Jeremiah 14:2 - De Beebaa Dabu

² “Judah e hinangalosaa; ono aduhale gu baageaa; ono dangada gu nnoho i honga de gelegele ma e tangi ai, gai gu kona de tangi o dangada i Jerusalem.

Jeremiah 14:2 Iomraidhean Croise

De Beebaa go Job 34:28

Gilaadeu ne hai gi langona e de Maadua de tangi o de gau hagaau aloha, gai ia ne langona de tangi o olaadeu e duasala.

Psalm 144:14

amaadeu kaau gi lagolago alaadeu dama, gai gi deai alaadeu dama e ssege aabe gi dee haanau; gai gi deai dangada e duasala i lodo omaadeu haiava.

Exodus 2:24

De masavaa huu a de Maadua ne langona ai delaadeu tangi, gai ia gu manadua dana hagatoo donu hagaheloongoi madali Abraham, ma Isaac, aama Jacob.

Isaiah 15:5

Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Isaiah 24:11

Dangada e hagabuni i honga denga haiava ma e tangi i teai uvaini; de malangilangi alodahi gu sui ma gu se lodo baubau, gai de lodo danuaa alodahi gu dee maleva i henua i lalo.

Isaiah 24:4

De henua e mmasa naa ga mmae mee iai, henua i lalo alodahi e ngadi dagodo naa ma de mmae mee ia, gai de gau aamua o de henua e deai naa olaadeu mahi.

Isaiah 24:7

Gu dai deai donu uvaini hoou, denga grapevine gu maakau; gai dangada alodahi nogo malangilangi laa gu tangi.

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Isaiah 33:9

De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Jeremiah 11:11

Deenei ai, e hagadaba Tagi Maolunga: Tilo, au e gaamai naa gi gilaadeu de hai ngadaa e dee maua laa e gilaadeu gi ola mai ai. Gai ga tangi mai naa donu gilaadeu gi de au, gai au e dee hagallongo donu delaadeu tangi.

Jeremiah 12:11

Gilaadeu gu hai de henua ma gu ngadi henua, gu ngadi dagodo ma de dangi mai gi de au. De henua alodahi gu se ngadi mommee, aagai gu deai donu dangada e anga ange aagena.

Jeremiah 12:4

Dee hee maa taulooloa de ngadi dagodo o de henua, gai denga helii alodahi i honga de gelegele gu mmae? Go hiidinga dangada e nnoho i kilaa e baubau, denga manu dolodolo ma manu llele gu maakau, go hiidinga dangada e hagataba, “Ia e dee gidee donu mee e hai mai gi gidaadeu.”

Jeremiah 18:22

Haia gi langona delaadeu oo ga tangi i lodo olaadeu hale, i de moolau de tae mai o de gau hebagi ga hebagi ange gi gilaadeu, go hiidinga gilaadeu gu geli dahi geelinga moogu, ma de dugu ssele e dada ai luoogu vae.

Jeremiah 4:28

Henua i lalo e tangi naa, gai lo te langi i lunga e hagagohu, go hiidinga gu lava i dagu tala, ma de hagatau mee nei; au e dee sui naa donu dagu maanadu, aabe e ahe dagu maanadu.”

Jeremiah 46:12

Denga huaahenua gu langona dagodo o doo hagadogaa ina, gai henua i lalo gu langona doo dangi. Dahi daane hebagi gu baguu ange gi honga o taane ange laa; gilaau ngaadahi gu maakau ma gu daakodo ai.”

Jeremiah 8:21

Au gu mmae ogu lodo i de mmae lodo o ogu dangada; au gu dangi ma de hinangalosaa mmao ogu lodo.

Lamentations 2:8

Tagi Maolunga gu baba ange e oha de buibui o tamaa hine o Zion. Ia gu dagi de uga haide e haide ai, gai tee hagaahe donu dono lima e oha ai laa. Ia ne hai denga mee hagamakaga i tua de buibui ma denga buibui gi hagaaloha olaadeu dagodo; gai mee nei alodahi gu maoha ma gu daakodo ai.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Lamentations 5:10

Omaadeu gili gu vvela bei de mommee dao gai, gai gu mahanahana i demaadeu hiikai.

Hosea 4:3

Deenei ai, de henua gu ngadi dagodo, gai alodahi e nnoho i kilaa gu deai olaadeu mahi, denga manu dolodolo o lodo henua ma manu llele ma mamu i lausedi gu maakau.

Joel 1:10

Denga veelenga gu ngadi daakodo, gai de gelegele gu hagahinangalosaa ono dagodo; denga grain gu lava i de oha, gu deai donu hogi uvaini hoou ma lolo.

Joel 1:11

De gau hai veelenga, go goodou gi dookaa, de gau e dooa denga grapevine, goodou tangi see; goodou tangi i teai wheat ma barley; go hiidinga teai huamanu e hagihagi.

Joel 1:14

Hagailoo ina de hagahiikai dabu; hagailoo ina de hagabuni dabu. Hagabuni ina denga dagi ma dangada alodahi e nnoho i de henua gi de hale o Tagi Maolunga doodou Maadua, gai dalodalo ange gi Tagi Maolunga.

Joel 2:6

Denga huaadangada gu maatagu i delaadeu gidee mee nei: gai dangada alodahi gu mada tea olaadeu mada.

Haggai 1:11

Au gu hagahi tau laohie gi hano iho gi honga oodou veelenga ma honga mounga, ma honga denga grain, ma grapevine, ma denga olive e hai ai laa lolo, ma honga mee alodahi e ssomo i honga de gelegele, ma honga o dangada, ma denga manu haangai, aama hegau alodahi oodou e hai.”

Zechariah 7:13

Au e dee hagallongo naa hogi delaadeu dangidangi, i de masavaa alaadeu e hagahi mai ai au, bei delaadeu hai tee hagallongo ai laa agu muna, go Tagi o denga hagabuulinga hebagi e hagadaba.

1 Samuel 5:12

dangada tee maakau laa gu ssomo ai hanu hagahoa, gai leo o dangada e tangi ai gu tae age gi de langi.

1 Samuel 9:16

“Daiao i de masavaa bee nei gai au e hai naa gi humai gi oo daha dahi daane mai i de henua o de aamuli o Benjamin. Gai koe ga hagadabu ai ia i de lolo, gi dagina ogu dangada, go de gau Israel. Gai ia ga hagaola ai ogu dangada mai i de gau Philistia. Au gu gidee dagodo o ogu dangada, go hiidinga gilaadeu gu tangi mai gi de au.”