James 2:6 - De Beebaa Dabu

⁶ Aagai goodou gu hagangadi mee tangada hagaau aloha. Gai e dee go de gau lava e vaivai haia naa goodou ma de gaavange goodou gi de hainga?

James 2:6 Iomraidhean Croise

De Beebaa go Job 20:19

Go hiidinga ia ne vaivai hai ma de tili de gau hagaau aloha; ia ne hai gi de mahi denga hale aana tee hagaduu.

Psalm 10:10

Ana dangada e poo gu lagolagohia, gilaadeu gu baakuu; gilaadeu e dee pau ange i ono mahi.

Psalm 10:14

Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Psalm 10:2

Tangada lodo maolunga e doolohi tangada hagaau aloha; haia gi aahe ange alaadeu hegau baubau gi gilaadeu.

Psalm 10:8

Ia e mmuni i gaogao denga aduhale vaaligiligi ma e tali ai; ma de noho e daa gi maakau dangada tigi haisala. Ia e mmuni ma e dagitilo ai ana dangada e daa.

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Psalm 14:6

Goodou e haia de baubau, e hakadanga i hagatau a de gau hagaau aloha, aagai go Tagi Maolunga delaadeu mommee buibui.

Proverbs 14:31

Tangada e vaivai haia laa tangada hagaau aloha e hagangadi mee de ia ne haia gilaau, aagai be goai e abodonu ange gi gilaadeu e duasala e hagadubu de Maadua.

Proverbs 17:5

Tangada e hakadanga laa i tangada hagaau aloha, e hagangadi mee de Maadua ne haia laa ia; gai tangada e malangilangi laa i de duasala o dahi e hagaduasala naa donu.

Proverbs 18:23

Tangada hagaau aloha e dangidangi, aagai tangada lava e pada ana muna e basa ange ai.

Proverbs 22:16

Be goai e vaivai haia tangada hagaau aloha gi kii ange ai dono lava, ma tangada e ngadi gaavange mee gi tangada lava — gilaau ngaadahi e hagaau aloha donu.

Proverbs 22:7

Tangada lava e dagi de gau hagaau aloha, gai tangada muli se dangada hai hegau niio tangada ne gaavange sseene gi de ia.

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Habakkuk 3:14

Koe ne hai ono dao ga velo ai dono biho, i de masavaa a ono daane hebagi ne loomai ai e hagamavaevae saele gimaadeu bei dagodo o ssio; gilaadeu ne malangilangi i de vaivai hai de gau hagaau aloha gu mmuni laa.

Zechariah 7:10

Goodou gi dee vaivai haia de hine gu magau dono bodu, aabe go de gauligi gu deai sono damana, ma tangada gau henua gee, aabe go tangada hagaau aloha. Gai gi deai se goodou e haia dahi hagatau baubau, e hai baasi ange ai gi dahi dangada gee.’

John 8:49

Iesu ne hai ange gi gilaadeu, “E deai donu se hagasaalunga baubau e noho i ogu daha. Au e hagadubu dogu Damana, gai goodou e dee hagadubu au.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 17:6

Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei,

Acts 18:12

Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna,

Acts 8:3

Gai a Saul ne daamada de oha de nohoanga dabu. Ia ne hagadaga i hale alodahi ga dada mai denga daane ma haahine ga tili ange gi lo te hale pono.

1 Corinthians 11:22

E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.

James 2:3

gai goodou e hagadubu tangada e gahu laa i malo danuaa, ga hai ange gi de ia, “Humai noho i kinei,” gai e hai ange gi tangada hagaau aloha laa, “Duu gi lunga i kinaa,” aabe e hai ange, “Humai noho i gaogao luoogu vae,”

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.