Jeremiah 10:19 - De Beebaa Dabu

¹⁹ ⌊Dangada e hagataba,⌋ “Gu vakaa loo au i hiidinga au gu lagohia! Dogu maanuga e dee maua gi mahu. Aagai au e hagadaba, ‘Ni muna abodonu, de mee nei dogu magi, au e hagauda donu de mee nei.’

Jeremiah 10:19 Iomraidhean Croise

Psalm 39:9

Au ne dee muu; au tee tala hanu muna, i hiidinga go koe donu ne haia de mee nei.

Psalm 77:10

Gai au ga hagadaba, “Au e manavasaa i de sui hegau a de Ia Maolunga Mmao laa.”

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Jeremiah 14:17

Daalaa ange muna nei gi gilaadeu: ‘Luoogu mada gu dee tuu donu de honu malingilingi i denga loimada i de laangi ma de boo; go hiidinga tamaa hine — go ogu dangada — gu hagailia gai dono maanuga e kona.

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Jeremiah 17:13

Tagi Maolunga, go de tali a Israel, dangada alodahi e dilia goe e dookaa naa. Gilaadeu e daahuli gee i de goe e bei mee e sisi i honga de gelegele ⌊e moolau laa de llilo⌋, i hiidinga gilaadeu gu tili Tagi Maolunga, go ssaalingaa vai iai de mouli.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 8:21

Au gu mmae ogu lodo i de mmae lodo o ogu dangada; au gu dangi ma de hinangalosaa mmao ogu lodo.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Lamentations 3:48

Ogu loimada gu ssali bei dagodo o denga vai ssali, i hiidinga de daia ga maakau o ogu dangada.

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.