Jeremiah 11:10 - De Beebaa Dabu

¹⁰ Gilaadeu gu buni e aahe ange gi haisala o olaadeu dubuna, go dangada ne kino laa i de hagallongo agu muna. Gai gilaadeu ne daudali i denga diinonga ma de daumaha ange gi gilaadeu. Dangada o Israel ma Judah gu oha de hagatoo donu hagaheloongoi aagu ne hai madali olaadeu dubuna.

Jeremiah 11:10 Iomraidhean Croise

Psalm 78:57

Gilaadeu ne aahe dua ma tee hai hegau i de mee abodonu bei olaadeu dubuna madagidagi; gai e deai se tali ange gi gilaadeu bei de mee hholu gu hadi laa.

Isaiah 24:5

Dangada gu hai gi hakino gee henua i lalo, gilaadeu tee daudali i denga hainga, gilaadeu gu hagahaisala mee gu lava i de hagasauaa, ma de oha de hagatoo donu hagaheloongoi dee ngado mai laa.

Jeremiah 13:10

De hagabuulingaa dangada baubau nei tee llodo e hagallongo mai gi de au, gai ne hagamakaga olaadeu lodo, gai ne hulo ga daudali ange i denga diinonga ma de daumaha ange gi gilaadeu, e bei donu dagodo o de mee nnoa ungaalodo nei — gilaadeu gu deai donu olaadeu haigamaiana!

Jeremiah 17:23

Gai gilaadeu tee hagallongo mai aabe ne aanga mai gi agu muna; gilaadeu ne hagamakaga olaadeu lodo, tee llodo e hagallongo mai aabe ne daohi agu muna ange gi gilaadeu.

Jeremiah 22:9

Gai de muna e basa ange ai deenei: ‘Go hiidinga gilaadeu gu tili de hagatoo donu hagaheloongoi a Tagi Maolunga delaadeu Maadua, gai gu daumaha ange gi denga diinonga ma de hai hegau ange gi gilaadeu.’ ”

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

Jeremiah 44:16

“Gimaadeu e dee hagallongo donu au muna gu tala mai i de ingoo o Tagi Maolunga!

Jeremiah 44:5

Aagai gilaadeu tee hagallongo mai aabe ne aanga mai gi agu muna. Gilaadeu tee hulo gee donu i alaadeu hegau baubau, aabe ne tuu delaadeu dudu denga mee maanongi ange gi denga diinonga.

Jeremiah 7:28

Deenei ai, hai ange gi gilaadeu, Deenei de huaahenua tee hagallongo ange laa gi Tagi Maolunga delaadeu Maadua, gai tee hagallongo ange gi dana haelenga. Gai de muna abodonu gu lilo; gai gilaadeu gu dee pasa ai hogi.

Jeremiah 9:6

Gu kona mmao de vaivai haia o dangada, gu laumalie de hagasenga, gai dangada gu dee llodo gi iloo e gilaadeu au,” go Tagi Maolunga e hagadaba.

Ezekiel 16:59

Gai e hagadaba de Ia Aamua go Iahweh: Au e hagaduasala naa goe gi bei au hegau gu hai, go hiidinga koe ne hagangadi mee de hagatoo donu ma de oha de hagatoo donu hagaheloongoi.

Ezekiel 44:7

Gai e dee aanei donu huu oodou mee gu hai, gai goodou gu gaamai hogi de gau henua gee, tigi tuu dagaholiage laa olaadeu lodo ma olaadeu angaanga gi dogu mommee dabu, ga hai ai gu hakino gee dogu hale i de masavaa e sigidaumaha mai ai oodou gai, ma mee moomuna ma dodo. Goodou gu oha dagu hagatoo donu hagaheloongoi.

Ezekiel 5:6

Gai Jerusalem ne kii ange dana hagangadi mee agu hagamodu i denga huaahenua ange laa, ma de kii ange de hai baasi ange gi agu hainga gu hagasauaa i denga huaahenua i luoono baasi, go hiidinga gilaadeu ne tili agu hagamodu gai tee daudali i agu hainga gu hagasauaa.

Hosea 6:4

Ephraim, dee hee dagu hai e hai ai goe? Judah, dee hee dagu hai e hai ai goe? Doo aloha e bei de mama o de maluulu i taiao, ma de mee suungia o taiao e moolau laa teai.

Hosea 6:7

Gilaadeu gu oha de hagatoo donu hagaheloongoi, bei hegau a Adam ne hai; gilaadeu tee hai hegau mai gi de au i de mee abodonu.

Hosea 7:16

Gilaadeu e aahe mai, aagai tee aahe mai gi de au, de Ia Maolunga Mmao laa: gilaadeu e bei de mee hholu e deai mee e kii ange ai. Olaadeu dagi e maakau naa i de gadilaasa i hiidinga o alaadeu muna hagamaolunga. Gilaadeu e hagadookaa ina naa i de henua go Egypt i hiidinga o de mee nei.

Leviticus 26:15

gai noo goodou e hagangadi mee agu muna gu hagasauaa, ma de kino i agu hagamodu ma tee daudali i agu hainga alodahi ga oha ai dagu hagatoo donu hagaheloongoi,

Zephaniah 1:6

ma gilaadeu e daahuli gee gu dee daudali ange i Tagi Maolunga, aagai e dee ssala hogi Tagi Maolunga, aabe e dangidangi ange gi de ia i de bale.

Zechariah 1:4

Goodou gi dee bei dagodo o oodou dubuna madagidagi; denga pelaabisi i mua ne hai ange: ‘E hagadaba Tagi o denga hagabuulinga hebagi, goodou daahuli gee i oodou hegau baubau ma oodou dahulinga baubau.’ Aagai gilaadeu tee hagallongo mai aabe ne aanga mai gi agu muna, go Tagi Maolunga e hagadaba.

Zechariah 7:11

Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna.

Zechariah 7:13

Au e dee hagallongo naa hogi delaadeu dangidangi, i de masavaa alaadeu e hagahi mai ai au, bei delaadeu hai tee hagallongo ai laa agu muna, go Tagi o denga hagabuulinga hebagi e hagadaba.

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

Deuteronomy 9:7

Goodou manadua de mee nei, goodou aude ngalo donu doodou hai ga lili Tagi Maolunga doodou Maadua i de vao. Mai i de laangi oodou ne ssao mai i de henua go Egypt, ga dae ai gi doodou tae mai gi kinei, gai goodou ne hai baasi ange gi Tagi Maolunga.

Hebrews 8:9

gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, gai gilaadeu tee duudagi de daohi dagu hagatoo donu hagaheloongoi, deelaa ai, au tee anga ange gi gilaadeu, go Tagi Maolunga e hagadaba.

Judges 2:11

Gai de gau Israel gu dahulinga baubau i mada luu mada o Tagi Maolunga, ma de daumaha ange gi denga Baal.

Judges 2:17

Aagai gilaadeu tee hagallongo ange gi olaadeu gau hagamodu muna, aagai ne daudali ange i denga diinonga, ma de daumaha ange gi gilaadeu. Gai ne moolau donu delaadeu hulo gee mai i de haiava o olaadeu maadua madagidagi ne seesee ai laa, go gilaadeu ne daudali laa i muna a Tagi Maolunga, gai de atangada nei tee daudali ai.

Judges 2:19

Aagai de masavaa naa huu o delaadeu dangada hagamodu muna e magau ai, gai gilaadeu ga aahe ange ga hai gu kii ange delaadeu hakino gee i olaadeu damana, ma de daudali ange gi denga diinonga ange laa, ga hai hegau ange gi gilaadeu aama de daumaha ange gi gilaadeu. Gilaadeu tee llodo e tili alaadeu dahulinga, ma de hagamakaga olaadeu lodo.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.