Jeremiah 12:12 - De Beebaa Dabu

¹² De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.

Jeremiah 12:12 Iomraidhean Croise

Isaiah 34:6

De gadilaasa a Tagi Maolunga gu honu i todo, ma de baalau i denga kiliisi — go dodo o denga ssiibi ma guudi, ma kiliisi o denga ssiibi daane. Go hiidinga Tagi Maolunga gu hai dahi sigidaumaha i Bozrah, gai e soa ne daa ga maakau i Edom.

Isaiah 57:21

E hagadaba dogu Maadua, “E deai donu se noho paba o de gau baubau.”

Jeremiah 15:2

Gai noo gilaadeu e ssili adu, ‘Go hee omaadeu e hulo aagena?’ gai koe ga hai ange, ‘E hagadaba Tagi Maolunga: Gilaadeu gu hagababa ange e maakau, e maakau; gilaadeu gu hagababa ange gi de gadilaasa, e daia i de gadilaasa; gilaadeu gu hagababa ange gi de onge, e maakau i de onge; gilaadeu gu hagababa e kave gi dahi henua gee, e gaavee gi dahi henua gee.’

Jeremiah 16:5

Gai e hagadaba Tagi Maolunga, “Aude ulu i de hale o dangada e hinangalosaa ai; aude hano hogi gi dangi aabe gi aloha ange gi gilaadeu, go hiidinga au gu kave gee de nnoho paba, ma dogu lodo aloha, aama dogu abodonu mai daho de huaadangada nei, go Tagi Maolunga e hagadaba.

Jeremiah 25:11

Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Jeremiah 3:2

Koe gi galo age gi ulu denga duuduu malaelae ma gi diiloo. E dahi laa mommee oou tee dagodo haisala ai? Koe ne noho i gaogao de haiava ma e tali ai oo dau soa, koe e bei de gau Arab e nnoho laa i de vao. Koe gu hai ma gu hakino gee de henua, i doo hai be se manu ma au hegau baubau.

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.

Jeremiah 30:5

“E hagadaba Tagi Maolunga: Gimaadeu gu langona de hevaalogi o de hellumi, ma de maatagu, e dee go de noho paba.

Jeremiah 34:17

Deenei ai, e hagadaba Tagi Maolunga: Goodou tee hagallongo mai gi de au; dahi ma dahi tee dugu gi hulo oodou dangada. Deenei ai, au e dugu ange naa goodou gi de gadilaasa, ma de mee hagamaakau, aama de onge, go Tagi Maolunga e hagadaba. Au e hai naa goodou gi se mee hagamaatagu ange gi denga nohoanga hodooligi o henua i lalo alodahi.

Jeremiah 4:27

E hagadaba Tagi Maolunga, “De henua alodahi e maoha naa ga ngadi dagodo, gai au e dee oha naa donu gi odi.

Jeremiah 46:10

Aagai de laangi laa se laangi niio de Ia Aamua, Tagi o denga hagabuulinga hebagi — se laangi e sui ange ai hegau baubau, ma de hagaduasala ai ono hagadaumee. De gadilaasa e daa naa dangada ga dae ai gi de dae ono lodo, ma de unu dodo o ono hagadaumee ga dae ai gi dono bosu. Go hiidinga de Ia Aamua, Tagi o denga hagabuulinga hebagi, e hai naa dahi sigidaumaha i de henua i ngaiho i gaogao ssaalingaa vai go Euphrates.

Jeremiah 47:6

⌊Goodou e hagataba,⌋ ‘De gadilaasa a Tagi Maolunga, dee hee maa taulooloa doo dee hagamabu? Ahe ange gi lo too hale, gai noho ma gi dee ngalue.’

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Jeremiah 8:15

Gidaadeu ne tali delaadeu nnoho paba, aagai teai donu se mee danuaa ne humai; gidaadeu ne tali dahi masavaa o de hagaieiangi, aagai go de mee hagamaatagu donu huu ne humai.

Lamentations 3:17

Ogu lodo gu dee baba, au gu ngalo dagodo o de malangilangi.

Ezekiel 14:17

Gai noo au e gaamai de gadilaasa e daa ai dangada i de henua, ma de hagadaba, ‘De gadilaasa gi daia dangada ma manu i honga de henua gi maakau’,

Ezekiel 21:28

Gai koe, tama a tangada, basa pelaabisi hai ange, ‘E hagadaba de Ia Aamua go Iahweh i de gau Ammon, ma alaadeu muna hagadookaa: Dahi gadilaasa, dahi gadilaasa gu dada mai e daa ai dangada, gai gu hai gi malamalama e daa ai ma de hai gi dabadaba bei de uila.

Ezekiel 21:4

Go hiidinga au e daa naa gi odi dangada heohi ma de gau baubau, gai dagu gadilaasa e dada mai naa e daa ai dangada alodahi, mai i de bido i ngaage ga dae ai gi de bido i ngaiho.

Ezekiel 21:8

Gai Tagi Maolunga ne hagaago mai ange ana muna, ga hai mai:

Ezekiel 21:9

“Tama a tangada, basa pelaabisi ma gi hai ange, ‘E hagadaba de Ia Aamua: Dahi gadilaasa, dahi gadilaasa gu hakaa ma gu hagamalamalama,

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Amos 9:4

Gai ga noonoodia naa donu gilaadeu ga gaavee gi henua o olaadeu hagadaumee, gai au e hai naa de gadilaasa gi daia gilaadeu gi maakau i kilaa. Au e dagitilo naa e hai ange de baubau gi gilaadeu e dee hai ange tanuaa.”

Zephaniah 2:12

“De gau Ethiopia, goodou e bei naa hogi olaadeu dagodo, goodou e daa naa ga maakau i de gadilaasa.”

Deuteronomy 32:42

Au e hai naa dao o dagu mee hholu gi honu i denga dodo, gai dagu gadilaasa e duuduu naa dangada, ma de baalau i dodo o de gau maakau ma gilaadeu tee kii, aama de duuduu biho iai ngaangaaulu lloa o dagi o denga hagadaumee.”

Revelation 6:4

Gai gu sao mai ange hogi dahi hoosa, se hoosa mmea. Gai gu gaavange gi tangada e gage i ono elunga ssauaa e hai ai gi dee nnoho paba dangada i henua i lalo, ma de hai dangada gi hagadau daia gilaadeu gi maakau. Gai ne gaavange hogi dahi gadilaasa looloa gi de ia.