James 5:19 - De Beebaa Dabu

¹⁹ Denga daina, noo dahi goodou e dahuli gee i de mee abodonu, gai dahi dangada ga hagaahe mai ia,

James 5:19 Iomraidhean Croise

Psalm 119:118

Koe e kino i gilaadeu alodahi e hagahaisala i au muna gu hagasauaa; gai alaadeu hagatau hadu muna e deai olaadeu haigamaiana.

Psalm 119:21

Koe e hagasee de gau hagamaolunga, go gilaadeu gu maalaia, gilaadeu ni dangada gu hulo gee i au hainga.

Proverbs 19:27

Dagu dama, noo koe e dee hagallongo ange gi denga agoago heohi, gai koe e hano gee naa i muna o de iloo mee.

Isaiah 3:12

Denga gauligi e vaivai hai naa ogu dangada, denga haahine e dagudagu ange naa gi gilaadeu. Ogu dangada, oodou dagi e dagi gee goodou; gilaadeu e kave gee goodou i de haiava.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Ezekiel 34:4

Goodou e dee hagammahi de ia gu baageaa, gai e dee hagaieiangi de ia gu mmagi, aabe saabini maanuga o de ia gu lagohia. Goodou tee hagaahe mai ssiibi gu ssenga saele laa, aabe ne ssala de ia gu dee maaleva laa. Goodou ne hagaduasala gilaadeu ma de vaivai hai gilaadeu i doodou dagi gilaadeu.

Matthew 18:15

“Noo doo daina gu haisala adu gi de goe, aagai koe hannoo hagaagona ange ono haisala gi de ia i de masavaa e deai ai dangada i ooluu daha. Aagai noo ia gu hagallongo adu gi de goe, gai koe gu maua i de hagaahe mai doo daina.

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Galatians 6:1

Denga daina, noo dahi dangada gu haisala, aagai goodou gu maatua abodonu laa i de hagasaalunga gi balea ange gi hagaahea mai ia i de lodo maolalo. Gai goodou dagidiiloo gi dee hagataalea hogi goodou.

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

1 Timothy 6:21

go mee a hanu gu tala hagadonu, ga hidi mai ai delaadeu daahuli gee i de gai. De abodonu ⌊o de Maadua⌋ gi dagodo i oodou daha.

2 Timothy 2:18

go dangada ne daahuli gee i de muna abodonu. Gai gilaadeu e hagataba bolo de mouli age o de gau maakau gu lava donu i de hai. Gai gilaadeu gu hagabaageaa kai o hanu.

Hebrews 5:2

Gai ia e donu ange gi dagodo o dangada e llodo ssenga ma gilaadeu e daahuli gee i de muna abodonu, go hiidinga ia e baageaa donu hogi i de hai mee nei.

James 1:16

Denga daina hagamogomogo, goodou gi dee hagasengalia!

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

James 5:20

gai ia gi donu iho bolo tangada e hagaahea mai tangada haisala i ana mee dee heohi gu hai laa, gu hagaola donu dono mouli mai i de magau aama de haoli denga haisala lagolago.

2 Peter 3:17

Deenei ai, ogu soa hagamogomogo, goodou gu iloo donu mee nei, gai goodou dagidiiloo gi dee hagasengalia goodou i alaadeu agoago dee heohi, ga dee maua ai e goodou i de tuu gi makaga.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.