Jeremiah 14:10 - De Beebaa Dabu

¹⁰ E hagadaba Tagi Maolunga i dagodo o de huaadangada nei: “Gilaadeu e llodo mmao e hulo gee mai i ogu daha; gilaadeu e dee llodo donu e nnoho donu huu Deelaa ai, Tagi Maolunga e dee malangilangi donu i gilaadeu; ia e dee ngalo naa hogi olaadeu baubau gai ia e hagaduasala gilaadeu i hiidinga olaadeu haisala.”

Jeremiah 14:10 Iomraidhean Croise

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

Psalm 119:101

Au e dee daudali i hegau baubau alodahi, gi maua ai e au i de daudali i au muna.

Psalm 95:10

Au ne lili i e madahaa ngadau i de atangada laa; au ne hagadaba, “Gilaadeu se huaadangada e daahuli gee i olaadeu lodo, gilaadeu e dee iloo ogu dagodo.”

Exodus 32:34

Iainei gai koe hannoo dagina de huaadangada naa gaavee gi de mommee aagu gu tala adu gi de goe. Gai dogu dangada de langi e hano naa i oo mada i mua. Aagai de laangi naa huu aagu e hagaduasala ai gilaadeu, gai au ga hagaduasala gilaadeu i hiidinga olaadeu haisala.”

Jeremiah 2:36

Gu aha gu ngadi aheahe saele ai naa goe, ma tee modu de sui oo haiava? Egypt e hagadogaa naa goe bei de hai a Assyria ne hai ai laa goe.

Jeremiah 3:13

Gai goodou gi daalaa bolo goodou gu haisala; goodou gu hai baasi ange donu gi Tagi Maolunga doodou Maadua, goodou gu dagodo haisala madali denga diinonga o de gau henua gee ma lalo denga manu ssomo alodahi, goodou tee hagallongo mai gi de au, go Tagi Maolunga e hagadaba.

Jeremiah 31:34

Gai e deai naa donu se dangada e agoagona ange tangada e baa ange, aabe go dono daina, ga hai ange, ‘Koe gi iloo Tagi Maolunga,’ go hiidinga gilaadeu alodahi e iloo naa donu au, mai i de gauligi ga dae ai gi tangada madua, go Tagi Maolunga e hagadaba, go hiidinga au e degi ange naa gi olaadeu hegau baubau gai au e dee ahe ange naa donu e manadua olaadeu haisala.”

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Jeremiah 8:5

Gai gu aha de gau nei gu huuhuli gee ai nei? Gai gu aha Jerusalem gu duudagi ai nei de huli dua? Gilaadeu e daohi donu huu hegau hagasenga; gai gilaadeu e dee llodo e aahe mai.

Ezekiel 29:16

Gai de gau Israel e dee aahe ange naa donu e tali hagalodolodo ange gi Egypt, aagai gilaadeu e manadua naa olaadeu baubau, i delaadeu tali ange gi de gau Egypt. Gai gi iloo ai e gilaadeu bolo go au donu de Ia Aamua go Iahweh.”

Hosea 11:7

Ogu dangada e nnoho huu e daahuli gee i de au, gai ga hagahia naa donu e gilaadeu de Ia Maolunga Mmao laa, aagai ia e dee hagahiihidi age donu gilaadeu.

Hosea 11:9

Au e dee hagasula naa donu i dogu lili, aabe e huli ange ga oha Ephraim. Go hiidinga au go de Maadua, au e dee se dangada, go de Ia Dabu e noho laa i oodou magavaa. Au e dee hanadu naa donu ma dogu bole.

Hosea 7:13

E vakaa naa gilaadeu, go hiidinga gilaadeu gu daahuli gee i de au! Daia gilaadeu gi maakau, go hiidinga gilaadeu gu hai baasi mai gi de au! Au ne lodo mmao e hagaola gilaadeu, aagai gilaadeu e hadu muna i de au.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

Amos 5:22

Gai ga gaamai naa donu e goodou denga sigidaumaha dudu ma sigidaumaha o grain, gai au e dee malangilangi ai donu. Gai ga gaamai naa donu e goodou denga sigidaumaha hagadanuaa magavaa i oodou manu gu haangai gi pedi, gai au e dee anga ange naa donu gi mee nei.

Hebrews 8:12

Au e degi ange naa gi olaadeu baubau, aagai au e dee ahe ange naa donu e manadua olaadeu haisala.”

1 Samuel 15:2

E hagadaba Tagi o denga hagabuulinga hebagi, ‘Au e hagaduasala naa de gau Amalek i hiidinga gilaadeu ne hai baasi ange gi de gau Israel i de masavaa olaadeu ne loomai ai i Egypt.