Jeremiah 17:8 - De Beebaa Dabu

⁸ Ia e bei naa de manu somo e doo laa i gaogao de vai, ono aga e ssomo ma e hulo gi lo te saalingaa vai. Gai e dee madagu donu i de masavaa hagavvela; ono lau e lau kohu i masavaa alodahi, gai e dee manavasaa i de ngadau o tau laohie, gai e hua i masavaa alodahi.

Jeremiah 17:8 Iomraidhean Croise

De Beebaa go Job 29:19

Au e bei de manu somo e hulo laa ono aga gi lodo vai, gai ono laa e hagamaluulu i ssuungia o de boo.

De Beebaa go Job 8:16

Ia e bei de manu somo gu hagamaluulu gai e sula i de laa; ono uli e ssomo i honga de veelenga alodahi;

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Proverbs 11:28

Be goai e tali hagalodolodo ange gi dono lava e hagadaga iho naa, aagai dangada heohi e bei naa de manu somo lau kohu.

Isaiah 58:11

Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Jeremiah 39:18

Gai au e hagaola naa goe; koe e dee magau naa donu i de gadilaasa, gai koe e hagaola naa donu huu doo mouli, i hiidinga koe ne hagadonu au,’ ” go Tagi Maolunga e hagadaba.

Ezekiel 31:3

Tilo, Assyria e bei dahi cedar i Lebanon i mua; ono laa e mahamaha gai e haoli denga manu ssomo ange laa, gai e kona donu de looloa, dono ulu e daea age denga giliiga.

Ezekiel 47:12

Gai luu baasi ngaadahi o de vai laa e ssomo ai naa denga hagadaagangaa manu ssomo e gai olaadeu hua. Olaadeu lau e dee mmae gai olaadeu hua e dee odi naa donu. Gai manu nei e hhua naa i denga malama alodahi, go hiidinga vai olaadeu e unu ai e ssali mai i de mommee dabu laa. Gai olaadeu hua e haangai ai dangada, gai olaadeu lau e hagaieiangi ai magi o dangada.”