Jeremiah 12:1 - De Beebaa Dabu

¹ Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Jeremiah 12:1 Iomraidhean Croise

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Ezra 9:15

Tagi Maolunga, de Maadua o Israel, koe e heohi donu, aagai gimaadeu ni dangada sogoisi ne ola anailaa nei. Tilo, koe e iloo danuaa omaadeu haisala, aagai gu deai donu se gimaadeu e maua i de humai e duu i mada luoo mada.”

Nehemiah 9:33

Gai koe e heohi donu i dau dugu ange mee nei alodahi gi hai mai gi gimaadeu, go hiidinga koe ne hai hegau i de mee abodonu, aagai gimaadeu ne hai de baubau.

De Beebaa go Job 12:6

Hale o de gau gaiaa e nnoho paba, gai gilaadeu e hagalili ina de Maadua e duadonu — go gilaadeu e dagidagina olaadeu diinonga i lodo olaadeu lima.

De Beebaa go Job 13:3

Aagai au e lodo e tala ange agu muna gi de Ia Mmahi Mmao laa, ma de hagadaumee ange gi de Maadua.

De Beebaa go Job 24:12

De gonogono o dangada gu dai maakau e langona i lo te aduhale, gai dangada gu lagolagohia e dangidangi i de bale. Aagai de Maadua e dee hagahaisala dahi.

De Beebaa go Job 24:23

De Maadua e hai gi dagodo be gilaadeu e nnoho paba, aagai ia e dagitilo gilaadeu.

De Beebaa go Job 8:17

ono aga e ssomo laa luu baasi dahi hagabuudungaa hadu, ma de ssala dahi duulanga moona i magavaa o denga hadu.

Psalm 116:5

Tagi Maolunga e degi ma de heohi, taadeu Maadua e honu i de lodo aloha.

Psalm 119:137

Tagi Maolunga, koe e heohi mmao, gai au hagamodu e heohi.

Psalm 119:75

Tagi Maolunga, au e iloo bolo au hagamodu e heohi, gai koe ne hagaduasala ngau i hiidinga doo hai hegau i de abodonu.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Psalm 37:1

Aude manavasaa oo lodo i hiidinga o dangada e haia de baubau aabe gi lodo gaiaa ange gi gilaadeu e haia mee dee heohi;

Psalm 37:35

Au ne gidee tangada baubau ma de hagamaatagu, e somo danuaa bei manu lau kohu i dono henua donu.

Psalm 51:4

Au e hai baasi adu donu gi de goe, i dogu haisala, ma de hai de baubau i mada luoo mada, deenei ai, koe e heohi donu i doo masavaa e basa ai, gai e heohi donu dau hagamodu muna.

Psalm 51:6

Ni muna abodonu, koe e lodo gi dagodo de mee abodonu i de lodo; gai koe agoagona mai ogu lodo i de heiangi abodonu.

Psalm 92:7

gai ga ssomo age naa donu de gau baubau bei denga helii, gai alodahi e haia de baubau e hagadagadaga age, gai gilaadeu e daa naa ga maakau ga hano ai.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Ecclesiastes 8:14

E dahi ange mee e hai i henua i lalo, e deai ono haigamaiana: gilaadeu e heohi e hagaduasala bei de gau baubau, gai de gau baubau e manuuia bei gilaadeu e heohi. Au e hagadaba bolo de mee nei e deai hogi ono haigamaiana.

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

Isaiah 48:8

Koe tigi langona naa donu aabe gu donu ange; mai loo i mua gai luoo dalinga tigi maahuge donu. Gai au e iloo dagodo o doo dee hai hegau i de mee heohi, gai koe ne hagaingoo ange bolo se dangada hagamanege mai i doo haanau.

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Jeremiah 12:6

Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Jeremiah 3:20

Aagai goodou e bei de hine vaivai dagodo e tili laa dono bodu, goodou dangada o Israel gu vaivai daakodo mai donu gi de au,” go Tagi Maolunga e hagadaba.

Jeremiah 3:7

Au ne maanadu bolo dua naa huu dana hai mee nei alodahi, gai ia e ahe mai gi de au; aagai ia tee ahe mai donu. Gai dono daina e dee hai hegau i de mee abodonu go Judah ne gidee ana hegau.

Jeremiah 32:16

“Gai ga lava huu i dagu gaavange beebaa o de alahenua laa gi Baruch, tama daane a Neriah, gai au ga dalodalo ange gi Tagi Maolunga, ga hai ange:

Jeremiah 5:11

Dangada o Israel ma dangada o Judah e dee hai hegau mai gi de au i de muna abodonu,” go Tagi Maolunga e hagadaba.

Jeremiah 9:2

Mee naa gi dahi ogu mommee i de vao, se mommee e nnoho gaainga ai dangada e hagadaga saele, gai au ga dugu ogu dangada ga hano gee mai i olaadeu daha, go hiidinga gilaadeu alodahi ni dangada e dagodo haisala, gai se hagabuulingaa dangada e dee hai hegau i de mee abodonu.

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Ezekiel 18:25

Gai goodou e hagataba, ‘Hegau a de Ia Aamua e hai e dee heohi donu.’ De gau Israel, goodou hagalaangona agu muna: E aha, gu dee heohi nei agu hegau? E dee go goodou gu dee heohi naa oodou hegau?

Daniel 9:14

Deenei ai, Tagi Maolunga ne dagitilo e gaamai de hai ngadaa gi gidaadeu; go hiidinga Tagi Maolunga taadeu Maadua e heohi donu ana hegau alodahi gu hai; aagai gidaadeu tigi hagallongo ange gi de ia.

Daniel 9:7

Dogu Ia Aamua, koe e heohi, aagai anailaa nei gimaadeu gu dookaa — go gimaadeu dangada o Judah, ma dangada e nnoho i Jerusalem, aama Israel alodahi, i mommee paa mai ma mommee mmao, i henua alodahi aau gu hai gimaadeu gi mavaevae saele aagena, i hiidinga gimaadeu tee hai hegau adu gi de goe i de mee abodonu.

Hosea 6:7

Gilaadeu gu oha de hagatoo donu hagaheloongoi, bei hegau a Adam ne hai; gilaadeu tee hai hegau mai gi de au i de mee abodonu.

Habakkuk 1:4

Deenei ai, de hainga gu dee hai hegau, gai de hagamodu heohi gu dee sula age. De gau baubau gu soa ange i gilaadeu e heohi, de hagamodu heohi gu dee hai hegau.

Zephaniah 3:5

Aagai Tagi Maolunga e noho laa i kilaa e heohi, ia e dee hai hegau i de mee dee heohi. Daiao alodahi gai ia e hagamodu muna i de heohi, gai ia e dee tuu donu de hai mee nei i laangi alodahi; aagai de gau baubau e dee dookaa donu.

Malachi 2:17

Goodou gu hakoso Tagi Maolunga i oodou muna. Aagai goodou e ssili, “Dee hee demaadeu hai ne hagadalea ai ia?” Go doodou hagataba, “Dangada alodahi e haia de baubau e danuaa donu huu i mada luu mada o Tagi Maolunga, ia e malangilangi donu i gilaadeu,” aabe go doodou ssili, “I hee iai donu de Maadua o de heohi?”

Malachi 3:15

Aagai iainei gimaadeu e hagataba bolo go de gau hagamaolunga e manuuia. De gau baubau e hagadagadaga age, gai dangada e hagataalea de Maadua e ola.’ ”

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.