Jeremiah 2:18 - De Beebaa Dabu

¹⁸ Aagai gu aha gu hano ai goe gi Egypt e unu ai vai o de Nile? Gai gu aha gu hano ai goe gi Assyria, e unu ai vai o Euphrates?

Jeremiah 2:18 Iomraidhean Croise

2 Chronicles 28:16

De masavaa laa gai de hodooligi go Ahaz ne aalu de hodooligi o Assyria gi humai gi balea ange ia.

Isaiah 23:3

Gai go honga denga dai nnui e loomai ai oodou grain o Shihor; mee ne hagihagi i gaogao o Nile gu hagadanuaa ai a Tyre, gai gu hai ai de mommee hagao mee o denga huaahenua.

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Isaiah 7:20

De laangi laa gai de Ia Aamua e dahi naa ngaangaaulu i doo biho ma luoo vae, aama doo gumigumi i de leesaa aana e hai gi humai i de baasi laa o Euphrates: go de hodooligi o Assyria.

Jeremiah 2:36

Gu aha gu ngadi aheahe saele ai naa goe, ma tee modu de sui oo haiava? Egypt e hagadogaa naa goe bei de hai a Assyria ne hai ai laa goe.

Jeremiah 31:22

Tamaa hine e dee hai hegau i de mee abodonu, dee hee maa taulooloa doo lua lodo? Tagi Maolunga gu hai dahi hegau hoou i henua i lalo — dahi hahine e duuli naa dahi daane.”

Lamentations 4:17

Gimaadeu gu daalea i de tali, i teai donu se bale e humai; gimaadeu ne dagitilo mai i omaadeu hale hagaloosi maolunga be e dahi laa huaahenua e maua i de hagaola gimaadeu.

Lamentations 5:6

Gimaadeu ne dugu ange gimaadeu gi Egypt ma Assyria, gi hanu ai amaadeu gai.

Ezekiel 16:28

Koe ne dagodo haisala hogi madali de gau Assyria, go hiidinga tee lava oo dagodo haisala; uaa, koe tee lava hogi oo dagodo haisala i dua doo dagodo haisala madali de gau Assyria.

Ezekiel 17:15

Aagai de hodooligi ne hai baasi ange gi de ia, ga hai gi hulo ono dangada sui gi Egypt, gi gaamai ai hanu hoosa ma dahi hagabuulinga hebagi soa. E aha, dana hagatau e maua naa gi sula? Gai de ia ne haia mee nei e maua naa gi ola? Gai e maua naa e tangada e oohaa de hagatoo donu hagaheloongoi nei gi ola?

Ezekiel 23:30

koe ne sae ange mmao gi denga huaahenua, ma de hai ga hakino gee goe i daho olaadeu diinonga.

Hosea 5:13

Gai de masavaa a Ephraim ne gidee ai dono magi, gai Judah ne gidee hogi dono maanuga, gai Ephraim ne hano gi Assyria e ssala ai dahi bale, ia ne hai hanu gi hulo gi de hodooligi maolunga laa. Aagai ia tee maua i de hagaieiangi ia, aabe go de hai gi mmahu ono maanuga.

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Joshua 13:3

mai i ssaalingaa vai go Shihor i baasi i dua o Egypt, ga hano ai gi de mommee o Ekron i baasi ngaiho, de mommee nei alodahi niio de gau Canaan (go de mommee a denga dagi e dogolima o de gau Philistia e dagi ai i Gaza, ma Ashdod, ma Ashkelon, ma Gad, aama Ekron), go de mommee o de gau Av,