Jeremiah 12:6 - De Beebaa Dabu

⁶ Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Jeremiah 12:6 Iomraidhean Croise

De Beebaa go Job 6:15

Aagai au gu deai sagu tali ange gi ogu daina, bei denga saalingaa vai e ssali laa i dahi masavaa bodobodo, ma denga saalingaa vai e hoohonu age laa

Psalm 12:2

Dangada alodahi gu hagadau hadu muna; alaadeu muna e hagasegesege ange dangada i de mee hhadu.

Psalm 12:3

Tagi Maolunga gi duuduudia malaungudu e hagasegesege ina ange dangada, ma de alelo e basa hagamaolunga,

Psalm 69:8

Au gu bei tangada henua gee i daho ogu daina, gai se dangada henua gee i daho dama a dogu dinana.

Proverbs 23:8

Koe e hagalueia mai naa au momo mee gu gai, gai teai haigamaiana dau tuhi ange ia.

Proverbs 26:25

Ga basa hagamalangilangi naa donu ia, gai koe aude hagadonusia ana muna, i hiidinga ono lodo e honu i maanadu hakino gee.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Jeremiah 11:19

Au ne bei dagodo o dahi ssiibi daudonu e dagi laa e kave e daa gi magau. Au tee iloo donu bolo gilaadeu gu hagatau e hai baasi mai gi de au, ma de hagataba, “Gidaadeu ga sele de manu nei ma ono hua; gidaadeu ga aau gee ia i de henua o dangada e mouli laa, gi deai ai se dangada e manadua ia.”

Jeremiah 11:21

“Deenei ai, e hagadaba Tagi Maolunga i dagodo o denga daane o Anathoth, go dangada e saalaa goe e daa gi magau ma de hai adu, ‘Aude basa pelaabisi i de ingoo o Tagi Maolunga, gimaadeu kana daa goe gi magau’ —

Jeremiah 20:10

Au e langona dangada soa e hagadau musumusu, De mee hagamaatagu gu i mommee alodahi! “Gaavange ia! Gaavange ia gi de hainga!” Ogu soa alodahi e dagitilo de masavaa oogu e haisala ai, gai gilaadeu ga hagataba, “Kana adu ia e hagasengalia naa; gai gidaadeu ga hagadee kii ia ma de sui ange ana mee ne hai.”

Jeremiah 9:2

Mee naa gi dahi ogu mommee i de vao, se mommee e nnoho gaainga ai dangada e hagadaga saele, gai au ga dugu ogu dangada ga hano gee mai i olaadeu daha, go hiidinga gilaadeu alodahi ni dangada e dagodo haisala, gai se hagabuulingaa dangada e dee hai hegau i de mee abodonu.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Jeremiah 9:4

Tangada gi kana gi dagidiiloo dangada e paa ange gi de ia, aude hagadonusia dahi oo daina. Go hiidinga dangada alodahi ni dangada hadu muna, gai tangada e baa adu se dangada adi longo.

Jeremiah 9:5

Dahi ma dahi e daahanga tangada e baa ange gi de ia, gu deai se dangada e daalaa de muna abodonu. Gilaadeu alodahi gu aabo ange i tala muna hhadu; gilaadeu e hagadee saohia gilaadeu i de hai de baubau.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Mark 12:12

Gai dagi o de gau Ssuu ne hagatale de poo Iesu, go hiidinga gilaadeu gu iloo bolo ia ne tala de mee hagasengasenga laa e hai baasi ange ai gi gilaadeu; gai gilaadeu e maatagu i dangada, gai gilaadeu ga hulo gee mai i ono daha.

John 7:5

Gai ono daina daane donu e dee hagadonusia ia.

Acts 16:22

Aagai dangada soa i kilaa ne hai baasi ange gi gilaau, gai dagi o de aduhale laa ga saesae malo o Paul ma Silas ga hagataba bolo gi hagailiilia gilaau.

Acts 18:12

Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna,