Jeremiah 18:19 - De Beebaa Dabu

¹⁹ Tagi Maolunga, hagalaangona agu muna; hagalaangona muna a ogu hagadaumee e tala!

Jeremiah 18:19 Iomraidhean Croise

2 Kings 19:16

Tagi Maolunga, hagadaahuli ina mai luoo dalinga hagalaangona; Tagi Maolunga, huugea mai luoo mada diiloo; gai koe gi hagalaangona muna a Sennacherib, gu hagailoo mai e hagangadi mee ai de Maadua e mouli laa.

Nehemiah 6:9

Gai gilaadeu ne hagatale de hagamaatagu gimaadeu, gilaadeu ne maanadu, “Gilaadeu e baageaa naa i de hai hegau, gai de hegau gu dee maua gi lava.” ⌊Aagai au ne dalodalo, ga hai ange, “De Maadua,⌋ koe gi haia gi mmahi au.”

Psalm 109:28

Gilaadeu gi hagamalaia ina au, aagai koe ga hagamanuuia ai au; gilaadeu e hebagi mai gi de au gi dee kii; aagai au, doo dangada hai hegau gi malangilangi.

Psalm 109:4

Gilaadeu e sui mai dogu aloha i de hagabaubau au; aagai au e hagaduu ngae i talodalo.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Jeremiah 18:20

E aha, e heohi de sui ange tanuaa i de baubau? Aagai gilaadeu gu geli dahi geelinga moogu. Koe gi manadua dogu duu i mada luoo mada ga dangidangi ai i olaadeu hiidinga gi dee humai ai doo lili i gilaadeu.

Jeremiah 20:12

Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Lamentations 3:59

Tagi Maolunga, koe gu gidee mee dee heohi ne hai mai gi de au, hagamodu ina ogu muna gi sula danuaa mai ai dogu heohi.

Micah 7:8

Dogu hagadaumee, koe gi dee malangilangi i ogu dagodo! Ga baguu naa donu au, aagai au e ahe ange naa donu ga hidi age. Gai ga noho naa donu au i lo te gohu, aagai go Tagi Maolunga dogu hagamaalama.