Jeremiah 18:4 - De Beebaa Dabu

⁴ Aagai de gumedi aana e hai laa i bela pigi ne maoha i de masavaa aana e poo ai i luoono lima, gai ia ga ahe ange ga hai ai dahi gumedi gee, ga hagahua bei dono hai e lodo ai.

Jeremiah 18:4 Iomraidhean Croise

Isaiah 45:9

E vakaa naa tangada e hagadaumee ange gi de ia ne haia ia, ia e bei dahi gumedi hadu i magavaa denga gumedi e hai i gelegele pigi! E aha, e maua e denga gelegele pigi i de hai ange gi tangada hai gumedi, ‘Se aha aau e hai naa?’ aabe e hai ange, ‘Dau gumedi e hai naa e deai donu ono gau!’?

Jeremiah 18:3

Gai au ga hano iho gi de hale o tangada hai gumedi hadu, gai au gu gidee ia e noho ma e hai ana hegau i honga dana hagasii hai gumedi.

Jeremiah 18:5

Gai Tagi Maolunga ga hagaago mai ange ana muna, ga hai mai,

Jeremiah 18:6

“E hagadaba Tagi Maolunga: De gau Israel, au e maua donu i de hai adu gi goodou hegau a tangada hai gumedi e hai. De gau Israel, tilo, goodou ni bela pigi i lodo luoogu lima, bei denga bela pigi i lodo luu lima o tangada hai gumedi hadu.