Jeremiah 17:11 - De Beebaa Dabu

¹¹ Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Jeremiah 17:11 Iomraidhean Croise

De Beebaa go Job 20:21

Gu deai donu mee e doe i dua dono gaimee, gai dono lava e dee maua donu gi daulooloa.

Psalm 49:13

Deenei tagodo o dangada e hagadonusia donu huu gilaadeu, ma dangada e malangilangi i olaadeu goloa lagolago. Selah

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Proverbs 13:11

De lava e maua laa i de hadu muna e moolau donu de odi, aagai de lava e hagabudu dagi de momo laa e hagadagadaga age donu.

Proverbs 15:27

Tangada nnoo hagamau mee, e hagahai ngadaa dono huaabodu, aagai tangada e kino i denga ngadi gaavange hagasenga e mouli donu.

Proverbs 21:6

Denga goloa hagamogomogo e maua i de hadu muna e bei mama o denga vai e moolau laa de lilo, gai e bei ssele o de magau.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Proverbs 28:16

Tagi e dee donu laa e vaivai hai dangada; aagai tangada e kino laa i goloa gaiaa e daulooloa naa dono mouli.

Proverbs 28:20

Tangada e hai hegau laa i de mee abodonu e manuuia, aagai tangada e hagamoolau laa e hai gi lava ia, e dee haihai naa donu ga dee hagaduasala.

Proverbs 28:22

Tangada gailalopoli e kona de lodo gi moolau dono lava, gai ia e dee iloo bolo ia e duu ange naa donu gi tuasala.

Proverbs 28:8

Tangada e haia dangada gi hagao dahi mee laa honga mee aama mee gaavange gi kii ange ai dono lava, e hagabudu naa donu huu mee laa ga dugu ange gi dahi dangada gee, go tangada e ngadi gaavange mee gi de gau hagaau aloha.

Jeremiah 22:13

“E vakaa naa tangada e hagaduulia dono hale i hegau dee heohi, ma de hai denga aabi i lunga o dono hale i de vaivai dagodo, aama de ngadi hagahai hegau tangada de henua, gai e dee gaavange de hagaoanga o ana hegau.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Jeremiah 8:10

Deenei ai, au e gaavange naa olaadeu bodu gi hanu daane gee, gai olaadeu alahenua e gaavange naa gi olaadeu hagadaumee. Mai i tangada maolalo ga dae ai gi tangada maolunga, gilaadeu alodahi gu nnoo hagamau mee; denga pelaabisi ma de gau haimeedabu gu se dagodo daudahi donu, gilaadeu alodahi e hegau i de hagasenga.

Amos 3:10

“Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Micah 2:9

Goodou e alualu denga haahine o ogu dangada mai i olaadeu hale danuaa. Goodou gu kave gee agu manuuia mai i daho alaadeu dama ga hano ai.

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Zephaniah 1:9

De laangi laa, gai au e hagaduasala naa dangada alodahi e dee llaga laa honga de laagau i ma te abaaba, go dangada e haoa de hale o olaadeu dangada aamua i goloa alaadeu e mau i de vaivai hai ma de daahanga dangada.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Luke 12:20

Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

1 Timothy 6:9

Aagai dangada e llodo gi lava gilaadeu e too ange donu gi denga hagatale, gai e noodia i denga maanadu o de lodo senga aama lodo baubau alodahi e dagina ange laa gilaadeu gi de hagaduasala aama de magau.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.