James 4:5 - De Beebaa Dabu

⁵ Goodou e maanadu bolo ni ngadi muna e sisi laa i de Beebaa Dabu, e hai ange, “De Maadua e lodo gaiaa ange mmao i de hagasaalunga aana gu hai laa gi noho i odaadeu lodo”?

James 4:5 Iomraidhean Croise

Genesis 26:14

Gai ana ssiibi ma ana manu ange laa, aama ono dangada hai hegau gu soa mmao, gai de gau Philistia gu magiaa ange gi de ia.

Genesis 30:1

De masavaa huu a Rachel ne gidee ai, bolo tigi ai ana dama ange gi Jacob, gai ia gu lodo gaiaa ange gi dono daina hahine. Gai ia ga hai ange gi Jacob, “Haia gi hanu agu dama, kana magau naa huu au!”

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

Genesis 38:9

Aagai Onan e iloo e ia bolo tama aana e hagadili laa e dee hagaingoo i dono ingoo; deelaa ai, de masavaa huu oona ne hagahebaa ai ma de bodu o dono daina daane, gai ia ga hai ono bii gi ssali gi honga de gelegele, gi dee hagadili ina ai e ia dahi dama ma dono daina daane.

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

Psalm 106:16

Gilaadeu ne magiaa ange gi Moses ma Aaron, taane gu hagadabu ange gi Tagi Maolunga,

Psalm 37:1

Aude manavasaa oo lodo i hiidinga o dangada e haia de baubau aabe gi lodo gaiaa ange gi gilaadeu e haia mee dee heohi;

Proverbs 21:10

Tangada baubau e lodo mmao i de baubau, gai ia e dee abodonu ange gi tangada e baa ange gi de ia.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Isaiah 11:13

De lodo gaiaa o Ephraim e tuu naa, gai hagadaumee o Judah gu deai donu; Ephraim gu dee lodo gaiaa ange gi Judah, gai Judah gu dee kino i Ephraim.

Numbers 11:29

Gai Moses ga hai ange gi de ia, “Koe gu magiaa ange naa gi gilaau i ogu hiidinga? Mee naa dangada alodahi o Tagi Maolunga gi ni pelaabisi gai Tagi Maolunga gi haia gi humai dono Hagasaalunga gi olaadeu elunga!”

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

John 10:35

Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

John 19:37

Gai e hai ange hogi i dahi mommee, “Gilaadeu e gidee naa de ia alaadeu ne velo laa.”

John 7:42

Gai tigi tala laa i de Beebaa Dabu bolo de Klisdo se aamuli niio David, gai ia e humai i Bethlehem, de aduhale o David ne noho ai?”

Acts 7:9

Aagai odaadeu dubuna hagadubu ne hagao Joseph gi gaavee gi Egypt, i hiidinga delaadeu magiaa. Aagai de Maadua ne noho i ono daha,

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Romans 9:17

Gai de Beebaa Dabu ne tala ange muna a de Maadua gi Pharaoh, “Au ne hai goe gi hodooligi e hagaago mai ai dogu sauaa i oo daha, ma de hai gi langona e henua i lalo alodahi dogu ingoo.”

1 Corinthians 6:19

Goodou e dee iloo laa bolo oodou angaanga go de temple donu o de Hagasaalunga Dabu e noho laa i oodou lodo, gai ia ne humai i daho de Maadua? Gai e dee go goodou donu e huahua i goodou;

2 Corinthians 6:16

Gai e maua gi heloongoi de temple o de Maadua ma denga diinonga? Gidaadeu go de temple o de Maadua e mouli laa; gai de Maadua gu hagadaba, “Au e noho i olaadeu lodo ma de seesee i olaadeu magavaa. Au e hai naa go delaadeu Maadua gai gilaadeu go ogu dangada.

Galatians 3:8

Gai de Beebaa Dabu ne tala bolo de Maadua e hagaheohi naa denga Gentile i de gai, ma de agoago ange hogi de longo danuaa gi Abraham i mua, ga hai ange, “Gai denga huaahenua alodahi e manuuia naa i oo hiidinga.”

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.