Jeremiah 16:19 - De Beebaa Dabu

¹⁹ Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Jeremiah 16:19 Iomraidhean Croise

1 Kings 20:23

Gai de gau hai hegau o de hodooligi o Syria ne hai ange gi de ia, “Olaadeu diinonga go diinonga o denga mounga, deelaa ai, gilaadeu e mmahi ange i gidaadeu. Aagai noo gidaadeu e hebagi ange gi gilaadeu i de mommee soe, gai gidaadeu e mmahi ange naa donu i gilaadeu.

Psalm 18:3

Au e hagahi Tagi Maolunga, go de ia e heohi dagu tuhi, gai au gu ola mai i ogu hagadaumee.

Psalm 19:14

Haia agu muna e tala ma hagasaele i ogu lodo gi ni mee e hagamalangilangi ina goe, Tagi Maolunga, go koe dogu baba makaga ma dogu Ia Hagaola.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Psalm 62:7

Dogu hagaola ma dogu hagadubu go de Maadua e gaamai; go ia dogu baba makaga, ma dogu mommee mmuni.

Psalm 65:3

De masavaa o ogu baubau ne hai baasi mai ai gi de au, gai koe ne degi mai gi omaadeu haisala.

Psalm 68:31

De gau aamua o Egypt e loomai naa; Ethiopia e ino ange naa gi de Maadua.

Psalm 86:9

Denga huaahenua alodahi aau ne hai e loomai naa ga ino gi lalo ga daumaha adu gi de goe, dogu Ia Aamua, aama de hagamahamaha doo ingoo.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 44:10

Goai e hagahua ina dahi diinonga ma de hagadagodo ina dahi diinonga baalanga, e deai laa ono haigamaiana?

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Isaiah 45:14

E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 62:2

Gai denga huaahenua e gidee naa doo heohi, denga hodooligi alodahi e gidee naa doo mahamaha; gai koe e kave naa dahi ingoo hoou, go de ngudu donu o Tagi Maolunga e gaavadu doo ingoo.

Jeremiah 10:3

Dahulinga a denga huaadangada e deai haigamaiana; gilaadeu e sele iho dahi manu somo i lodo henua, gai de labagau ga daa ai dahi diinonga.

Jeremiah 10:5

Olaadeu diinonga e bei de mee e dugi ai laa denga manu i lo te veelenga kiulii; olaadeu diinonga e dee maua i de pasa; gai dangada e saabai saele gilaadeu, i hiidinga gilaadeu e dee maua i de seesee. Goodou aude maatagu i denga diinonga nei; gilaadeu e dee maua donu i de hai adu dahi baubau aabe se danuaa daudahi gi goodou.”

Jeremiah 12:16

Gai de masavaa naa huu alaadeu e kana ange ai ga ago haiava o ogu dangada, ma de hagatoo donu i dogu ingoo, ga hagataba, ‘Au e hagatoo donu i de mouli o Tagi Maolunga’ — bei delaadeu hai ne agoago ange ai ogu dangada, gi hagatoo donu i de ingoo o Baal — gai gilaadeu e nnoho paba naa i magavaa o ogu dangada.

Jeremiah 14:8

Go koe de tali hagalodolodo a Israel, gai go dono Ia Hagaola i de masavaa hai ngadaa. Gai gu aha goe gu bei ai naa dagodo o dahi dangada henua gee i honga de henua, ma tangada e humai laa donu huu e noho i dahi boo?

Jeremiah 17:17

Aude hagamadagu ina ngau; go koe donu dogu muuninga i de masavaa hai ngadaa.

Jeremiah 2:11

Gu dahi laa huaahenua ne suuia olaadeu diinonga? (Olaadeu diinonga e dee ni diinonga abodonu.) Aagai ogu dangada gu hagahesuihagi de mahamaha o delaadeu Maadua i denga diinonga e deai olaadeu haigamaiana.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Jeremiah 3:23

Ni muna abodonu, demaadeu daumaha ange gi denga diinonga i honga duuduu ma honga mounga e hagasenga gimaadeu. Ni muna abodonu, de hagaola o Israel go Tagi Maolunga demaadeu Maadua.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Ezekiel 11:16

Deenei ai, hai ange gi gilaadeu, ‘E hagadaba de Ia Aamua go Iahweh: E dee galemu donu au ne kave gilaadeu gi denga huaahenua mmao, ma de hai gilaadeu gi mavaevae saele i denga henua, aagai go au donu delaadeu mommee dabu i dahi masavaa bodobodo, i denga henua olaadeu gu hulo aagena.’

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

Nahum 1:7

Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,

Habakkuk 3:19

De Ia Aamua go Iahweh go ogu mahi; ia e hai luoogu vae gi bei luu vae o dahi dia, ia e hai gi maua e au i de seesee i honga mommee maolunga. Ange gi tagi o taahili. Gai e hua madali mee hagadangidangi iai daula.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Romans 1:25

go hiidinga gilaadeu gu hagahesuihagi de mee abodonu a de Maadua i de muna hhadu, ma de daumaha ange gi mee ne hai laa i taamada, tee daumaha ange gi de ia ne haia mee alodahi, go de ia e heohi taadeu tuhi ga hano ai! Amen.

1 Peter 1:18

Goodou e iloo bolo goodou ne hagaola mai i oodou mouli dee haigamaiana, go mee oodou ne ago mai i daho oodou damana madagidagi, gai tee hagao i hanu mee e moolau laa de llilo, bei selevaa ma goolo,

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”