James 3:1 - De Beebaa Dabu

¹ Denga daina, gi dee soa goodou e hai gi ni dangada agoago, go hiidinga goodou e iloo bolo gidaadeu e agoagona ange dangada e kona ange de hai e hagamodu ai odaadeu muna.

James 3:1 Iomraidhean Croise

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Malachi 2:12

Gai Tagi Maolunga gi aaua gee mai i daho Jacob, denga hagadiilinga o tangada ne haia de hegau nei, e dee galemu donu dana gaamai dahi sigidaumaha gi Tagi o denga hagabuulinga hebagi!

Matthew 10:24

Gai tangada e agoago i daho dahi e dee maolunga ange i dono dangada agoago. Gai tangada hai hegau e dee maolunga ange i dono dangada aamua.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 23:14

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e gaiaa mee a denga haahine gu maakau olaadeu bodu, ma de hai gi lloa oodou dalodalo gi gidee ai e dangada. Deenei ai, goodou e kave naa de hagaduasala laumalie.]

Matthew 9:11

Gai ga gidee huu e denga Pharisee, gai gilaadeu ga ssili ange gi ana dangada agoago, “Gu aha gu gaimee ai naa doodou dangada agoago madali de gau e hagabudulia taagisese ma de gau baubau?”

Luke 16:2

Gai taane lava laa ga hagahi dono dangada hai hegau ga ssili ange, ‘Ni aha aagu gu langona nei bolo koe gu hai? Hagaagona mai be ni aha aau gu hai i mee aau e tilo ange ai ogu goloa alodahi, go hiidinga gu dee go koe e diiloo ange agu mee.’

Luke 6:37

“Goodou gi dee hagamodu ina muna o dahi, gi dee hagamodu ina ai oodou muna. Goodou gi dee hagabuu ina ange ssala gi dahi, gi dee hagabuu ina adu ai ssala gi goodou. Goodou degi ange gi dangada, gi degi adu ai de Maadua gi goodou.

John 3:10

Iesu ne hai ange, “Koe se dangada agoago niio de gau Israel, gai koe e dee donu ange gi de mee nei?

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

1 Timothy 1:7

gilaadeu e llodo e hai gi ni dangada e agoagona de hainga, gai gilaadeu e dee tonu ange gi alaadeu mee e tala, aabe go mee alaadeu e tala hagadonu.

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

2 Timothy 1:11

Gai au ne hili gi se dangada e hagadele ina aama de agoago i de longo danuaa nei,

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

James 1:16

Denga daina hagamogomogo, goodou gi dee hagasengalia!

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

James 3:10

De ngudu e hagaahe ange de abodonu, gai e hagamalaia hogi. Denga daina, e dee heohi donu doodou hai mee nei.

1 Peter 5:3

Goodou gi dee ni dagi bei gilaadeu e dagudagu ina ange dangada i olaadeu lalo, gai goodou gi ni mee hagaago danuaa ange gi denga ssiibi.