Jeremiah 16:5 - De Beebaa Dabu

⁵ Gai e hagadaba Tagi Maolunga, “Aude ulu i de hale o dangada e hinangalosaa ai; aude hano hogi gi dangi aabe gi aloha ange gi gilaadeu, go hiidinga au gu kave gee de nnoho paba, ma dogu lodo aloha, aama dogu abodonu mai daho de huaadangada nei, go Tagi Maolunga e hagadaba.

Jeremiah 16:5 Iomraidhean Croise

Psalm 25:6

Tagi Maolunga, manadua doo degi ma doo abodonu, go hiidinga mee nei gu hai mai loo madagidagi.

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Jeremiah 12:12

De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Jeremiah 16:13

Deenei ai, au e maga naa goodou gi hulo gi de henua oodou ma oodou dubuna madagidagi tee iloo laa, gai goodou ga hai hegau ange ai gi denga diinonga i de laangi ma de boo. Gai au e dee damaa aloha adu naa donu gi goodou.’

Lamentations 3:17

Ogu lodo gu dee baba, au gu ngalo dagodo o de malangilangi.

Zechariah 8:10

Laangi i mua, gai e deai donu se dangada e hagao ina tangada aabe go de manu aana e hagahai hegau laa. E deai hogi se dangada e baba ono lodo i dono hano saele, i hiidinga o de hagadaumee, go hiidinga au ne hai gi hagadau hai baasi dangada.

Deuteronomy 31:17

De masavaa laa gai au e lili naa i gilaadeu, ga tili gilaadeu ma de huli gee luoogu mada i gilaadeu, gai gilaadeu e odi naa i de maakau. Denga mee baubau ma hai ngadaa lagolago e hai ange naa gi gilaadeu, gai gilaadeu e hagataba naa i de laangi laa, ‘E dee go hiidinga taadeu Maadua gu dee noho i odaadeu daha, ne tuu mai ai nei hai ngadaa nei gi gidaadeu?’

Revelation 6:4

Gai gu sao mai ange hogi dahi hoosa, se hoosa mmea. Gai gu gaavange gi tangada e gage i ono elunga ssauaa e hai ai gi dee nnoho paba dangada i henua i lalo, ma de hai dangada gi hagadau daia gilaadeu gi maakau. Gai ne gaavange hogi dahi gadilaasa looloa gi de ia.