Jeremiah 13:19 - De Beebaa Dabu

¹⁹ Denga aduhale i ngaage e pono naa, gai e deai naa donu dangada e huugea. Dangada o Judah alodahi gu gaavee gee i de henua, gai gu odi alodahi dangada i de gaavee gee.

Jeremiah 13:19 Iomraidhean Croise

2 Kings 25:21

Gai de hodooligi o Babylon ne daa gilaadeu gu maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

1 Chronicles 9:1

Gai dangada alodahi o Israel ne sisi i denga atangada i lo te beebaa e daohi ai denga hodooligi o Israel. Gai dangada o Judah ne noonoodia ga gaavee gi Babylon, i hiidinga gilaadeu tee hai hegau i de muna abodonu.

De Beebaa go Job 12:14

Noo ia e oha, gai e deai donu e maua i de hagaahe age; noo ia e tili ange gi lo te hale pono, gai e deai donu e maua i de hhuge.

Jeremiah 17:26

Gai dangada e loomai naa i denga aduhale o Judah, ma mommee nnoho i luu baasi o Jerusalem, ma de henua o Benjamin, ma de mommee iai duuduu paa i lalo, ma mommee iai mounga, aama de bido i ngaage, gai gilaadeu e gaamai mee e hai ai denga sigidaumaha dudu, ma sigidaumaha ange laa, ma sigidaumaha o grain, ma frankincense, aama sigidaumaha e hagaahe ange ai de abodonu i de hale o Tagi Maolunga.

Jeremiah 20:4

Gai e hagadaba Tagi Maolunga, ‘Tilo, au e hai naa goe gi se mee hagamadagu adu donu huu gi de goe aama ange gi oo soa alodahi; gai koe e gidee naa de daa ga maakau o oo soa i gadilaasa a olaadeu hagadaumee. Gai au e dugu ange naa Judah alodahi gi de hodooligi o Babylon; ia e kave naa hanu dangada gi Babylon, gai ga daa hanu gi maakau i de gadilaasa.

Jeremiah 24:1

Dua huu de kave gee a Nebuchadnezzar, de hodooligi o Babylon Jehoiachin, tama a Jehoiakim, de hodooligi o Judah, ma dagi o Judah, ma labagau o denga laagau ma baalanga, mai i Jerusalem ga kave gi Babylon, gai tilo, Tagi Maolunga ne hagaago mai gi de au e dahi midi: au ne gidee e lua gede e hhao ai denga hua fig e daakodo i ma te temple o Tagi Maolunga.

Jeremiah 28:4

Gai au e hagaahe mai naa hogi gi kinei Jehoiachin tama daane a Jehoiakim, go de hodooligi o Judah, aama dangada alodahi ne gaavee gee laa i Judah ga kave gi Babylon, go Tagi Maolunga e hagadaba. Go hiidinga au e hhadi naa de laagau hagahai hegau a de hodooligi o Babylon.”

Jeremiah 32:44

Dangada e hagao naa denga alahenua i sseene ga sisi ange olaadeu ingoo gi denga beebaa alahenua ga pono ma de hagasauaa i daho de gau hagadonu, i de vaaenga o Benjamin, ma mommee nnoho i luu baasi o Jerusalem, ma lodo aduhale o Judah, ma aduhale i mommee iai mounga, ma aduhale i mommee iai duuduu paa i lalo, ma de bido gi ngaage, go hiidinga au e hagaahe ange naa delaadeu manuuia,” go Tagi Maolunga e hagadaba.

Jeremiah 33:13

Gai denga aduhale i de mommee iai mounga, ma aduhale iai duuduu paa i lalo, ma aduhale i de bido gi ngaage, i de vaaenga o Benjamin, ma mommee i luu baasi o Jerusalem, ma lodo aduhale o Judah, de gau hagaloosi ssiibi e aahe ange naa ga dau alaadeu ssiibi, go Tagi Maolunga e hagadaba.

Jeremiah 39:9

Gai Nebuzaradan, tagi o de gau hagaloosi, ga kave dangada e doe i de aduhale gi Babylon, madali dangada ne dau ange laa gi de ia, aama dangada ange laa.

Jeremiah 52:27

Gai de hodooligi o Babylon ne daa gilaadeu ga maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Jeremiah 52:28

Gai deenei taelodo o dangada a Nebuchadnezzar ne kave gi dahi henua gee: de hidu ngadau, se 3,023 Ssuu;

Jeremiah 52:30

gai de madalua ma dolu ngadau o Nebuchadnezzar ne hodooligi ai, se 745 dangada mai i Judah a Nebuzaradan, tagi o de gau hagaloosi ne kave; se 4,600 ngadau dangada nei alodahi.

Lamentations 1:3

Judah gu gaavee gi dahi henua gee, i dua dono vaivai haia ma de hai hegau hagaduasala ina. Ia e noho i magavaa o denga huaahenua; ia tee gidee dahi mommee e hagammabu ai. Gilaadeu alodahi ne doolohia ia gu daea adu ia, i dono masavaa e hai ngadaa ai.

Zechariah 7:7

E dee aanei muna a Tagi Maolunga gu tala i daho ono pelaabisi i mua, i de masavaa o Jerusalem e honu ai i tangada ma de lava. Gai denga aduhale i luoono baasi, ma de bido gi ngaage aama mommee iai duuduu paa i lalo e nnoho ai hogi dangada.’ ”

Deuteronomy 28:15

Aagai noo koe e dee hagallongo ange gi muna a Tagi Maolunga doo Maadua aabe e tilo ga hai hegau i ana muna alodahi, ma ana mee gu hagasauaa aagu e tala adu gi de goe anailaa nei, gai denga hagamalaia nei alodahi e hai adu naa donu gi de goe.

Deuteronomy 28:52

Gai gilaadeu e loomai naa ga duuli oo aduhale alodahi, ga dae ai gi delaadeu oha denga aduhale buibui i honga doo henua alodahi, aau e tali hagalodolodo ange naa aagena. Gilaadeu e duuli naa goe gi dee maua i de ssao mai i lodo aduhale, i de henua alodahi a Tagi Maolunga doo Maadua e gaavadu gi de goe.

Joshua 18:5

Gai goodou ga vvae hidu mommee e doe i de henua. Judah gi nnoho i dono vaaenga i de bido gi ngaage, gai Joseph i dono mommee i de bido gi ngaiho.