Jeremiah 11:15 - De Beebaa Dabu

¹⁵ Ni aha a de ia oogu e aloha ai laa e hai i dogu hale daumaha, i dana hai hegau hakino gee lagolago madali dangada? E aha, e maua e kano manu i de hai gi dee hagaduasala goe? De masavaa aau e hai ai au hegau hakino gee, gai koe e malangilangi laa?

Jeremiah 11:15 Iomraidhean Croise

Psalm 50:16

Aagai de Maadua e hai ange gi tangada baubau: “Goai ne dugu adu koe gi hagamaumau ina agu hainga, aabe go de tala dagu hagatoo donu hagaheloongoi?

Psalm 60:5

Gai hagaola ina gimaadeu i doo lima madau, ma de basa mai gi amaadeu dalodalo, gi ola ai gilaadeu oou e aloha ai.

Proverbs 10:23

Tangada lodo senga e hakadanga i dahulinga baubau, aagai de heiangi se mee hagamalangilangi ange gi tangada e dahi ono donu ange.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Proverbs 2:14

gilaadeu e malangilangi i de hai mee dee heohi ma de llodo danuaa i de hagammahi e hai de baubau;

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

Proverbs 26:18

Tangada hai mee senga e dilia laa denga dao ula ma dao o de mee hholu hagamaakau laa,

Proverbs 28:9

Noo tangada e dee hagallongo ange gi de hainga, gai ana dalodalo e hakino gee donu hogi.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Jeremiah 12:7

Au gu tili dogu hale; au gu tili de huaahenua o dogu boolonga; au e dugu ange naa de ia oogu e aloha ai gi ono hagadaumee.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 2:2

“Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Jeremiah 23:11

“Denga pelaabisi ma de gau haimeedabu gu dee hai hegau i de mee heohi; gai au gu gidee donu hogi alaadeu hegau baubau i lo togu hale, go Tagi Maolunga e hagadaba.

Jeremiah 3:14

Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua; au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion.

Jeremiah 3:8

Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Hosea 3:1

Gai Tagi Maolunga ne hai mai gi de au, “Hannoo ahe ange aloha i de hine gu aloha laa i dahi daane gee, gai se hine dagodo haisala, bei de hai a Tagi Maolunga e aloha ai laa i de gau Israel, e dee galemu donu delaadeu aaloha i denga diinonga ma de llodo i denga duudangaa raisin.”

Matthew 22:11

Aagai de masavaa huu o de hodooligi ne ulu mai ai gi daho dangada, gai ia gu gidee dahi daane e dee gahu i malo o taonga hagahai bodu;

Luke 8:28

Gai ga gidee huu e taane laa Iesu, gai ia ga oo ga hagabaguu gi lalo i ono mada i mua ga hai ange i de leo laumalie, “Iesu, Tama Daane a de Maadua Maolunga Mmao laa, se aha oou e lodo ai i ogu daha? Au e dangidangi adu koe gi dee hagammae ina ngau!”

Romans 11:28

Gai e soa dangada Ssuu gu hai ma gu ni hagadaumee niio de Maadua i oodou hiidinga, i hiidinga delaadeu dee hagadonu de longo danuaa. Aagai gilaadeu ni dangada niio de Maadua e aloha ai, i hiidinga ia ne hili olaadeu dubuna madagidagi.

1 Corinthians 13:6

De aloha e dee malangilangi i de mee dee heohi, aagai e malangilangi i de muna abodonu.

Titus 1:15

Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.

James 4:16

Aagai goodou e pasa hagassoenga i doodou hagamaolunga. Denga pasa hagassoenga bee nei alodahi e baubau.