de au e dee go olaadeu mada; gai e dee galemu donu tee modu dagu agoago ange gilaadeu, aagai gilaadeu e dee hagallongo mai aabe daohi agu haelenga.

Jeremiah 37:3

Gai de hodooligi go Zedekiah ne hai Jehucal tama daane a Shelemiah, ma tangada haimeedabu go Zephaniah, tama daane a Maaseiah, gi hulo gi daho de pelaabisi go Jeremiah, gi hai ange, “Dangidangi ange gi Tagi Maolunga, taadeu Maadua i omaadeu hiidinga.”

Jeremiah 42:2

ne loomai gi daho de pelaabisi go Jeremiah, ga hai ange, “Gimaadeu e dangidangi adu, hagalaangona demaadeu dangidangi, gai koe ga dalodalo ange gi Tagi Maolunga doo Maadua, i dagodo o dangada alodahi e doe nei, i hiidinga i mua gai gimaadeu e soa, gai iainei gimaadeu gu sogoisi donu huu, bei dau hai gu gidee ai naa anailaa nei.

Ezekiel 23:35

Deenei ai, e hagadaba de Ia Aamua go Iahweh: Go hiidinga koe ne ngalo au ma de huli mai doo dua gi de au, deelaa ai, koe e kave naa donu de hagaoanga o au dahulinga hakino gee ma doo hai be se manu.”

Ezekiel 8:16

Gai ia ne kave au gi lo te buibui e mua gi lodo o de hale o Tagi Maolunga, gai tilo, e dinolua ma dogolima daane e nnoho i gaogao de haitoga o de temple i kilaa, i magavaa de velanda ma de mommee o ssigidaumaha. Gai olaadeu dua e huuhuli ange gi de temple, olaadeu mada e huuhuli gi dua, gai gilaadeu e ino ange gi de laa e hanage laa i dua.

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Hosea 7:14

Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.