James 2:8 - De Beebaa Dabu

⁸ Noo goodou e hagasula de hainga o de nohoanga hodooligi o de Maadua, bei de hai gu sisi ai laa i de Beebaa Dabu, “Koe gi aloha i tangada e baa adu gi de goe bei doo aloha donu i de goe,” gai gu danuaa.

James 2:8 Iomraidhean Croise

1 Kings 8:18

Aagai Tagi Maolunga ne hai ange gi dogu damana go David, ‘Go hiidinga koe ne maanadu de hagaduu dahi hale e hagadubu ai dogu ingoo, gai se mee danuaa donu aau gu maanadu naa i oo lodo.

2 Kings 7:9

Aagai gilaadeu ne hagataba i olaadeu magavaa, “E dee heohi adaadeu hegau e hai nei! Anailaa nei se laangi niio dahi longo danuaa, gai gidaadeu e daohi donu huu de longo nei i odaadeu daha. Noo gidaadeu e tali gi ao de mee, gai gidaadeu e too ange naa donu gi dahi hagaduasala. Deenei ai, loomai, gidaadeu ga hagamoolau e hulo e tala ange de longo nei gi dangada i de hale o de hodooligi.”

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

Leviticus 19:34

Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.

Jonah 4:4

Gai Tagi Maolunga ga hai ange gi de ia, “E heohi naa donu doo lili?”

Jonah 4:9

Gai de Maadua ga hai ange gi Jonah, “E heohi naa donu doo lili i hiidinga o de manu somo nei?” Gai ia ga hai ange, “Uaa, e heohi donu dogu lili. Mee naa au gu magau donu!”

Matthew 22:39

De lua hainga e bei hogi de hainga nei, ‘Koe gi aloha i tangada e baa adu bei doo aloha donu i de goe.’

Matthew 25:21

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Matthew 25:23

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

Matthew 7:12

Deenei ai, mee alodahi oodou e llodo dangada gi haia adu gi goodou, gai goodou haia ange hogi gi gilaadeu; deenei de hainga ma muna a denga pelaabisi.

Romans 13:10

De aloha e dee hai ange de mee dee heohi gi tangada e baa ange gi de ia; deenei ai, de aloha e hagasula de hainga alodahi.

Galatians 5:14

Gai denga hainga e hagapuni alodahi i de muna nei, “Koe gi aloha i tangada e baa adu gi de goe bei doo aloha donu i de goe.”

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

Philippians 4:14

Gai se mee danuaa donu doodou bale mai i dogu hai ngadaa.

1 Thessalonians 4:9

Gai e deai haigamaiana demaadeu sisi adu gi goodou dagodo o de hagadau aaloha o denga daina, go hiidinga gu lava donu i doodou agoago i daho de Maadua doodou hai e hagadau aaloha ai.

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

James 2:12

Deenei ai, oodou muna ma oodou hegau gi bei dagodo o dangada e tonu iho laa bolo gilaadeu e hagamodu olaadeu muna i de hainga e haia laa gidaadeu ga ilaage.

James 2:19

Koe e hagadonusia bolo e dahi donu huu Maadua; e danuaa. Denga hagasaalunga baubau e hagadonusia donu hogi ma de bolebole i delaadeu maatagu.

James 4:11

Denga daina, goodou aude hagadau hagabaubau ina goodou. Tangada e hagabaubau ina dono daina aabe e hagamodu ina muna o dono daina, e hai baasi ange donu gi de hainga aama de hagamodu muna o de hainga. Aagai noo koe e hagamodu muna o de hainga, gai koe e dee daudali i de hainga, aagai se dangada e hagamodu ina muna o de hainga.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.