Jeremiah 19:11 - De Beebaa Dabu

¹¹ gai koe ga hai ange gi gilaadeu, ‘E hagadaba Tagi o denga hagabuulinga hebagi: Au e oha naa de huaadangada nei ma de aduhale nei bei de ssaa hadu a tangada hai gumedi hadu gu hhoa nei, gai e dee maua naa donu i de hagaahe ange e hai ange. Dangada e danu naa alaadeu dangada maakau i Topheth, ga dae ai gi teai mommee e doe e danu ai dangada.

Jeremiah 19:11 Iomraidhean Croise

Psalm 2:9

Koe e dagi naa gilaadeu i togo iron, ma de hai gilaadeu gi bei denga gumedi hadu gu mahaahaa laa ma gu too dagidahi.”

Proverbs 6:15

Deenei ai, de hai ngadaa e daa hagalele naa donu de duu ange gi de ia; gai e moolau naa donu dono hai ngadaa, gai ia e dee ieiangi naa donu.

Isaiah 30:14

Gai e maoha naa bei dahi ssaa hadu ga ssii dagaligiligi; gai e deai naa donu se dalaa mee e doe e maua i de taa age ai hanu maga ahi i de mommee o de ahi, aabe go de asu age ai vai i lo te mee hhao vai.”

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Jeremiah 19:12

Deenei dagu hai e hai ai de mommee nei aama dangada e nnoho ai, go Tagi Maolunga e hagadaba. Au e hai naa de aduhale nei gi bei dagodo o Topheth.

Jeremiah 19:6

Deenei ai, e tae mai naa laangi, go Tagi Maolunga e hagadaba, a dangada e dee hagahi ange ai gi de mommee nei go Topheth aabe go de Geelonga o Ben Hinnom, aagai go de Geelonga o de Daa gi Maakau.

Jeremiah 25:34

De gau hagaloosi, goodou tangi ma de tangi ssee; dagi o de hagabuulingaa ssiibi, goodou tige saele i lodo gelegele; go hiidinga gu tae mai laangi oodou e maakau ai ma de mavaevae saele ai, goodou e bei naa de ssaa hadu hagamogomogo, e too iho laa ga mahaahaa.

Jeremiah 48:38

Honga hale alodahi i Moab aama honga ono haiava e deai ange naa donu mee e langona ai, go de tangi donu huu, i hiidinga au gu hhoa Moab bei de ssaa e deai dangada e lodo ai, go Tagi Maolunga e hagadaba.

Jeremiah 51:63

Gai ga lava naa huu i dau dau ange muna o de beebaa mulo naa, gai koe ga nnoa ange gi dahi hadu ga maga ange gi lo te saalingaa vai go Euphrates.

Lamentations 4:2

Denga dama hagamogomogo o Zion, nogo hagamogomogo laa bei denga goolo, gu bei denga gumedi e hai i bela pigi, a tangada hai gumedi e hai laa i luoono lima!

Acts 21:11

Ia ne humai gi omaadeu daha, ga kave de beele o Paul ga nnoa ai luoono lima ma luoono vae, ga hagadaba, “E hagadaba de Hagasaalunga Dabu, ‘De gau Ssuu i Jerusalem e nnoa naa tangada niiona de beele nei, ga gaavange ia gi denga Gentile.’ ”

Revelation 2:27

‘Ia e dagi naa gilaadeu i togo iron, ma de hai gilaadeu bei dagodo o denga gumedi hadu gu mahaahaa laa ma gu too dagidahi;’ bei dagu hai gu kave ai laa hogi ssauaa e dagi ai mai i daho dogu Damana.