Jeremiah 15:1 - De Beebaa Dabu

¹ Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 15:1 Iomraidhean Croise

Genesis 19:27

Gai Abraham ga oho age i taiao ga hano ga duu i de mommee oona ne duu ai i mada i mua o Tagi Maolunga.

2 Kings 17:20

Gai Tagi Maolunga gu kino i denga aamuli alodahi o Israel, gai ia ga hagaduasala gilaadeu, ga hai olaadeu hagadaumee gi gaiaadia alaadeu mee, ga dae ai gi dana aau gee gilaadeu i mada luoono mada.

Psalm 106:23

Gai ia ne hagadaba bolo e daa gilaadeu gi maakau; aagai Moses, dana daane ne hili, ne dangidangi i olaadeu hiidinga i ono mada i mua, ga hai ia gi dee daia gilaadeu gi maakau i dono bole.

Psalm 99:6

Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

Proverbs 14:35

De hodooligi e malangilangi i tangada hai hegau heiangi, aagai tangada hai hegau hagadookaa dangada e hagaduasala naa i dono bole.

Jeremiah 10:18

Gai e hagadaba Tagi Maolunga: “Tilo, au e maga naa gi daha dangada e nnoho i de henua nei; au e hai naa gi humai de hai ngadaa gi gilaadeu, gi langona iho ai e gilaadeu dogu lili.”

Jeremiah 11:14

⌊Jeremiah,⌋ aude dalodalo donu i de huaadangada nei, aabe gi dangidangi ma de dalodalo i olaadeu hiidinga, go hiidinga au e dee hagallongo donu alaadeu dalodalo, i de masavaa alaadeu e hagahi mai ai au, i delaadeu hai ngadaa.

Jeremiah 14:11

Tagi Maolunga ne hai mai gi de au, “Aude dalodalo donu gi duadonu ai de huaadangada nei.

Jeremiah 14:12

Gai ga hagahiikai naa donu gilaadeu, aagai au e dee hagallongo donu alaadeu dalodalo. Gai e dee galemu naa donu delaadeu hai denga sigidaumaha dudu ma sigidaumaha o grain, aagai au e dee malangilangi donu i mee nei. Aagai au e daa gilaadeu gi maakau i de gadilaasa, ma de onge aama de mee hagamaakau.”

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Jeremiah 16:13

Deenei ai, au e maga naa goodou gi hulo gi de henua oodou ma oodou dubuna madagidagi tee iloo laa, gai goodou ga hai hegau ange ai gi denga diinonga i de laangi ma de boo. Gai au e dee damaa aloha adu naa donu gi goodou.’

Jeremiah 16:5

Gai e hagadaba Tagi Maolunga, “Aude ulu i de hale o dangada e hinangalosaa ai; aude hano hogi gi dangi aabe gi aloha ange gi gilaadeu, go hiidinga au gu kave gee de nnoho paba, ma dogu lodo aloha, aama dogu abodonu mai daho de huaadangada nei, go Tagi Maolunga e hagadaba.

Jeremiah 18:20

E aha, e heohi de sui ange tanuaa i de baubau? Aagai gilaadeu gu geli dahi geelinga moogu. Koe gi manadua dogu duu i mada luoo mada ga dangidangi ai i olaadeu hiidinga gi dee humai ai doo lili i gilaadeu.

Jeremiah 22:28

E aha, Jehoiachin se daane e hagangadi mee ina, gai e bei dahi gumedi hadu gu maoha laa, gai se ssaa e deai dangada e llodo ai? Gai gu aha gilaadeu ma ana dama gu gaavee gee ai gi dahi henua alaadeu e dee iloo?

Jeremiah 23:39

deenei ai, tilo, au e poo naa goe ga tili gee goe mai i mada luoogu mada, go goodou ma de aduhale aagu ne gaavadu naa gi goodou ma oodou dubuna madagidagi.

Jeremiah 35:19

Deenei ai, e hagadaba Tagi o denga hagabuulinga hebagi, de Maadua o Israel: Jonadab tama daane a Recab e duudagi naa donu huu de dahi ono hagadiilinga e hai hegau i mada luoogu mada.”

Jeremiah 52:3

Mee nei ne hai i hiidinga de lili o Tagi Maolunga i Jerusalem ma Judah, gai ia ne hai gilaadeu gi hulo gee mai i mada luoono mada. Zedekiah ne hai baasi ange gi de hodooligi o Babylon.

Jeremiah 9:19

De leo o tangi see e langona mai i Zion: ‘Gidaadeu gu odi i de maoha! Gidaadeu gu kona mmao i de dookaa. Gidaadeu e hulo gee donu i taadeu henua i hiidinga odaadeu hale gu maoha.’ ”

Ezekiel 14:14

gai ga nnoho naa donu denga daane dogodolu nei, go Noah, ma Daniel, aama Job i honga de henua, gai go gilaadeu donu huu alaadeu e maua i de hagaola i olaadeu heohi, go de Ia Aamua go Iahweh e hagadaba.

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Hosea 9:15

Alaadeu hegau baubau alodahi i Gilgal ne hai au ga kino i gilaadeu i kilaa. Go hiidinga de baubau alaadeu hegau au e alualu naa gilaadeu gi hulo gee mai i dogu hale. Au e dee aloha naa donu i gilaadeu; olaadeu dagi alodahi i de henua gu hai baasi mai.

Zechariah 3:3

De masavaa laa gai Joshua e duu i mada i mua o tangada de langi, gai ia e gahu i hanu malo vai gelegele.

Deuteronomy 9:26

Gai au ne dalodalo ange gi Tagi Maolunga ga hai ange, “Dogu Ia Aamua go Iahweh, aude daia oo dangada donu gi maakau, go dangada aau ne hagaola ga hagassao mai i Egypt i doo lima sauaa mmahi.

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

Judges 5:9

Au gu maanadu dagi o denga daane hebagi o Israel, mai i magavaa o dangada ne malangilangi laa i de hulo i de hebagi. Duuhia Tagi Maolunga!

1 Samuel 12:19

Gai dangada alodahi ga hai ange gi Samuel, “Dalodalo ange gi Tagi Maolunga doo Maadua, i hiidinga oo dangada hai hegau, gi dee maakau ai gimaadeu; go hiidinga gimaadeu gu hai ma gu kii ange de lagolago omaadeu haisala, i demaadeu dangidangi i dahi hodooligi.”

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

1 Samuel 7:9

Gai Samuel ne kave dahi ssiibi gauligi e unuunu laa huu ga hai ai ssigidaumaha dudu ange gi Tagi Maolunga. Gai ia ga dalodalo ange gi Tagi Maolunga i hiidinga o de gau Israel, gai Tagi Maolunga ga basa ange gi dana dalodalo.