Jeremiah 10:4 - De Beebaa Dabu

⁴ Gai gilaadeu ga hagalaagii i selevaa ma goolo, ga tugi gi makaga i de haamaa ma neele gi dee singasinga saele ai.

Jeremiah 10:4 Iomraidhean Croise

Psalm 115:4

Aagai olaadeu diinonga ni mee e hai i selevaa ma goolo, gai ne hai i lima o dangada.

Psalm 135:15

Diinonga o denga huaahenua e hai i goolo ma selevaa, gai ni mee e hai i lima o dangada;

Isaiah 44:12

De labagau o denga baalanga e kave dahi goloa baalanga; ga dugu ange gi lo te ahi e hholu ai; gai ia ga hagahua ai dahi diinonga i denga haamaa, i dana dugidugi i dono lima. Ia e hano ga saalohia gu deai ono mahi; gai e ssili ono mada i dana dee unu vai.

Isaiah 46:6

Hanu dangada e llingi denga goolo i lodo alaadeu beagi, ga hagahidi denga selevaa i honga denga mee hagahidi, ga hagao ange dahi labagau o denga goolo gi haia dahi maadua; gai gilaadeu ga ino ga daumaha ange aagena.

Isaiah 46:7

Gilaadeu e hagauda delaadeu diinonga ma de saabai i honga olaadeu eu; ga kave ga hagaduu i dono mommee gi duu ai, gai e dee maua donu i de ngalue gee i dono duulanga. Gai ga dalodalo ange naa donu dahi dangada aagena, aagai e dee basa ange donu, aabe maua i de hagaola tangada mai i ono hai ngadaa.

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Habakkuk 2:19

E vakaa naa tangada e hai ange gi de laagau, ‘Alahage!’ gai e hai ange gi de hadu, ‘Hidi age!’ E aha, e maua de mee nei i de agoago ange ia? Tilo, de hadu laa e haoli i goolo ma selevaa, gai e dee manamanava.