Jeremiah 1:9 - De Beebaa Dabu

⁹ Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.

Jeremiah 1:9 Iomraidhean Croise

Isaiah 49:2

Ia ne hai dogu ngudu gi kangi bei de gadilaasa, gai ne haoli au i lalo de malu o dono lima; ia ne hai hogi au gi bei dahi dao o de mee hholu gu hakaa ma gu kangi, ma gu hhao gi lo te mommee hhao dao.

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

Isaiah 59:21

Gai e hagadaba Tagi Maolunga, “Deenei dagu hagatoo donu hagaheloongoi ange gi gilaadeu: dogu Hagasaalunga e noho naa i oo daha, ma agu muna gu hhao adu gi lo too ngudu, e dee hulo gee naa donu mai i lo too ngudu, ma mai i lodo ngudu o au dama, aama lodo ngudu olaadeu hagadiilinga, mai iainei ga hano ai,” go Tagi Maolunga e hagadaba.

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Jeremiah 34:6

Gai de pelaabisi go Jeremiah ne hano ga tala ange muna nei alodahi gi Zedekiah, de hodooligi o Judah i Jerusalem,

Jeremiah 36:2

“Gaavee dahi beebaa mulo ga sisi ai muna alodahi aagu gu tala adu i dagodo o Israel ma Judah, ma denga huaahenua ange laa alodahi, mai i taamada dogu basa adu gi de goe i de masavaa o Josiah ga dae mai ai gi anailaa nei.

Jeremiah 5:14

Deenei ai, e hagadaba Tagi Maolunga, de Maadua o denga hagabuulinga hebagi: “Go hiidinga goodou gu tala muna nei, tilo, au e hai naa agu muna oodou e tala gi se ahi, gai de gau nei go lahhie e dudu laa i de ahi.

Ezekiel 3:10

Ia ne hai mai hogi gi de au, “Tama a tangada, hagalaangona muna alodahi aagu e tala adu gi de goe ma gi daohia i oo lodo.

Daniel 10:10

Gai tilo, dahi lima gu poo mai au ga luuluu au ga hai gi duuduli i luoogu lima ma luoogu duli ma de bolebole.

Daniel 10:16

Gai tilo, dahi e bei laa hoolinga o tangada ne poo mai luoogu malaungudu. Gai au ga hhuge dogu ngudu ga basa ange ga hai ange gi de ia e duu laa i ogu mada i mua, “Dogu dangada aamua, au gu kona mmao dogu dee baba, i hiidinga o de midi hagaago ange, gai gu deai ogu mahi.

Numbers 23:5

Gai Tagi Maolunga ga tala ange ana muna gi Balaam, ga hai ange, “Ahe gi daho Balak, daalaa ange muna nei gi de ia.”

Matthew 10:19

Gai de masavaa naa huu alaadeu e gaavange ai goodou gi de hainga, gai goodou gi dee manavasaa i doodou hai e pasa ange ai, aabe go oodou muna e pasa ange ai, go hiidinga e gaavadu naa donu gi goodou oodou muna e pasa ange ai i de aoaa laa.

Mark 7:33

Gai ia ga kave gee taane laa mai i daho dangada soa laa, gai ia ga velo ange dono madannia gi lodo luoono dalinga, ma de saavale ange gi lo tono lima ga poo ange ai de alelo o taane laa.

Luke 12:12

Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

Deuteronomy 18:16

Deenei doodou mee ne dangidangi ange ai gi Tagi Maolunga doodou Maadua i gaogao de mounga go Horeb, i de laangi odaadeu ne hagabuni ai. Goodou ne hai mai gi de au, “Gimaadeu e dee llodo e aahe ange e hagallongo de leo o Tagi Maolunga demaadeu Maadua, gai gimaadeu e dee llodo hogi e aahe ange e tilo de ahi laumalie laa kana maakau gimaadeu.”

Deuteronomy 18:17

Gai Tagi Maolunga ne hai mai gi de au, “E heohi donu alaadeu muna.

Deuteronomy 18:18

Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.