James 4:6 - De Beebaa Dabu

⁶ Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

James 4:6 Iomraidhean Croise

2 Chronicles 32:26

Aagai Hezekiah ne sui dono lodo maolunga ga hagamaolalo, madali dangada e nnoho i Jerusalem; deelaa ai, Tagi Maolunga tee hagaduasala gilaadeu i dono bole i de masavaa o Hezekiah.

2 Chronicles 33:12

Gai de masavaa huu oona ne duasala ai, gai ia ga dalodalo ange gi Tagi Maolunga dono Maadua i de bale, ma de hagamaolalo i mada luu mada o de Maadua o ono dubuna madagidagi.

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Chronicles 33:23

Aagai ia tee bei dagodo o dono damana go Manasseh, ia tee hagamaolalo ono lodo i mada luu mada o Tagi Maolunga; ia ne hai ga kii ange de lagolago ono haisala.

2 Chronicles 34:27

Go hiidinga koe ne dahuli oo lodo ga hagamaolalo i mada luu mada o de Maadua, i dau masavaa aau ne langona ai ana muna, e hai baasi ange ai gi de mommee nei ma ono dangada, ma hiidinga doo hagamaolalo i mada luoogu mada, ga ssae oo malo ma de dangi i ogu mada i mua — deenei ai, e hagadaba Tagi Maolunga: Au gu langona au muna.

De Beebaa go Job 22:29

De masavaa naa huu e hagamaolalo ina ai dangada, gai koe e hagadaba, ‘Hagahiihidia age gilaadeu!’ gai ia e hagaola naa gilaadeu e lodo maolalo.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

Psalm 9:12

Go hiidinga de ia e suuia ange de baubau e manadua; ia e dee ngalo donu de tangi o dangada gu vaivai haia.

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

Proverbs 15:33

De madagu i Tagi Maolunga e agoago ange tangada i de heiangi, gai de lodo maolalo e humai i mua de hagadubu.

Proverbs 18:12

De hagaodi o de lodo maolunga o tangada go de magau, gai de hagaodi o de lodo maolalo go de hagadubu.

Proverbs 22:4

De hagaoanga o de lodo maolalo ma de madagu i Tagi Maolunga, go de lava ma de hagadubu, aama de mouli.

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Proverbs 3:34

Ia e doo mee i gilaadeu e doo mee i de ia, aagai e abodonu ange gi gilaadeu e lodo maolalo.

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

Isaiah 54:7

Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Matthew 13:12

Go hiidinga be goai e hanu ana mee, gai e gaavange donu gi kii ange de lagolago ana mee. Gai be goai e deai ana mee, aagai e kave gee donu momo mee e hanu i ono daha.

Matthew 23:12

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.

Luke 1:52

Ia gu aau gee gilaadeu e mmahi mai i olaadeu duulanga maolunga, aagai gu hagaamua gilaadeu e maolalo.

Luke 14:11

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

James 4:10

Goodou hagamaolalo i mada luu mada o Tagi Maolunga, gai ia ga hagaamua ai goodou.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.