Jeremiah 2:10 - De Beebaa Dabu

¹⁰ Goodou hulo diiloo mommee i tagudai o Cyprus, gai haia hanu gi hulo gi Kedar gi diiloo ai gi danuaa, be gu hanu mee bee nei gu hai.

Jeremiah 2:10 Iomraidhean Croise

Genesis 25:13

Aanei denga dama daane a Ishmael, mai i tama madua ga hano iho ai: go Nebaiot, tama madua a Ishmael, ma Kedar, ma Adbeel, ma Mibsam,

1 Kings 9:9

Gai dangada e hagataba naa, ‘Go hiidinga gilaadeu gu tili Tagi Maolunga, delaadeu Maadua, ne hagassao ina mai laa olaadeu dubuna madagidagi i de henua go Egypt, gai gilaadeu ga daudali ange gi denga diinonga, ga daumaha ange ma de hai hegau ange gi gilaadeu. Aanei hiidinga a Tagi Maolunga ne hai ai gi loomai denga hai ngadaa nei alodahi gi gilaadeu.’ ”

1 Chronicles 1:7

Dama daane a Javan: go Elishah, ma Tarshish, ma Kittim, aama Rodanim.

1 Chronicles 23:1

De masavaa o David ne madumadua ai, gai ia ne hai dana dama daane go Solomon gi hodooligi i Israel.

1 Chronicles 23:12

Dama daane a Kohath: go Amram, ma Izhar, ma Hebron, aama Uzziel, se dogohaa gilaadeu.

Psalm 120:5

Gu vakaa loo au, au gu noho gaainga i Meshek, gai e noho i de mommee iai hale malo o Kedar!

Isaiah 21:16

Gai de Ia Aamua ne hai mai gi de au, “Dahi ngadau nei, bei de hai e dau ai laa de ngadau e hagahai hegau ai tangada, gai de mahamaha o Kedar e lilo naa hogi.

Isaiah 23:1

Muna hagadaemaha i dagodo o Tyre. Denga vaga o Tarshish, goodou tangi see! Go hiidinga Tyre gu maoha ma gu ngadi dagodo, gu deai donu se hale be se ava i kilaa. Gai ne hagailoo mai gi gilaadeu mee nei i de henua go Cyprus.

Isaiah 23:12

Ia ne hagadaba, “Koe gu dee ahe ange naa donu e malangilangi, tamaa hine o Sidon, koe gu haia gi de mahi. Hidi age hannoo gi Cyprus; gai koe e dee gidee naa donu dahi hagamaabunga i kilaa.”

Jeremiah 49:28

Dagodo o Kedar ma de nohoanga hodooligi o Hazor, a Nebuchadnezzar de hodooligi o Babylon ne hebagi ange laa aagena. E hagadaba Tagi Maolunga: “Hiihidi age, hebagi ange gi Kedar, gai daia gi maakau dangada i de baasi dua!

Ezekiel 16:16

Koe ne kave hanu oo malo ga hagalaagii ai denga mommee daumaha, gai koe ne hai be se manu i kilaa. Dahulinga nei e dee ni mee donu e hai, aabe ni mee e hagassula.

Ezekiel 27:21

Arabia ma denga dagi alodahi o Kedar ne hagao hogi oo goloa; gilaadeu ne hagao oo goloa i denga ssiibi gauligi ma denga ssiibi daane, aama guudi.

Ezekiel 27:6

Gilaadeu ne hai oo hoe i laagau o denga oak mai i Bashan; gai ne hai doo deege i laagau o denga pine mai i mommee i tagudai o Cyprus, gai ne hagalaagii goe i denga ivory.

Ezekiel 5:7

Deenei ai, e hagadaba de Ia Aamua go Iahweh: Goodou e kii ange doodou hagamaanege i denga huaahenua i oodou gaogao, gai goodou tee daudali i agu hainga gu hagasauaa, gai tee daohi agu hainga, aagai goodou ne ago ange i dahulinga a denga huaahenua e paa adu gi goodou.

Daniel 11:18

Dua mee nei gai ia e ahe naa ga hebagi ange gi mommee i gaogao tagudai, ma de hagadee kii mommee lagolago i kilaa, aagai dahi dagi o de hebagi e hai naa ga dee sula dono hagamaolunga, ma de sui ange dono hagamaolunga.

Daniel 11:30

Gai denga vaga o Kittim e hai baasi ange naa gi de ia, gai ia e madagu naa ga ahe dua. Gai ia e lili naa ga ahe ga hebagi ange gi de hagatoo donu hagaheloongoi dabu. Ia e ahe naa ga abodonu ange gi gilaadeu gu dee daudali i de hagatoo donu hagaheloongoi dabu laa.

Numbers 24:24

Denga vaga e loomai naa i Kittim ga hebagi ange gi Assyria ma Eber; gai gilaadeu e oohaa naa hogi.”

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.

Judges 19:30

Gai dangada alodahi ne gidee mee laa ga hagataba, “Tigi ai donu se hegau bee nei ne hai, aabe ne gidee i daho de gau Israel, mai i de laangi o de gau Israel ne loomai ai, i de henua go Egypt ga dae mai ai gi anailaa nei. Gidaadeu ga hagasaele dagodo o de mee nei! Gai tala mai be se aha adaadeu e hai ange gi de mee nei!”