Jeremiah 1:15 - De Beebaa Dabu

¹⁵ Tilo, au gu dai hagahi naa denga hagadiilinga alodahi i denga nohoanga hodooligi i ngaiho, go Tagi Maolunga e hagadaba. Gilaadeu e loomai naa ga hagatuu olaadeu nohoanga i mada haitoga o de buibui o Jerusalem; gilaadeu e loomai naa ga hebagi ange gi ono buibui alodahi, aama denga aduhale alodahi o Judah.

Jeremiah 1:15 Iomraidhean Croise

Isaiah 22:7

Oo geelonga hhua lagolago gu hoohonu i denga hada hebagi, gai denga daane e kage i honga hoosa e duuli naa denga haitoga o de aduhale;

Jeremiah 10:22

Hagalaangona adu! Dahi longo gu humai — se hagalongaa laumalie mai i de henua i ngaiho! E hai naa ga ngadi daakodo denga aduhale o Judah, ma de hai gi se mommee iai denga jackal.”

Jeremiah 10:25

Koe gi bole ange gi denga huaahenua e dee iloo goe, aama dangada e dee dalodalo adu gi de goe. Go hiidinga gilaadeu gu oha Jacob; gilaadeu gu daa ono dangada ma gu odi ma de oha dono henua ma gu ngadi dagodo.

Jeremiah 13:20

Dangage age diiloo dangada e loomai laa i ngaiho. Gai i hee iai de hagabuulingaa ssiibi gu gaavadu gi de goe, go de hagabuulingaa ssiibi oou e basa hagasoenga ai laa?

Jeremiah 25:28

Aagai noo gilaadeu e dee llodo e kave de ubu mai i doo lima e unu ai, gai koe ga hai ange gi gilaadeu, ‘E hagadaba Tagi o denga hagabuulinga hebagi: Goodou e unu donu i de ubu nei!

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 33:10

Gai e hagadaba Tagi Maolunga: Goodou e hagataba i dagodo o de mommee nei, ‘Se mommee e ngadi dagodo, gai e deai dangada ma manu dolodolo iai.’ E heohi, aduhale o Judah ma haiava o Jerusalem e ngadi daakodo, ma teai dangada aabe ni manu dolodolo iai. Aagai e aahe ange naa ga langona

Jeremiah 34:1

De masavaa o Nebuchadnezzar, de hodooligi o Babylon, ma dono hagabuulinga hebagi alodahi, ma denga nohoanga hodooligi alodahi o henua i lalo aana e dagi laa, ne hebagi ange gi Jerusalem ma ono aduhale alodahi, gai Tagi Maolunga ne hagaago ange ana muna gi Jeremiah, ga hai ange,

Jeremiah 34:22

Gai au e tala naa dahi hagailoo, go Tagi Maolunga e hagadaba, gai au ga hagaahe mai ai gilaadeu gi de aduhale nei. Gai gilaadeu e hebagi ange naa ga hagadee kii de aduhale nei ga dudu i de ahi. Au e hai naa denga aduhale o Judah gi se mommee e ngadi daakodo, gai gi deai dangada e nnoho ai.”

Jeremiah 39:3

Gai denga dagi alodahi i lalo o de hodooligi o Babylon ne loomai ga nnoho i de haitoga o de aduhale: go Nergal-Sharezer, ma Samgar-Nebo, ma Sarsekim, ma dahi dagi maolunga go Nergal-Sharezer, aama denga dagi alodahi i lalo o de hodooligi o Babylon.

Jeremiah 4:16

“Hagamanadua ange gi denga huaahenua, gai hagailoo ina i Jerusalem: ‘Dahi hagabuulinga hebagi gu loomai i dahi henua mmao; gilaadeu e hevaalogi e daamada de hebagi ange gi aduhale o Judah.

Jeremiah 4:6

Hagaduulia de hagailonga e hulo ai gi Zion! Goodou aude nnoho, gai saavini mage hulo mmuni! Go hiidinga au e hai naa gi humai dahi hai ngadaa i ngaiho, gai se mee e haia de oha laumalie.”

Jeremiah 43:10

Gai koe ga hai ange gi gilaadeu: ‘E hagadaba Tagi o denga hagabuulinga hebagi, de Maadua o Israel: Tilo, au e aalu naa gi humai dogu dangada hai hegau go Nebuchadnezzar, de hodooligi o Babylon, gai au e hai naa ia gi hagaduulia dono nohoanga i honga denga hadu aagu gu velo nei gi lilo ange gi kinei; ia e hagaduu naa dono hale malo i honga mee nei.

Jeremiah 44:6

Deelaa ai, au gu hai baasi ange gi gilaadeu i dogu bole ma dogu lili; gai dogu bole gu dudu de aduhale o Judah ma honga denga haiava o Jerusalem ma gu maoha ma de ngadi daakodo anailaa nei.

Jeremiah 46:24

Dangada o Egypt e dookaa ina; de henua e hagadee kii ina naa i dangada e loomai i ngaiho.”

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Jeremiah 6:22

E hagadaba Tagi Maolunga, “Tilo, dahi hagabuulingaa dangada e loomai naa i dahi henua i ngaiho; dahi huaahenua mmahi gu hiihidi age i de bido laa o henua i lalo.

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Lamentations 5:11

Denga haahine o Zion gu haia gi de mahi, aama denga bua mmoe i aduhale o Judah.

Ezekiel 32:30

Denga dagi o ngaiho ma de gau Sidon alodahi i kilaa hogi; gilaadeu nei ne loiho hogi madali de gau maakau, teai selaadeu hagadubu, e dee galemu donu delaadeu mahi e hagamaatagu ai dangada. Gilaadeu ni dangada tigi tuu dagaholiage e danu madali dangada ne daia ga maakau i de gadilaasa; gilaadeu ne dookaa madali gilaadeu ne loiho laa gi lo te geelonga.

Joel 2:20

Au e kave gee naa denga itebuubuu mai i ngaiho gi mmao gee mai i goodou, ga hai gi hulo gi de vao e deai laa vai iai gai se ngadi mommee. Denga itebuubuu e hulo i mua, e too ange naa gi lo te dai i baasi i dua, gai denga itebuubuu e loomai i muli e too ange naa gi lo te dai i baasi dai; gai e maakau naa ga pilo, i hiidinga ia gu hai hanu hegau hagalele mouli.”

Zechariah 6:6

De hada hebagi iai laa denga hoosa uli e hano naa gi denga henua i ngaiho, denga hoosa tea e hulo gi dai, gai denga hoosa daubulebule e hulo gi ngaage.”