Jeremiah 14:16 - De Beebaa Dabu

¹⁶ Gai angaanga o denga pelaabisi naa e daakodo saele naa, i honga denga haiava o Jerusalem, i hiidinga o de onge ma de gadilaasa. E deai naa donu se dangada e danumia gilaadeu, ma olaadeu bodu aama alaadeu dama. Gai au e hagaduasala naa gilaadeu gi bei dagodo o alaadeu baubau.

Jeremiah 14:16 Iomraidhean Croise

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Isaiah 51:20

Au dama gu deai olaadeu mahi; gilaadeu e daakodo saele i dege o denga haiava bei de antelope gu lave laa i lo te galauna. Gilaadeu gu langona iho de bole o Tagi Maolunga, ma de hagasee a doodou Maadua gilaadeu.

Isaiah 9:16

Go hiidinga dagi o de huaadangada gu dagi gee gilaadeu, gai gilaadeu gu daahanga dangada alaadeu e dagi.

Jeremiah 16:4

Gilaadeu e mmagi naa ga maakau. Gai e deai naa donu dangada e tangi aabe danumia gilaadeu, aagai gilaadeu e bei naa denga duudae e daakodo saele laa i honga de gelegele. Gilaadeu e maakau i de gadilaasa ma de onge, gai olaadeu angaanga e gaina naa e denga manu llele ma manu dolodolo o de henua.”

Jeremiah 18:21

Deenei ai, haia gi humai de onge gi alaadeu dama; haia gi daia gilaadeu gi maakau i de gadilaasa. Haia alaadeu haahine gi deai alaadeu dama ma de maakau olaadeu bodu; alaadeu daane gi maakau i de mee hagamaakau, gai alaadeu dama daane gi maakau i de gadilaasa i de hebagi.

Jeremiah 20:6

Gai koe, Pashhur, ma dangada alodahi i doo hale, e gaavee naa gi dahi henua gee. Koe e hano naa gi Babylon, gai goodou alodahi e maakau naa ga danu i kilaa, go goodou ma oo soa oou ne basa pelaabisi ange gi gilaadeu i de hadu muna.’ ”

Jeremiah 27:15

‘E dee go au ne haia gilaadeu gi loadu, go Tagi Maolunga e hagadaba, aagai gilaadeu e hadu muna, i delaadeu pasa pelaabisi i dogu ingoo. Deenei ai, au e alualu naa goodou gi hulo gee, gi maakau ai goodou, go goodou ma denga pelaabisi hadu muna, e pasa pelaabisi adu naa gi goodou.’ ”

Jeremiah 4:18

Au dahulinga ma au hegau gu hai ma gu duu adu de mee nei gi de goe. Deenei doo hagaduasala. Gai e kona naa donu! Gai e velo naa donu oo lodo!”

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

Jeremiah 7:33

Gai angaanga o de gau nei e gaavange naa e gai denga manu llele ma manu dolodolo gi gaina, gai e deai naa donu dangada e dugia gilaadeu.

Jeremiah 8:1

E hagadaba Tagi Maolunga, “De masavaa laa gai ivi o denga hodooligi ma dagi o Judah, ma ivi o de gau haimeedabu ma denga pelaabisi, aama ivi o dangada o Jerusalem e aau age naa i lodo olaadeu daanunga.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Jeremiah 9:20

Denga haahine, goodou hagalaangona muna a Tagi Maolunga, huugea oodou dalinga hagalaangona ai ana muna. Agoagona ange oodou damaa hine i de hai e hai ai tangi see, gai goodou hagadau agoagona i de hai tau ange gi de magau.

Jeremiah 9:22

Hai ange, “E hagadaba Tagi Maolunga: ‘Angaanga o de gau e ngadi daakodo saele naa bei denga duudae i lo te duu malaelae, ma denga grain gu lava laa i de duuduu a de gau hagihagi, gai e deai donu dangada e hagabudulia.’ ”

Ezekiel 39:14

Gai gilaadeu e hili naa hanu dangada gi hulo gi hagagilimalali ina de henua i masavaa alodahi. Hanu e hagadaga naa i honga de henua ga danu de gau maakau goi daakodo saele laa i honga de gelegele. Gai dua naa huu e hidu malama gai gilaadeu e ssala naa gi odi danuaa de gau maakau goi daakodo i honga de gelegele.

Amos 7:17

Deenei ai, e hagadaba Tagi Maolunga: ‘Doo bodu e hai naa ga se hine hai be se manu i lo te aduhale, gai au dama alodahi e daa naa ga maakau i de gadilaasa. Doo henua e haide naa i de uga haide ga vaevae, gai koe e magau naa i de henua o de gau henua gee, Gai Israel e gaavee naa donu gi dahi henua gee, ma de hano gee mai i dono henua donu.’ ”

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Revelation 16:1

Gai au ne langona ange hogi dahi leo i lo te temple e basa ange gi denga dangada de langi dogohidu laa ma e hai ange, “Goodou hulo liingia ange gi henua i lalo mee i lodo boolo e hidu o de bole o de Maadua!”