Jeremiah 11:23 - De Beebaa Dabu

²³ Gai e deai naa donu se gilaadeu e ola, go hiidinga au e hai naa gi humai dahi hai ngadaa gi dangada o Anathoth i de ngadau aagu e hagaduasala ai gilaadeu.”

Jeremiah 11:23 Iomraidhean Croise

Jeremiah 11:19

Au ne bei dagodo o dahi ssiibi daudonu e dagi laa e kave e daa gi magau. Au tee iloo donu bolo gilaadeu gu hagatau e hai baasi mai gi de au, ma de hagataba, “Gidaadeu ga sele de manu nei ma ono hua; gidaadeu ga aau gee ia i de henua o dangada e mouli laa, gi deai ai se dangada e manadua ia.”

Jeremiah 23:12

Deelaa ai, delaadeu haiava e hai naa gi segesege ma de gohu; gai gilaadeu e dagadagahia naa ma de maakau i kilaa. Go hiidinga au e hai naa gi humai de hai ngadaa gi gilaadeu, i de ngadau aagu e hagaduasala ai gilaadeu, go Tagi Maolunga e hagadaba.

Jeremiah 44:27

Tilo, au e dagitilo naa e hai ange de baubau gi gilaadeu e dee go tanuaa, gai dangada alodahi o Judah e nnoho laa i de henua go Egypt, e odi naa donu i de maakau i de gadilaasa ma de onge.

Jeremiah 46:21

Gai denga daane hebagi aana ne hagao i ono daha e bei dagodo o denga kaau gu haangai laa gi pedi. Gilaadeu alodahi gu saavini hogi ga hulo gee, gilaadeu e dee maua i de tuu e hebagi; go hiidinga de laangi hai ngadaa gu dae mai gi gilaadeu, go de masavaa olaadeu e hagaduasala ai.

Jeremiah 48:44

Tangada e savini ga hano gee i de mee hagamaatagu, e doo ange naa gi lo te geelinga gelo, gai tangada e gage age i lo te geelinga gelo laa, e doo ange naa gi lo te sele. Go hiidinga au e gaamai naa gi honga o Moab dahi ngadau e hagaduasala ai ia, go Tagi Maolunga e hagadaba.

Jeremiah 5:29

E aha, e dee heohi dagu hagaduasala gilaadeu i hiidinga o mee nei? go Tagi Maolunga e hagadaba. E dee heohi dagu sui ange hegau a dahi huaahenua bee nei?

Jeremiah 5:9

E aha, au e dee hagaduasala naa gilaadeu i hiidinga o mee nei? go Tagi Maolunga e hagadaba. E aha, au e dee sui ange naa hegau a de huaahenua e haia mee nei?

Jeremiah 50:27

Daia gi maakau ana kaau alodahi; haia gilaadeu gi loiho gi de mommee e daa ai manu. E vakaa naa gilaadeu! Go hiidinga gu dae mai delaadeu masavaa, go de laangi olaadeu e hagaduasala ai.

Jeremiah 6:9

E hagadaba Tagi o denga hagabuulinga hebagi: “Gilaadeu gi ogohia dangada o Israel e doe bei de hagihagi ga odi hua o de grapevine  ; gai aahe ange hagihagia hua e doe i honga ono laa, bei hegau a tangada e hagihagia denga grape.”

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Obadiah 1:18

Dangada o Jacob e bei naa dahi ahi, dangada o Joseph e bei naa de ula o dahi ahi; gai dangada o Esau e bei naa denga gainga, gai gilaadeu e dudu naa gilaadeu ga odi. Gai e deai naa donu dangada e ola i dangada o Esau,” go Tagi Maolunga e hagadaba.

Micah 7:4

Tangada danuaa hugadoo e bei de manu duiduia, tangada heohi hugadoo e baubau ange i de buibui o manu daladala. De laangi o oo dangada dagitilo gu baa mai donu, go de laangi o de Maadua e dae mai ai gi de goe. Iainei go de masavaa olaadeu e ssenga ange ai.

Luke 19:44

ma de oha de aduhale ga daa gu maakau dangada iai. Gilaadeu e dee dugu naa donu dahi hadu gi dagodo i honga dahi hadu, go hiidinga koe tee iloo de masavaa a de Maadua ne humai ai e bale adu goe.”