Jeremiah 17:10 - De Beebaa Dabu

¹⁰ Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Jeremiah 17:10 Iomraidhean Croise

1 Kings 8:39

gai koe hagalaangona dana dalodalo i doo mommee noho i de langi, ga degi ange ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange i lodo o dangada alodahi),

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

2 Chronicles 6:30

gai koe hagalaangona dana dalodalo i doo mommee noho i de langi, ga degi ange, ma de sui ange hegau a dahi ma dahi, (go hiidinga koe e iloo dagodo lodo o dahi ma dahi, gai go koe donu huu e donu ange gi lodo o dangada,)

De Beebaa go Job 34:11

Gai ia e hagao ange tangada gi bei dagodo o ana hegau, ia e hai gi aahe ange donu huu gi tangada ana hegau.

Psalm 44:21

gai de Maadua e iloo donu de mee nei! Go hiidinga ia e iloo mee i lodo o tangada.

Psalm 44:22

Gimaadeu e daia ga maakau i laangi alodahi i oo hiidinga, gimaadeu e bei dagodo o denga ssiibi gu paba ange laa e daa gi maakau.

Psalm 62:12

gai koe, de Ia Aamua, e lodo aloha mmao. Koe e sui ange mee a tangada gu hai gi bei dagodo o ana hegau.

Psalm 7:10

De Maadua go dagu mee hungihungi, ia e hagaola gilaadeu e heohi olaadeu lodo.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

Proverbs 12:14

Muna a tangada e hagadanuaa naa ia i mee danuaa; hegau a tangada e hagadanuaa naa donu huu ia.

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Ecclesiastes 9:3

Deenei de mee baubau e hai i mee alodahi e hai i lalo de laa: de hagaodi o dangada alodahi e dagodo daudahi donu huu. E dahi ange mee, lodo o dangada e hoohonu i de baubau, gai de llodo ssenga e dagodo i olaadeu lodo i de masavaa olaadeu e mouli ai, gai muli mai gilaadeu e hulo gi daho de gau maakau.

Isaiah 59:18

Gai ia e hagao ange naa gilaadeu gi bei alaadeu hegau, ma de bole ange gi ono hagadaumee, ma de hagao ange hegau a dangada e kino i de ia; gai ia e sui ange naa hegau a dangada e nnoho i tagudai.

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Jeremiah 20:12

Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 23:2

Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Ezekiel 11:5

Gai de Hagasaalunga o Tagi Maolunga ne hano iho gi ogu elunga, ga hai au gi hai ange, “E hagadaba Tagi Maolunga: Dangada o Israel, aanaa oodou muna e tala, aagai au e iloo maanadu i oodou lodo.

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’

Micah 7:13

Henua i lalo e hai naa ga ngadi dagodo, i hiidinga o dangada e nnoho ai; mee nei ne hai i hiidinga o alaadeu hegau baubau.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 6:4

gi dee iloo ai e dangada oodou mee gu ngadi gaavange. Aagai doodou Damana e gidee laa mee e dee gidee ga hagao adu ai goodou.

John 2:25

Gai e dee se dangada donu ne daalaa ange gi de ia dagodo o dangada, go hiidinga ia e lava donu i dana iloo dagodo lodo o tangada.

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

Romans 6:21

Aagai ni aha oodou ne mau laa i de masavaa laa, mai i mee oodou gu dookaa ai naa iainei? De hagaodi o mee laa go de magau donu.

Romans 8:27

Gai de Maadua e gidee dagodo lodo o dangada ma lodo o de Hagasaalunga, go hiidinga de Hagasaalunga e dalodalo i dangada o de Maadua bei dagodo de hagatau a de Maadua.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.

Revelation 22:12

“Tilo, au gu dai humai donu. Gai au e gaamai naa madali au mee e hagao ange ai dahi ma dahi gi bei dagodo o ana hegau.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”