Jeremiah 1:12 - De Beebaa Dabu

¹² Gai Tagi Maolunga ga hai mai, “E heohi goe, go hiidinga au e dagitilo naa hogi e hagassula agu muna.”

Jeremiah 1:12 Iomraidhean Croise

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

Jeremiah 1:13

Gai Tagi Maolunga ne hagaago mai ange hogi ana muna i de lua hanonga, ga hai mai, “Se aha aau e gidee naa?” Gai au ga hai ange, “Au e gidee dahi anibada gu kai mee i ono lodo, gai e diba mai i ngaiho.”

Jeremiah 24:3

Gai Tagi Maolunga ga ssili mai, “Jeremiah, se aha aau e tilo naa?” Gai au ne hai ange, “Ni fig; denga hua danuaa e kona donu tanuaa, gai denga hua baubau e kona donu de baubau, gu dee maua donu i de gai.”

Jeremiah 31:28

Bei dagu hai ne tilo ai laa ga unuunusi age ma de oha gilaadeu, ma de hagadee kii, ma de daa ga maakau, ma de hagaduasala gilaadeu, gai au e tilo naa hogi ga hagatuu age ma de doo gilaadeu, go Tagi Maolunga e hagadaba.

Ezekiel 12:25

Aagai au, Tagi Maolunga, e basa naa ga tala dagu hagatau, gai e hagasula naa donu i de masavaa moolau. Gai e hai naa donu i oodou laangi, goodou de huaadangada hagamaanege. Gai au ga hagassula naa donu agu muna gu tala, go de Ia Aamua go Iahweh e hagadaba.’ ”

Ezekiel 12:28

Deelaa ai, hai ange gi gilaadeu: ‘E hagadaba de Ia Aamua go Iahweh: Agu muna gu tala e dee tali ange naa donu dahi masavaa, aagai agu muna gu tala e hagassula naa donu, go de Ia Aamua go Iahweh e hagadaba.’ ”

Amos 8:2

Gai ia ne ssili mai, “Amos, se aha aau e gidee laa?” Gai au ne hai ange, “Se gede iai huamanu lleu.” Gai Tagi Maolunga ne hai mai gi de au, “De hagaodi o ogu dangada go de gau Israel gu dae mai donu. Au gu dee hagaola donu gilaadeu.

Luke 10:28

Iesu ne hai ange gi de ia, “E heohi au muna, hannoo haia de mee nei gi mouli ai goe.”

Luke 20:39

Hanu dangada sisi ne hai ange hogi gi de ia, “Tangada Agoago, e heohi au muna!”

Deuteronomy 18:17

Gai Tagi Maolunga ne hai mai gi de au, “E heohi donu alaadeu muna.

Deuteronomy 32:35

Go au e suuia ange de baubau, go au e hagao ina ange. Gai e dae mai naa de masavaa olaadeu e baakuu ai, gai de laangi olaadeu e hai ngadaa ai gu baa mai donu, gai e moolau naa donu de tae mai mee nei gi gilaadeu.”

Deuteronomy 5:28

Gai Tagi Maolunga ne langona oodou muna ne tala mai gi de au, gai Tagi Maolunga ga hai mai gi de au, “Au gu langona muna a dangada gu tala adu gi de goe; gai e danuaa donu alaadeu muna gu tala adu naa.