Jeremiah 13:18 - De Beebaa Dabu

¹⁸ Hai ange gi de hodooligi ma tinana o de hodooligi: “Gooluu iho mage nnoho i denga nohoanga maolalo, go hiidinga ooluu hau hodooligi mahamaha gu aau gee mai i ooluu biho.”

Jeremiah 13:18 Iomraidhean Croise

2 Kings 24:12

Gai Jehoiachin, de hodooligi o Judah, ma dono dinana, ma ono dangada bale, ma de gau maolunga, ma dagi o de henua alodahi gu hai hegau ange gi de ia. Gai de valu ngadau huu o Nebuchadnezzar, de hodooligi o Babylon ne hodooligi ai, gai ia ne nnoa Jehoiachin.

2 Kings 24:15

Gai ia ne noonooa Jehoiachin, ma dono dinana, ma ono bodu, ma dagi o de henua, ma de gau maolunga o de henua, ga kave mai i Jerusalem gi Babylon.

2 Chronicles 33:12

Gai de masavaa huu oona ne duasala ai, gai ia ga dalodalo ange gi Tagi Maolunga dono Maadua i de bale, ma de hagamaolalo i mada luu mada o de Maadua o ono dubuna madagidagi.

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Chronicles 33:23

Aagai ia tee bei dagodo o dono damana go Manasseh, ia tee hagamaolalo ono lodo i mada luu mada o Tagi Maolunga; ia ne hai ga kii ange de lagolago ono haisala.

Exodus 10:3

Gai Moses ma Aaron ga hulo gi daho Pharaoh, ga hai ange gi de ia, “E hagadaba Tagi Maolunga de Maadua o de gau Hebrew, ‘Dee hee maa taulooloa dau dee lodo e hagamaolalo goe i mada luoogu mada? Dugua dogu huaadangada gi hulo, gi maua ai e gilaadeu i de daumaha mai gi de au.

Exodus 39:28

ma de goobai malo i linen danuaa, ma mee e noonooa ange gi olaadeu biho, aama olaadeu malo laa lodo i linen danuaa e amu ga hilo.

Proverbs 27:24

go hiidinga de lava e dee maua gi dagodo ga hano ai, gai dahi nohoanga hodooligi e dee maua hogi gi dagodo i denga atangada alodahi.

Isaiah 3:20

ma goobai malo, ma seeini e dau i olaadeu gubu vae, ma mee nnoa ungaalodo, ma manu iai vai malo, ma mee dau,

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Isaiah 47:1

De bua moe go Babylon, iho ma gi noho i lo te gelegele; tamaa hine a de gau Babylon, noho i honga de gelegele e dee go de nohoanga o de hodooligi, Gai koe gu dee hagabinga bolo se damaa hine somo danuaa ma de balabala doo angaanga.

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Jeremiah 22:26

Au e maga naa gooluu ma doo dinana ne hanaua goe gi dahi henua gee, se mommee niioluu tee haanau ai, gai gooluu ngaadahi e maakau naa i kilaa.

Jeremiah 29:2

(Mee nei ne hai i dua de gaavee gee o de hodooligi go Jehoiachin, ma dono dinana, ma denga eunuch, ma dagi o Judah ma Jerusalem, ma labagau o denga hadu ma labagau o denga baalanga mai i Jerusalem.)

Jeremiah 36:16

Gai ga langona huu e gilaadeu muna laa alodahi, gai gilaadeu ga hagadau kalo ange gu maatagu, ga hai ange gi Baruch, “Gimaadeu e tala ange naa donu muna nei alodahi gi de hodooligi.”

Lamentations 1:6

De mahamaha alodahi gu gaavee gee mai i daho tamaa hine o Zion. Ono dagi alodahi gu bei denga dia gu deai laa selaadeu mommee iai helii; gai gu deai hogi olaadeu mahi e saavini ai e hulo gee mai i tangada e dolohia gilaadeu.

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Lamentations 2:10

Denga daane maatua o tamaa hine o Zion gu nnoho i honga de gelegele ma e dee mmuu ai, gai gu hagamalili ange gelegele gi honga olaadeu biho ma de kahu i denga malo daladala. Denga damaa hine o Jerusalem gu ino gi honga de gelegele.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Ezekiel 16:12

Au ne hagapigi ange hogi dahi buulei gi doo usu, ma hanu hakai gi luoo dalinga, aama de hagauda adu dahi hau hodooligi gi honga doo biho.

Ezekiel 21:26

Gai e hagadaba de Ia Aamua go Iahweh: Daalaa de goobai malo, gai hagauia de hau hodooligi. Mee alodahi e dee hai naa donu bei mee i mua: de gau maolunga e hai naa ga maolalo, gai de gau maolalo e hai naa ga maolunga.

Ezekiel 24:17

Gai koe dangi, gai haia gi deai e langona; gai koe e dee dangi i tangada magau. Noodia doo goobai i honga doo biho ma de ulumagi oo mee vae; gai koe gi dee haolia doo ngudu, aabe gi gaina gai a de gau hinangalosaa e gai.”

Ezekiel 24:23

Goodou e noonoa denga goobai malo i honga oodou biho, ma mee vae i oodou vae. Goodou e dee hinangalosaa aabe tangi, aagai goodou e gonogono naa i hiidinga oodou baubau, ma de hagadau daemaha i oodou magavaa.

Ezekiel 44:18

Olaadeu goobai e hai i denga linen, gai olaadeu malo laa lodo e kahu ai e hai hogi i denga linen; gilaadeu e dee kahu i hanu malo e haia ga salia taadaa gilaadeu.

Daniel 5:20

Aagai de masavaa huu oona ne lodo maolunga ai ma de hagamakaga ono lodo i dono hagamaolunga, gai dono nohoanga hodooligi ma dono mahamaha gu kave gee mai i ono daha.

Jonah 3:6

Gai ga langona huu e de hodooligi o Nineveh muna laa, gai ia ga hidi age mai i dono nohoanga hodooligi, ga hagaui dono malo laa daha, gai ia ga gahu i malo daladala, ga noho i lodo lehu.

Matthew 18:4

Deenei ai, be goai e lodo maolalo bei dagodo o tamaa gauligi nei, gai go ia e maolunga i de nohoanga hodooligi o de langi.

James 4:10

Goodou hagamaolalo i mada luu mada o Tagi Maolunga, gai ia ga hagaamua ai goodou.

1 Peter 5:6

Deenei ai, goodou gi hagamaolalo i lalo de lima sauaa o de Maadua, gai ia ga hagaamua ai goodou i de masavaa heohi.