Jeremiah 17:7 - De Beebaa Dabu

⁷ Gai e manuuia tangada e hagadonusia Tagi Maolunga, gai go Tagi Maolunga dana tali hagalodolodo.

Jeremiah 17:7 Iomraidhean Croise

Psalm 125:1

Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai.

Psalm 146:5

E manuuia tangada go de Maadua o Jacob dono bale, gai dana tali hagalodolodo go Tagi Maolunga, dono Maadua,

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 20:8

Gilaadeu e hagamaolalo ina naa ma de baakuu, aagai gimaadeu e hiihidi age naa ga tuu gi makaga.

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!

Psalm 40:4

E manuuia tangada e hagadonusia Tagi Maolunga, gai e dee ssala dono bale i daho de gau lodo maolunga, go gilaadeu e daudali ange i denga ngadi diinonga.

Psalm 71:5

Dogu Ia Aamua go Iahweh, go koe dagu tali hagalodolodo; au ne hagadonusia goe mai i dogu gauligi.

Psalm 84:12

Tagi o denga hagabuulinga hebagi, e manuuia tangada e hagadonusia goe!

Proverbs 16:20

Tangada e daohia laa mee oona gu agoago ai e hagadagadaga age donu, gai tangada e hagadonusia Tagi Maolunga e manuuia.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Jeremiah 39:18

Gai au e hagaola naa goe; koe e dee magau naa donu i de gadilaasa, gai koe e hagaola naa donu huu doo mouli, i hiidinga koe ne hagadonu au,’ ” go Tagi Maolunga e hagadaba.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.

Ephesians 1:12

gai gidaadeu ne haia laa Klisdo go taadeu tali hagalodolodo i taamada ga tuhi ai dono mahamaha.