Jeremiah 14:9 - De Beebaa Dabu

⁹ Gu aha goe gu bei ai naa dahi dangada gu lele laa ono mouli, bei taane hebagi gu deai ono mahi e hagaola ai dahi? Tagi Maolunga, koe e noho i omaadeu daha, gai gimaadeu gu kave doo ingoo; koe gi dee dilia gimaadeu!

Jeremiah 14:9 Iomraidhean Croise

2 Chronicles 7:14

gai noo ogu dangada e hagaingoo laa i dogu ingoo e hagamaolalo olaadeu lodo, ga dalodalo ma de aahe mai gi de au, gai ga tili alaadeu hegau baubau, gai au ga hagallongo alaadeu dalodalo mai i de langi, ga degi ange gi olaadeu haisala ga hagaieiangi delaadeu henua.

Psalm 10:1

Tagi Maolunga, gu aha gu hagammao gee ai naa goe? Gu aha gu mmuni ai naa goe i denga masavaa hai ngadaa?

Psalm 27:9

Koe gi dee hagamuunia luoo mada i de au, koe gi dee alualumia doo dangada hai hegau i doo lili; go koe nogo balea mai au. De Maadua, dogu Ia Hagaola, koe gi dee kino aabe gi hano gee mai i ogu daha.

Psalm 46:5

De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 43:7

dangada alodahi e hagaingoo i dogu ingoo, go gilaadeu aagu ne hai e hagamahamaha ai au, gai go gilaadeu aagu ne hagaholi aama de hai.”

Isaiah 51:9

De lima o Tagi Maolunga, alahage, alahage! Hakahu ina goe i de mahi, alahage, bei oo dagodo i denga laangi gu hulo, bei au hegau i denga atangada madagidagi. E aha, e dee go koe e duuduudia de Rahab ga too dagidahi ma de velo de manu laumalie laa?

Isaiah 59:1

Tilo, de lima o Tagi Maolunga e dee bodobodo, gu dee maua i de hagaola, aabe luoono dalinga gu longoduli gu dee langona.

Isaiah 63:19

Gimaadeu gu bei donu dangada e dee go koe ne dagina i mua loo; gai gu bei dangada e dee hagaingoo i doo ingoo.

Jeremiah 15:16

De masavaa aagu ne gidee ai au muna, gai au ne gai au muna; au e malangilangi i au muna ma de lodo danuaa ai, go hiidinga au gu kave doo ingoo, Iahweh, de Maadua o denga hagabuulinga hebagi.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Jeremiah 8:19

Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”

Lamentations 5:20

Gu aha goe gu ngalo ai naa gimaadeu i masavaa alodahi? Gai gu aha gu daulooloa ai naa dau tili gimaadeu?

Ezekiel 48:35

Gai de looloa o de buibui i luu baasi de aduhale laa se 18,000 sugilima. Gai de ingoo o de aduhale mai i de masavaa laa ga hano ai go: Iahweh i Kilaa.”

Habakkuk 1:2

Tagi Maolunga, dee hee maa taulooloa dogu dangidangi adu i de bale, aagai koe e dee anga mai e hagallongo? Aabe go dagu hai adu gi de goe, “Gu vaivai haia dangada!” aagai koe e dee hagaola gilaadeu?

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Numbers 11:23

Gai Tagi Maolunga ga hai ange gi Moses, “E dahi nei mee daudahi a ssauaa o Tagi Maolunga e dee maua i de hai? Iainei gai koe e gidee naa be agu muna ni muna abodonu be deai.”

Acts 15:17

gai gi saalaa ai e dangada e doe Tagi Maolunga, aama denga Gentile alodahi gu hagaingoo i dogu ingoo, go Tagi Maolunga donu e hagadaba, go de ia e haia mee nei alodahi

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

Deuteronomy 23:14

Go hiidinga Tagi Maolunga doodou Maadua e noho madali goodou i de mommee nnoho gaainga, gai ia ga hagaola ai goodou ma de hai gi dee kii oodou hagadaumee. Deenei ai, goodou haia gi dabu doodou mommee nnoho gaainga, gai ia gi dee gidee dahi mee hakino gee daudahi, gai ia ga huli gee i goodou.

Deuteronomy 28:10

Gai dangada alodahi i henua i lalo e gidee naa bolo koe gu hagaingoo i de ingoo o Tagi Maolunga; gai gilaadeu e maatagu naa i goodou.

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.