James 4:3 - De Beebaa Dabu

³ Goodou e dangidangi gai e dee gaavadu gi goodou, go hiidinga e dee heohi doodou mee e dangidangi ai, gai goodou ga hai ai donu huu oodou mee e llodo ai.

James 4:3 Iomraidhean Croise

1 Kings 3:11

Gai de Maadua ga hai ange gi de ia, “Koe ne dangidangi i de mee nei; koe tee dangidangi mai i de mouli daulooloa, be go de lava, aabe go de daa oo hagadaumee gi maakau, aagai koe ne dangidangi mai i de heiangi gi maua ai e goe i de dagi dangada i de heohi.

De Beebaa go Job 35:12

Dangada e tangi gai de Maadua e dee basa ange, i hiidinga de llodo maolunga o de gau baubau.

Psalm 18:41

Gilaadeu ne dangidangi i dahi bale, aagai teai donu dangada ne hagaola ina gilaadeu; gilaadeu ne tangi ange gi Tagi Maolunga, aagai ia tee basa ange gi gilaadeu.

Proverbs 1:28

Gai gilaadeu e hagahi mai naa au, aagai au e dee basa ange naa donu; gilaadeu e hagammahi naa e ssala gi gidee au, aagai gilaadeu e dee gidee naa donu au.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

Jeremiah 11:11

Deenei ai, e hagadaba Tagi Maolunga: Tilo, au e gaamai naa gi gilaadeu de hai ngadaa e dee maua laa e gilaadeu gi ola mai ai. Gai ga tangi mai naa donu gilaadeu gi de au, gai au e dee hagallongo donu delaadeu tangi.

Jeremiah 11:14

⌊Jeremiah,⌋ aude dalodalo donu i de huaadangada nei, aabe gi dangidangi ma de dalodalo i olaadeu hiidinga, go hiidinga au e dee hagallongo donu alaadeu dalodalo, i de masavaa alaadeu e hagahi mai ai au, i delaadeu hai ngadaa.

Jeremiah 14:12

Gai ga hagahiikai naa donu gilaadeu, aagai au e dee hagallongo donu alaadeu dalodalo. Gai e dee galemu naa donu delaadeu hai denga sigidaumaha dudu ma sigidaumaha o grain, aagai au e dee malangilangi donu i mee nei. Aagai au e daa gilaadeu gi maakau i de gadilaasa, ma de onge aama de mee hagamaakau.”

Micah 3:4

Gai gilaadeu e tangi ange naa gi Tagi Maolunga, aagai ia e dee basa ange naa donu gi gilaadeu. Ia e huli gee naa i gilaadeu i de masavaa laa, i hiidinga de baubau alaadeu hegau.

Zechariah 7:13

Au e dee hagallongo naa hogi delaadeu dangidangi, i de masavaa alaadeu e hagahi mai ai au, bei delaadeu hai tee hagallongo ai laa agu muna, go Tagi o denga hagabuulinga hebagi e hagadaba.

Matthew 20:22

Iesu ne hai ange gi luaana dama, “Gooluu e dee iloo donu ooluu mee e dangidangi ai. Gooluu e maua i de unu i de ubu oogu gu dai unu ai?” Gilaau ne hai ange gi de ia, “Gimaau e maua!”

Mark 10:38

Iesu ne hai ange gi gilaau, “Gooluu e dee tonu ange donu gi dooluu mee e dangidangi mai ai naa. Gooluu e maua i de unu i de ubu o taemaha oogu gu dai unu ai, be go de babudaisi i de babudaisi oogu gu dai babudaisi ai?”

Luke 11:10

Gai tangada e dangidangi e maua naa ana mee, tangada e saalaa e gidee ana mee, gai tangada e dugidugi e hhuge ange donu gi de ia.

Luke 15:13

Dua hanu laangi gai tama gauligi ga hagabudu ana mee alodahi ga hano ai gi dahi henua mmao, gai ia ga hai moumou ana mee i de hai denga dahulinga dee heohi.

Luke 15:30

Gai ga humai donu huu dau dama daane ne gaavee naa au mee ga hai moumou i daho denga haahine hai be se manu, gai koe ga daa ange gi de ia de kaau gauligi gu haangai laa ma gu bedi!’

James 4:1

Gai aahee hiidinga e ssula age ai laa denga hebagi, ma de hagadaumee i oodou magavaa? E dee go hiidinga o denga lodo e hagadau hebagi i oodou lodo naa?

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.

1 John 5:14

Gai deenei de mee e haia gi lo taane gidaadeu i mada luoono mada: noo gidaadeu e dangidangi i dahi mee bei dagodo ono lodo, gai ia e hagallongo donu adaadeu dalodalo.